Matyu 14:19 - Mian

¹⁹ e nakaia unangai baabenea Bukuban dim daak toulaine gesea toulasiba e blet gwabo 5 o olonea aningi asu olo nanea wafu bianea abilim ut teme bianea Gode gangobo genea bleto hanea e okok aleyemin nakai oyensea oloniba

Matyu 14:19 ပူးပေါင်းရင်းမြစ်များ

Matyu 14:18

Yesuse baabenea Oleb tline gesea oleb tesiba

Dowan Weng Olo Make Dolanebuotabe. 6:39

Yesuse wentenea baabeneo Ibo nakaia unangai baabeiba teniba bukuban dim ele heba toun heba toun bianiba maki 100 toula maki 50 toula bisibte gesea i baabeiba inaniba toulasiba

Dowan Weng Olo Make Dolanebuotabe. 6:41

Yesuse blet gwabo 5 o olonea eka aningi asuei olonanea wafu bianea abilim ut teme bianea Gode gangobo genea blete sin obo hanea e okok aleyemin nakai oyensea oloniba nakaia unangai kikibeib ole eka aning asu osak olo hanea oya olo kikibenasiba

Dowan Weng Olo Make Dolanebuotabe. 7:34

abilimo watemnabea e bobol temo memin bobol omfubasoa hengkuk doung genea Efata ge baabasebe. Weng olo mitmakamo inaminobe. Keb klango welab bebkenoa wentene ge baasebe.

Dowan Weng Olo Luke Dolanebuotabe. 22:17

e waen aaye obonea Gode gangobo genea i baabenea Ibo alukum ele doweine!

Dowan Weng Olo Luke Dolanebuotabe. 22:19

eka blete obonea Gode gangobo genea hanea e okok aleyemin nakai oyenea baabenea Olo ne damobo doweine! Ne ib bobolo fumbi kesoa ne damo ibo oyenea daabeibua sinanomo ibsa ina bianiba ne bobolo fumbianiba unaline ge baabenea dowonsiobe.

Dowan Weng Olo Luke Dolanebuotabe. 24:30

mitdaniba imeno dowonom genamib kesoa Yesuse i dabo heba tounea blete obo helanea Gode gangobo genea oya

Dowan Weng Olo Luke Dolanebuotabe. 9:14

unanga tenai mo kieim blim otane naka gang ita 5,000 obe. Yesuse e okok aleyemin nakai baabenea Ibo baabeniba nakai 50 ye toula toula unine gesea

Dowan Weng Olo Luke Dolanebuotabe. 9:16

Yesuse blet gwabo 5 o olonea aningi asu olonanea wafu bianea abilim ut teme bianea Gode gangobo genea hanea e okok aleyemin nakai oyensea oloniba nakaia unangai kikibeiba

Dowan Weng Olo Yone Dolanebuotabe. 11:41

i tome amite datlasiba Yesuse delubmanea abilim ut teme bianea baanea Ay kobo klayam naneba ne wengo wentutnenebobe.

Dowan Weng Olo Yone Dolanebuotabe. 6:23

Eka Taibilias bib seli maki Yesuse atemomo geniba wesemeo oletniba teniba Sume imeno Gode gangobo genea haa kikibenea doweibso bib ele tetemniba

Abosel 27:35

e imeno olonea Gode heitdabanea hanea unansea naka maki atemniba

Fole Lom teni bainobo galini futano dola omfubesebe. 14:6

Nakaia unangai wanita funaniba Am mak dim ole Gode funanea Am olo dim ota nakaia unangai ne niniino nemtouleb nine genebiobo genimibi inaniba Gode niniino dobtouleb binabiobe. Eka mak ile inamin namino dowonom gaibo Sume bobolo fumbianibta wembinabiobe. I inaniba inamin namino dowonom gaibo Gode gangobo genibta wembinabiobe. Eka nakaia unangai maki kulani Awemobo geniba deiboniba besa imenob wembinabib isa Sume bobolo fumbianiba gangobo gabianibta wembinabiobe.

1 Kolin 10:16

Nibo Yesus Klaiste kaanea nib hengmino walubenebuo o bobolo funanoba nib bobol temo omanoba mina bianoba waen aayo olonoba Gode gangobo genoba baanoba Olo Yesuse ilemobo genoba wembianoba eka imen osak olonoba Gode gangobo genoba haanoba baanoba Olole Yesuse damobo ge baanoba wembinabuobe.

1 Kolin 10:31

Ibo imena aayao dowonom gaibo ibo naka mak unang maki bobolo funaine! Ibo imbliao mo unalaibe! Kla watemniba Ni kukub olo nanomobo Gode nibo seinyemea naka mak unang mak isa Gode niniino dobtouleb nomabiobe genibta doweine! Eka ibo temiba ibo unin olo dowonaibo Gode nibo mo seinyemin blim kenea i Gode niniino mo dobtouleb nomabibba keno mole mo dowonaibe!

1 Kolin 11:24

Gode gangobo genea hanea e okok aleyemin nakai kikibenea baabenea Olo ne damobe. Ne ib bobolo fumbi kesoa ne damo ibo oyenia daabeibua sinanomo ibsa ina bianiba ne bobolo fumbianiba unaline ge baabenea dowonsiobe.

Kolosi 3:17

Ibo ilib bobol tem funino mo wafu bianibta okok osa weng osa ilib bobol temo mo namibe! Ibo weng osa okok osa namibo ibo Yesus Sume bobolo fumbianibta namine! Yesuse ibo daabenebio kesoa ibo ib Aye Gode baabaniba Kobo gang nanebta Yesuse dobyebta atdimo kaaneta ni daabenebiobo ge ohamine!