Matyu 14:3 - Mian

³ Sino Helote awa genalin nakai dlanea moniba Yone afuniba klabuto ge debeb moniba klabut am daibbiotabe. E inase olo mitmakamo inaminobe. Helote e ninge Filibe alelo Helodiaso omeb haabia

Matyu 14:3 ပူးပေါင်းရင်းမြစ်များ

Matyu 11:2

Yone aa fuayemin nakae klabut am bianea Yesus Klaiste okok kebeo wengo wentenea Baaba wentano genea e okok aleyemin nakai maki dlane moniba Yesus esu unaniba baabaniba

Matyu 14:6

Am mak bomanoa Helote awoko dobmikinobuo amo tlo kesoa naka maki teniba Helote tem nabianiba falo ga wembiba Helodiaso moono tenoa naka homoni imeno wembibi kibi kaba sin ye blansoa Helote kla seinwe bianea

Matyu 4:12

Yone wengo omkeima bianea baanea Helote misiam nanebiobo gesea Helote wentenea atliaubasoa awa genalin nakai dlane moniba Yone afu debeb moniba klabut am tam dasiba Yesuse weng olo wentenea monea Galili betano Kabaneam bib ye onsebe. Bib olo aamuke Galilie ken ye biotabe. E Nasalet bibo mo unim blimobe. Betano yo Sebyulan esa Naftalai esa i molobseli betanobe.

Dowan Weng Olo Make Dolanebuotabe. 6:14

Amo yo dimo Yesuse okoko nabeo weng sango bib mak bib mako alukum onon tlanoa balianoa wenteniba tekein ke tlanabiba eka Yudai komok sume Helot esa wentenanabea naka mak unang maki obianiba Yone aa fuayemin nakae sino anaiba kaanebuo memalo imin hanane kesoa e titil omonea okok sumo sino ni mo watemim blimo klabea ni watemebuobo gesib

Dowan Weng Olo Make Dolanebuotabe. 6:17

Sino Helote e heke Filibe alelo omeisane kesoa Yone Helote baabanea Kobo keb heke alelo omeisaneb yole hekmel wengo welanebobo ge baabasea Helodiaso Yone dobsuanasoa Helote awa genalin nakai dlanea moniba Yone afuniba klabuto ge debeb moniba klabut am daibbua

Dowan Weng Olo Make Dolanebuotabe. 6:19

Helodiaso dobsuananoa ananang genamsoa Helote tolobo gesebe.

Dowan Weng Olo Make Dolanebuotabe. 6:22

i dli tete tlaniba imeno unalib dim ole Helodiaso moono tamnoa biin tam unanoa komokwali imen wembibi kin dim ye biin tla blanhasoa Helot esa e bekeb isa kla goboniba komok sume Helote unang sou olo baaboneo Obo nimin dlang genebte? Obo inamin namino dlano gabeb biamo baatnenebta ne doklano ge baabonea

Dowan Weng Olo Make Dolanebuotabe. 8:15

Yesuse e okok aleyemin nakai saa weng mako baabenea Ibo Felisie isa eka Helot esa i bleto sitanamino niniino yiso klaine ge baabeseo e wengo mitmakamo makob Helotwali kukub misiamo naamet naamet bebib ota baabene otane Yesuse okok aleyemin nakai weng olo mitmakamo mo tekein keim blim keniba

Dowan Weng Olo Luke Dolanebuotabe. 13:1

Am olo dimo naka maki teniba Yesuse baabaniba Galili seli eil blumakaui yenaniba Gode heitdabamomo gabib otane Failate awa genalin nakai dlanea moniba Galili nakai yenaiba kaaiba naka eli ilem osa eka eil blumakaui ilem osa makob daak unobo gesiba

Dowan Weng Olo Luke Dolanebuotabe. 13:31

Am olo dim ota Felisiei maki teniba Yesuse baabaniba Kobo bib olo deiboneba moneba betan mak one! Komoke Helote awa genalin nakai dlane teniba kananomabiobo gesiba

Dowan Weng Olo Luke Dolanebuotabe. 23:11

Helot esa eka e awa genalin naka isa Yesuse kukub misiamo omkaha bianiba eka weng dobo weng oha biam bianiba komokwali youm ayame dubusubaniba Helote Yesuse imin dabaia monea Failat esu uneko genea dabanea onsebe.

Dowan Weng Olo Luke Dolanebuotabe. 23:7

i baabaniba Ae e Galili nakabo gesiba Failate wentenea e tekein kebebe, Helote Galili seli komok kesoa Ne Yesuse dabaia monea Helot esu unea eta e wengo wenteko genea dabanea monea Helot esu onsebe. Helote amo yo dimo Yelusalem bib ye bietabe.

Dowan Weng Olo Luke Dolanebuotabe. 3:1

Taibilias Sisae Lom bib seli komokam bia bifolo 15 o blimanota Sekalaiae miine Yone ibuantem ye bia Gode wengo omanseo dimo Fontias Failate Yudia bib seli komok anabea eka Helot ele Galili bib seli komok anabea eka e ninge Filib ele Itulia bib sel isa Tlekonaitis bib sel isa i komok anabea eka Laisenias ele Abilini bib seli komok anabea eka Anas esa Kaiafas esa ile Gode amo kimanin nakai komokwali i sum ana blibtabe.

Dowan Weng Olo Luke Dolanebuotabe. 8:3

Yudai komoke Helote am kimanin nakae niniino Susae alelo Yoana osa eka Susana osa eka unang mak isa i Yesuse bekeba haamonsibo unang eli imaye monia imenao Yesus esa e okok aleyemin naka isa okaye bianibtabe.

Abosel 12:1

Am olo dimo Yudai komok sume Helote bainobo galin naka mak unang maki enino omkaye bianea

Abosel 4:27

Fitae Yone i dab osa eka i nekwal isa imin Gode baabaniba Debite weng olo baanebuo i bain inaibbiobe. Helot esa eka Fontias Failat esa eka Yuda ten isa eka bib mak sel isa i bib ele miniba baaniba Yesuse ananomo geibbiobe.