Matyu 20:24 - Mian

²⁴ e okok aleyemin nakai maki 10 i weng olo wenteniba Yemse Yone i dabo dosuansiba

Matyu 20:24 ပူးပေါင်းရင်းမြစ်များ

Matyu 20:23

e baabenea Bainobe. Kab aay ele ne dowonamabie ib dab osa dowonomabib otane ne nakai mo dlakania baabenia Nakae yeta komok anea ne kweile kweitale kikib ye tounamabebo, eka yeta komok anea kweile afane kikib ye tounamabebo genamin ole ne okokbabe. Ne Aye okokobe. E nakai sin dlakanea Ita inanibta toulanomabiobo genebiobo ge baabesea

Matyu 20:25

Yesuse e okok aleyemin nakai alukum nganabenea tesiba baabenea Ibo tekein kebiobe, Yudaba naka afeti i kukubo inaminobe. I komok sum ile nakaia unangai inamin namin okoko menga dlasam binabiobe. Eka naka sum ile nakaia unangai sbal weng oye bianiba Ibo inamin namino yota namine ge oye biam binabib otane

Dowan Weng Olo Make Dolanebuotabe. 10:14

Yesuse yatemnea e okok aleyemin nakai dosuananea baabenea Ibo meme gwabi mo watanimibe! Deibeiba nesu tline! Nakaia unangai ne kla bainobo getneniba meme gwab eli ulab animib ita Gode kimanin bibo unomabiobe.

Dowan Weng Olo Make Dolanebuotabe. 10:41

e okok aleyemin nakai maki 10 i weng olo wenteniba Yemse Yone i dabo dosuansiba

Dowan Weng Olo Luke Dolanebuotabe. 13:14

otane Gode singkalin amo Yesuse unang olo klaubone kesoa Gode amo komoke atliaubasoa nakaia unangai baabenea Ibo amo asuke asuke asuke na olo dim ota okok kemine! Ibo funaniba Ni mo temoba ginino klaaubeneko genib mole okok amo dim ye tetemibta klaaubeneko! Eka Gode singkalin amo dimo mo tlaibe ge baabesea

1 Kolin 13:4

Nibo naka mak unang maki kla gobenob mole amitie daayemomo! Nibo i mo dosuan bianoba eka i inamin namino bobolo mo waye biam biota naka mak unang maki mo oye bianobta Ni kukubo ayamobo ge oye bianobta nib niniino mo omfufumobe!

Filibai 2:3

Ib okoko sbal okok kemibo mo funanibta Ni inanoba sbal okok kemoba naka mak unang maki yateniba ni niniino dotouleb nine ge funanimibe! Eka ib okok ayamo okok kemibo naka mak unang maki mo baabenibta Ni okoko ayam okok kebuobo genimibe! Eka ibo mo funanibta Naka maki ayam otane nita i gaisenobbiobo ge funanimibe! Ib bobol temo fumbianiba naka mak unang maki ni gaiseibbiobo ge funine!

Yems 3:14

Ibo ninita ye biobabo gabianiba naka maki mo gobeim blim keniba fun yatememib mole ibo mo baanibta Ni naka ayam tekein keminsabo genimibe! Ibo inangge baaib mole ibo untak nganin nakabe. Ib weng osa dimobe.

1 Fita 5:5

Tembal ibsa naka gangi wengo kla wenteye bianiba ili weng baanimib iwat namine! Eka bainobo galin nakaia unanga ibo alukum untak nganin kukubo deiboniba naka mak unang maki daabesese nine! Niminbabe, Gode buk temo baanoa Gode untak nganin nakai wengo omdibiyebe otane nakaia unangai untak nganin blim ile kla daabenamabebo genobiobe.