Matyu 11:3 - Mian

³ Yone baabkenea Sinanggwano Gode weng omkeimalin nakai baaniba Sinanomo Gode Dofakamin Nakae tlamabebo ge baaibbuo kebtia bleka ni naka afet waisanomo? ge baabkeseta tlobobo ge baabasiba

Matyu 11:3 ပူးပေါင်းရင်းမြစ်များ

Matyu 11:10

Sinanggwano Gode Yon ele ni dab ni weng sango e buk temo baanea Wentine! Ne dowan weng omkeimalin naka ele dabaia sin monea ne wengo omkeimanea keb deibo klaubkenabeta kobole abuk mo temebta nakaia unangai keb wengo wentine genebio kesoa

Matyu 11:4

Yesuse baabenea Ibo imin moniba Yon esu unaniba inamin namino wengo wentib olosa eka inamin namino watemib olosa baabaine!

Dowan Weng Olo Make Dolanebuotabe. 11:9

nakaia unanga eli maki sin bebiba mak ile Yesuse abuk dobsileb nabianiba ngambianiba Nibo Gode niniino dobtouleb nomo! Naka ele Sume niniin dim ota tlebo, Gode daabaneko!

Dowan Weng Olo Luke Dolanebuotabe. 19:38

ngambianiba Komok Sum ele Sume niniin dim ota tlebo, Gode daabaneko! Gode nibo seinyebebo, nibo e niniino dobtouleb nomo ge ngan nganiba bebiba

Dowan Weng Olo Yone Dolanebuotabe. 11:27

o baabanoa Ae Sum kobo ne olo bainobo geiobe. Kobo Gode Kemfakamin Naka eka e miin na kebtabe. Sinanggwano e baanea Sinanomo ne miine dabaia daaknea dabalim daak unamabebo genebio kebtabo ge baabasobe.

Dowan Weng Olo Yone Dolanebuotabe. 12:13

Yesuse til dongki mene make dobonea e dim ut tounea teseo sinanggwano Gode buk temo baanoa Yelusalem bib sel ibo mo tosianimibe! Ib komok sume til dongki mene dim ut toumbia debeb tebebo genobuo e bain inanea tebea nakaia unangai flim aan inamino haa oleb moniba esu unaniba ngambianiba Islel ten nibo nib komok sume niniino dobtouleb nomo! E Sume niniin dim ota tlebo, Gode daabaneko ge ngan monsiobe.

Dowan Weng Olo Yone Dolanebuotabe. 16:14

E inabea ne inamin namin wengo baabaia wentenea ibo omkayemeo kukub olo e ne niniino nemtouleb namabebe.

Dowan Weng Olo Yone Dolanebuotabe. 4:21

Yesuse baabonea Unang obo ne weng olo baabkenimio bainobo genale! Sinanomo nakaia unangai amgolim ele golim ut esa eka Yelusalem bib osa olota Aye Gode mo lotu kehamomabibbabe. I bib mak betan mak osa alukum Gode lotu kehamomabiobe.

Dowan Weng Olo Yone Dolanebuotabe. 6:14

Nakaia unanga eli Yesuse okok sum olo klaneo wateniba baaniba Sino Gode buk tem wengo baanoa Sinanomo Gode weng omkeimalin nakae daakenea dabalim ele tlamabebo genobuo bain naka eleta te biebo gesiobe.

Dowan Weng Olo Yone Dolanebuotabe. 7:31

Nakaia unangai homoni e bainobo geib kesoa i baaniba Gode Dofakamin Nakae tenea e okok sumo namabeo makob naka ele okok sumo nabe olo ulab anamabo kesoa ni funanoba Naka ele okok kebe ele Gode Dofakamin Nakabo gabuobo ge baasiobe.

Hiblu 10:37

Ibo sbal maine! Niminbabe, defamonamo dimo Yesuse tlamabebe. Gode e buk temo Yesuse weng sango enangge baanea Defamonamo dimo e tlamabebe. E amito mo bieta sinanomobabe.