Dowan Weng Olo Luke Dolanebuotabe. 8:18 - Mian

¹⁸ Ibo ne wengo wenteniba kla funaine! Nakai ne wengo wenteniba kukub ayamo wafunib mole Gode daabenea i bainobo galino sbal manomabib otane nakai funaniba Ni bainobo galino sbalobo ge funaniba i kukub ayamo mo wafunim blim keib mole Gode i bainobo galino omtlabenamabebo ge baabesebe.

Dowan Weng Olo Luke Dolanebuotabe. 8:18 ပူးပေါင်းရင်းမြစ်များ

Matyu 13:12

Nakai ne wengo wenteniba kukub ayamo wafunib mole Gode daabenea i bainobo galino dot sbal manomabib otane nakai funaniba Ni bainobo galino sbalobo ge funaniba i kukub ayamo mo wafunim blim keib mole Gode i bainobo galino omtlabenamabebo ge baabesebe.

Matyu 25:29

eka naka ele dabaiba monea mililambio tem ye bianea memino sum mebianea enin kino sum watememeko ge baabenea debeb unibbiobo ge baabenea eka Yesuse imin baabenea Gode nakae okoko oman temea e okok olo kla okok keme mole e naka ele seinha bianea e okoko imin mesein kenea omalamabebe. Eka Gode nakae okoko gwab oman temea e okok olo mo okok kemin blim kene mole omeisanamabebo ge baabesebe.

Dowan Weng Olo Make Dolanebuotabe. 13:14

(Nakaia unanga ibo buk olo kinimibo kla funaine!) Yesuse imin baabenea Ibo bliba naka maki inamin namin mako bibamo watwat danamabo omeb teniba Gode biin awemo omfaiba watemaibo nakaia unangai Yudia betano blibo deiboniba hebmamsab skila ulaniba amgolim unine!

Dowan Weng Olo Luke Dolanebuotabe. 19:26

komoke baabenea Ne wengo wentine! Ne nakae okoko oman temia e okok olo kla okok keme mole ne naka ele seinha biania e okoko imin mesein kenia omalamabibe. Eka ne nakae okoko gwab oman temia e okok olo mo okok kemin blim kene mole omeisanamabibo ge baabenea

Dowan Weng Olo Luke Dolanebuotabe. 9:44

Ne weng olo baabenamabio ibo kla wentemine! I Abilim Da Tlemin Naka ne nemeb moniba komokwali nemyomabiobo ge baabene

Dowan Weng Olo Yone Dolanebuotabe. 15:2

Ne tungo yamo mo balinim blim besa dim touno mole Aye weiso tebe tlanamabebe. Eka tungo atosino yamo balibo ole e kuko haketouwebea daabo imin balbi damam bianoa yamo homon balimabobe.

Abosel 10:33

ne wentenita hebmamsab naka eli dlaita monibta baabkeibta tlebobe. Kobo inaneba tlebo ni funanoba Klayam nanebta tlebobo gabuobe. Ni Gode kin dimo alukum ne am ele mibiobobe. E Sume kukubo kobo alebkenebuo ni alebenale gesea

Abosel 17:11

Folwali inaniba Belia bib ye bliba bib yo seli Fole wengo wenteniba seimbianiba i kukubo ayamo nabibo Tesalonaika bib seli gaisesiobe. I inaniba bianiba am obba ye bomanomo bomanomo yo dimo i amitie Gode buko kibianiba wateme bianiba Fole inamin wengo baabeneo bain buk temo bio mole bainobe gabianiba eka blim bio mole dim obe gabiam bianiba moton sambiba

Fole Lom teni bainobo galini futano dola omfubesebe. 12:3

Gode ne daatnenea e okok olo omnebio kesoa elekiem olokiem ibo ne weng olo baabenamabibe. Ibo untako mo ngambianibta Ni naka sumobo ge funimibe! Ib bobol temo fumbianiba Ne Yesuse bainobo gabi ota Gode titilo ne omnebu ota omonita okok kebibo, ne nene titilo mo okok kebibabo ge funine!

1 Kolin 14:37

Naka maki ib isak temo blibi funaniba Ni Gode weng omkeimalin naka kesoa Gode Hobe e titilo ni omkayebea ni e okoko okok kebuobo ge fumbib ibo ne weng ele dola omfubenamabi olo tekein keniba weng olo nib Sum eta Fole omaleta dola omfubenebe geine!

1 Kolin 3:18

(-)

1 Kolin 8:2

Nakai funaniba Ni inamin namino kla tekein kebuobo ge fumbib ile i bobol tem funin olo ayambabe. I tekein kemino mito klao mo tekein kebibbabe.

Filibai 3:4

Nakai dim omin bobol temo fumbianiba maki funaniba Ni faninwali Gode meletan kesoa nisa Gode meletanobo ge fumbib eka maki fumbianiba Ni okoko klayam okok kebob kesoa ni Gode meletanobo ge fumbiam blib mole i ne kukubo funaine! Ne i gaiseibiobe.

Hiblu 2:1

Gode miine Yesuse inanea abiseli gaisenebio kesoa nibo e wengo wentobbuo sbalma wafunomo! Nibo inanomobo weng olo mo deibonomabbiobabe.