Matyu 17:27 - Mian

²⁷ otane i atliaubenomo kesoa kobo moneba aamuke aningi huke diyebeba aningo mikiktemo tetemoa wananomo omoneba anange teluboneba temebta monio biamo omeb tenebta nib dab nib takis monio omyene ge baabasebe.

Matyu 17:27 ပူးပေါင်းရင်းမြစ်များ

Matyu 17:26

Fitae baabanea Naka afet itabo gesea Yesuse baabanea Bainobe. Komokwali ili meletan ikobbabe. Naka afet ita takis monio okaye binabiobe. Nibo Gode meletan kesoa e am sumo takis monio walonamino denomobo klayam

Matyu 18:6

Yesuse imin baabenea Nakai tom beselibe oboniba naka make kwel wat obasa gebaniba dobbiaib watnea aaye sume dang wat blelanea kaanemeo kukub olo misiamobe. Ina otane meme gwabi ne kla bainobo gane binabib kesoa naka ele hengmino hengabea men gwab enamine atenea esak hengmino hengane mole ole dot misiamobe. Niminbabe, e inane biamo Gode atlihamino e dimo tam tlamabobe.

Matyu 18:8

Keb kweilone kemab manea hengmino henganeb mole walo ombianale! Eka skilon eta kemab manea henganeb mole esa walo obbianale! Keb kweilone elekiem deiba bianeba afen smike doboneba amit neb mole kukub olo ayamobe. Ina otane kobo deibaneba asu tubuna biam bineba aseinin bib unaneba ase kiminaminba amit einine tem wat eineb mole kukub olo misiamobe.

Matyu 5:29

Inamin kesoa keb kine inamin namino watemneba bobolo wabkenoa henganeb mole ulo obbianale! Keb kine elekiem deiba bianeba moneba afen smike doboneba amit neb mole kukub olo ayamobe. Ina otane kobo deibaneba asu teme bianeba aseinin bib uneb mole kukub olo misiamobe.

Matyu 5:30

Eka keb kweile kweitale kemab manea hengmino henganeb mole walo ombianale! Keb kweilone elekiem deiba bianeba afen smike doboneba amit neb mole kukub olo ayamobe. Ina otane kobo deibaneba asu tubu nabiam bineba aseinin bib uneb mole kukub olo misiamobo ge baabesebe.

Dowan Weng Olo Make Dolanebuotabe. 9:42

Yesuse imin baabenea Nakai tom beselibe oboniba naka make kwel wat obasa gebaniba dobbiaib watnea aaye sume dang wat blelanea kaanemeo olo misiamobe. Ina otane meme gwabi ne kla bainobo gane binabib kesoa naka ele hengmino hengabea men gwab enamine atenea esak hengmino hengane mole ole dot misiamobe. Niminbabe, e inane biamo Gode atlihamino e dimo tam tlamabobe.

Dowan Weng Olo Make Dolanebuotabe. 9:43

Keb kweilone kemab manea hengmino henganeb mole watlanale! Keb kweilone elekeim deiba bianeba afen smike doboneba amit neb mole kukub olo ayamobe. Ina otane kobo deibaneba asu tubuna biam bineba aseinin bib unaneba ase kiminaminba amit einine tem wat eineb mole kukub olo misiamobe.

Dowan Weng Olo Luke Dolanebuotabe. 17:2

Naka ele nakaia unangai ne bobolo fumbibi baabenea menganea Nibo inamin namin kukub misiamo nanomo gesea wenteniba inaniba hengmino henganimibo e kukubo dot misiam kesoa i naka ele sin ye inaniba tom beselibe oboniba kwel wat obasa gebaniba dobbiaib watnea aaye sole dang wat blelanea kaanebua e mo inaim blim kenamabe mole kukub olo ayamobe. Niminbabe, i inabaib biamo Gode atlihamino e dimo mo tam tlamabobabe.

Dowan Weng Olo Yone Dolanebuotabe. 6:61

Yesuse i wengo mo wentim blim otane e i bobol temo tekein kenea baabenea Ibo weng olo wentibo ib bobol tem daako misiam omfubenoa Denomobobo gabiobe.

Fole Lom teni bainobo galini futano dola omfubesebe. 14:21

Ibo funaniba Nibo kulan isa waen aay osa naka maki awemobo gabibo mo dowonaobe! Eka inamin namin kukubo naka maki awemobo gabib osa mo nanomobe! Nibo inasoba naka maki Yo awemobo gabibi yateniba isa doweib mole henganomabib kesoa nibo mo dowonaobe geniba deibueib mole ib kukub olo ayamobe.

1 Kolin 8:13

Inamin kesoa ne funania Nibo kulan eli dowonsoba bainobo galin naka mak unang maki yateniba isa inaniba kukub misiam olo nanimiobo ge funai kesoa nibo mo dowonaobe! Nibo tekein kebuobe, nibo nakai kulani yena dleb te funiba smiki doyobobo gabibi dowonaobo kukub olo mitmakam blim besa otane nibo kukub olo mo nanomobe! Nibo bainobo galin naka mak unang maki i bobolo fumbianoba kla gobenomo! Nibo mo inaim blim kenob mole i kulan eli dowoniba hengmino henganimib kesoa nibo kulan eli mo unalaobe!

1 Kolin 8:9

Ina otane ibo nakai kulani yena dleb te funiba smiki dokayebibo besabo ge baaniba dowom gib mole kla funanibte! Ibo inasiba bainobo galin naka mak unang maki i bainobo galino klao mo sbal maim blim blibi fumbianiba Ni nakai kulani yena dleb te funiba smiki dokayebibo dowonaobo kukub olo misiam kesoa ni halanomo ge fumbib otane tekein kebib ibo baaniba Nakai kulani yena dleb te funiba smiki dokayebibo unalin kukubo mitmakam blim besabo ge baaniba doweiba i yateniba isa inaniba doweib mole kukub olo misiamobe. Niminbabe, i funaniba kukub olo misiamobo ge fumbib otane i dowonomabib kesoa kukub misiam olo ib sanobe.

2 Kolin 6:3

Ni inamin namino nanoba naka mak unang maki dlabmanoba hengmino henganamino blim kesoa naka mak unang maki baaniba Gode Folwali okoko omyebu otane i okok olo klao mo okok kebibba kesoa ni mo Klaiste meletan anomobbabo genamini blimobe.

2 Kolin 8:9

Ibo tekein kebiobe, Sume Yesus Klaiste abilim uto inamin namino homon biba binabo otane e ibta dohalilaneta daak teneta dabalim ele tlaneta e afobeing blim binebiobe. E inanea ibo daabenebio kesoa ibo abilim uto inamin namino homon olomabiobe. Ne weng ele baabei olo ne tekein kenia I Yesuse kukubo nanebu olo bain inaniba naka mak unang maki daabenomabiba bleka? genano genita baabeiobe.

1 Tesalonaika 5:22

Ibo weng misiam osa kukub misiam osa mo namibe!

Yems 2:5

Ne nekwal ibo wenteniba funaine! Naka maki nakai inamin namino blimi yatemniba funaniba I inamin naminsababo, i besa nakabo ge fumbib otane Gode naka eli dlakanebua e daayebea bainobo gabianiba i bainobo galino sbalma blib kesoa sinanomo i e kimanin bibo unomabiobe. Makob sinanggwano e moton wengo baanea Nakae ne bobolo fumbianea ne bainobo gabe mole e ne kimanin bibo unamabebo genebio inanomabiobe.