Matyu 17:20 - Mian

²⁰ Yesuse baabenea Niminbabe, ib bainobo galino men kesoa ibo mo inaim blimobe. Ib bainobo galino klao mo sbal maim blim biaib otane ibo funaniba Ni sma Gode daabenea inamin namin okok sumo nanomabbiobo ge funanimibo nanomabiobe. Eka weng mak osa mitmakamo makobobe. As mastet dabe kengkeng otane dolinimibo belanea beselib damanabe inaniba ib bainobo galino men bibe biam otane ibo funaniba Ni sma Gode daabenamabebo ge funaib mole ibo amgolim make baabaniba Kobo ewat one genimibo e unamabebe. Ibo okoko mako tob tlin halonamino blimobe. Weng olo kla funaine!

Matyu 17:20 ပူးပေါင်းရင်းမြစ်များ

Matyu 13:31

Yesuse saa weng mako imin baabenea Gode kimanin kukubo inaminobe. Mastet dabo dot kengkengobe. Makob fut dabo ulabobe. Naka make mastet dabe obeb monea damibo dolinebiobe.

Matyu 14:29

Yesuse baabanea Tele gesea Fitae weseme tem daako deibonea daatnea aa dang dim daak tama tama monea Yesus esu onse otane

Matyu 17:17

Yesuse baabenea Ib bainobo galino blim eka i bobol tem funin osa molotbabe. Ibo makob memalo naka homon unang homoni dabalim ele blibi ulabobe. Am homono dimo ne ibo amit ye bekebe binabi otane ibo ne mo bainobo getneim blim bliobe. Naka tene debeb tline gesea

Matyu 17:19

Omito e okok aleyemin nakai ilikiem teniba Yesuse kil baabaniba Ni nimin kenobta hob misiam ele mo fotebebaim blime? gesiba

Matyu 17:9

I inaniba amgolimo deiboniba dabbema tebianiba Yesuse i baabenea Ibo inamin namin olo watemibo naka maki mo baabenimibe! Kimik geibbua binia Abilim Da Tlemin Naka ne kaania imin hanaita weng olo baabeine ge baabenea watasea

Matyu 21:21

Yesuse baabenea Ibo olo kla funaine! Ibo bobol temo asu funino deiboniba sbal maniba ne bainobo getnenib mole ibsa makob ne ase ete baabaia gatane ina bianiba eka inamin namin okoko mak osa namomabibo enaminobe. Amgolim ele baabaniba Kobo hananeba daakneba aaye sole dang daak blelanale genimibo e bain inanamabebe.

Matyu 8:26

Yesuse baabenea Ibo nimin kenibta tosiambibe? Ib bainobo galino men bibe biobo ge baabenea hananea glol esa aaye mousi esa baabonea Denale ge baabosea desoa

Dowan Weng Olo Make Dolanebuotabe. 11:22

Yesuse baabenea Ibo Gode titilo ele nane olo wateniba Gode kla bainobo geine!

Dowan Weng Olo Make Dolanebuotabe. 11:23

Ne wengo bain baabenamabibe, nakae waneta e bainobo galino sbal manea e bobol temo asu funino deibonea olokiem deibo bianea amgolim ele baabanea Kobo hananeba daakneba aaye sole dang daak blelanale genemeo e bain inanamabebe. Eka inamin namin afet osa baabonea Obo inanale genemeo o inanamabobe.

Dowan Weng Olo Make Dolanebuotabe. 4:31

O makob asiame niniino mastete dabe ulabobe. Mastet dabo dot keng kengobe. Makob fut dabo ulabobe.

Dowan Weng Olo Make Dolanebuotabe. 9:23

Yesuse baabanea Kobo fatnanebta baatnenebta Kobo titilsa biaebo daabenale geta obebe? Nakae Gode bainobo gabe biamo inamin namino kufiabubanoa klanamabebo ge baabasea

Dowan Weng Olo Luke Dolanebuotabe. 1:37

Gode titilo sbal kesoa inamin namin okoko sino klam tlebuo mema olosa klabianea olosa inanamabebo gesea

Dowan Weng Olo Luke Dolanebuotabe. 17:6

Sume baabenea Ibo as mastet dabe keng keng otane dolinimibo belanea beselib damanabe inaniba ib bainobo galino men bibe biam otane ibo funaniba Ni sma Gode daabenamabebo ge funaib mole ibo as ele baabaniba Kobo mit baka ulo obeb watneba aaye sole dang wat malanale ge baabanimibo e ib wengo wentenea inanamabebo ge baabesebe.

Dowan Weng Olo Luke Dolanebuotabe. 18:27

Yesuse baabenea Dabalim nakai abilimo imalo unom gaibo i titil blim otane Gode inamin namino bumolok omfubanamino blim kesoa emaye nakaia unangai daabenea dletnea abilim unomabiobo gesea

Dowan Weng Olo Yone Dolanebuotabe. 11:40

Yesuse baabonea Ne sino baabkenia Obo ne bainobo getneneb mole Gode titilo wateneba e niniino dobtouleb namabeobo ge baabkeibiobo gesea

1 Kolin 12:9

eka mak ile Gode bainobo geniba e okoko sbalma okok kemin titilo omkaye bianea eka mak ile nakaia unangai gembib biamo klaubeiba ayam anamin titilo omkaye bianea

1 Kolin 13:2

Gode Hobe e titilo nibo omkayebea nibo Gode wengo naka mak unang maki omkaye bianoba eka e wengo sino ayok binabo osa eka e weng mak osa o mitmakamo alukum tekein kebiam bianoba nib bainobo galino sbalma biob kesoa nibo amgolim mako baabonoba Obo betan olo deiboneba moneba betan afet mawenale genomobo o bain inanoa nibo inamin namin olo bain inanomabbu otane nibo naka mak unang maki klao mo gobenoba daayemin blim kenob mole Gode kin dimo nib okok olo mitmakam blim besabe. Ina otane nibo naka mak unang maki kla gobenoba daaye bianoba inamin namin okok olo okok kemob ota Gode kin dimo okok olo mitmakamsabe.

Hiblu 3:19

I inaibbuo nibo tekein kebuobe, i Gode wengo mo bainobo geim blim kesoa i e singkalin bibo mo unim blimobe.