Dowan Weng Olo Luke Dolanebuotabe. 3:1 - Mian

^1-2 Taibilias Sisae Lom bib seli komokam bia bifolo 15 o blimanota Sekalaiae miine Yone ibuantem ye bia Gode wengo omanseo dimo Fontias Failate Yudia bib seli komok anabea eka Helot ele Galili bib seli komok anabea eka e ninge Filib ele Itulia bib sel isa Tlekonaitis bib sel isa i komok anabea eka Laisenias ele Abilini bib seli komok anabea eka Anas esa Kaiafas esa ile Gode amo kimanin nakai komokwali i sum ana blibtabe.

Dowan Weng Olo Luke Dolanebuotabe. 3:1 ပူးပေါင်းရင်းမြစ်များ

Matyu 14:1

Yesuse ina monse olo dimo Helote Galili betano komok an bietabe.

Matyu 14:3

Sino Helote awa genalin nakai dlanea moniba Yone afuniba klabuto ge debeb moniba klabut am daibbiotabe. E inase olo mitmakamo inaminobe. Helote e ninge Filibe alelo Helodiaso omeb haabia

Matyu 14:6

Am mak bomanoa Helote awoko dobmikinobuo amo tlo kesoa naka maki teniba Helote tem nabianiba falo ga wembiba Helodiaso moono tenoa naka homoni imeno wembibi kibi kaba sin ye blansoa Helote kla seinwe bianea

Matyu 22:17

kobo fatnangge fumbebe? Nib hekmel wengo mo baanoa Nib takis monio Lomo komoke Sisa eta olaline genobua bleka? Ni olaloma bleka deibanomo? gesiba

Matyu 27:2

e sayo gebaniba debeb moniba Failat esu onsiobe. Failate Lom nakabe. E komok anea Yudai kima bietabe.

Dowan Weng Olo Make Dolanebuotabe. 6:17

Sino Helote e heke Filibe alelo omeisane kesoa Yone Helote baabanea Kobo keb heke alelo omeisaneb yole hekmel wengo welanebobo ge baabasea Helodiaso Yone dobsuanasoa Helote awa genalin nakai dlanea moniba Yone afuniba klabuto ge debeb moniba klabut am daibbua

Dowan Weng Olo Make Dolanebuotabe. 6:21

Helodiaso Yone deibanobua sinanoa Helote e biemo dobmikinobuo amo tlo kesoa naka sum sumi e okoko daaha binabib isa eka awa genalin nakai komokwal isa eka Galili seli naka gang isa baabenea Ibo tliba falo ga dowonomo ge baabene kesoa Helodiaso funanoa I imeno unalaib dimo Yone anaine ge funanabua

Dowan Weng Olo Luke Dolanebuotabe. 13:31

Am olo dim ota Felisiei maki teniba Yesuse baabaniba Kobo bib olo deiboneba moneba betan mak one! Komoke Helote awa genalin nakai dlane teniba kananomabiobo gesiba

Dowan Weng Olo Luke Dolanebuotabe. 2:1

Am olo dimo Lom bib seli komok sume niniino Sisa Ogastase baanea Bib mak bib mako alukum nakaia unangai niniino oyemabibo gesebe.

Dowan Weng Olo Luke Dolanebuotabe. 23:24

awa genalin nakai baabenea Ae ibo i wengo wenteniba inaine genea

Dowan Weng Olo Luke Dolanebuotabe. 3:19

Yone nakaia unangai Gode dowan wengo omkaye bianea eka aaye fuaye biam nabianea Yesus esa fuelabasea e Gode nganha bea abile belanea Gode Hobe makob wan kubiameie ulab daakenea Yesuse dim ele tleta weng mako abilim ut danoa baanoa Kobo ne miinobo, ne kla gobke biania seinkebibo ge baabasobe. Yone inanea nakaia unangai Gode dowan wengo omkayebeo dimo Galili komoke niniino Helote e ninge Filibe alelo niniino Helodiaso omeisanea eka okok afet osa misiam nabiam bia Yone baabanea Keb kukubo misiamobo ge baabanebio kesoa Helote Yone klabuto ge debeb onsebe. Helote ele kukub nabe ota Yone baabane otane e deitnenebabo genea klabuto gebase olo dot misiamobe.

Dowan Weng Olo Luke Dolanebuotabe. 9:7

Yudai komoke Helote Yesuse weng sango wentea naka maki obianiba Yone aay fuayemin nakae sino anaiba kaanebuo memalo imin hananea te biebo gesib

Abosel 23:26

Ae Filiks kobo Klodias Lisias neta keb futano dola omfubkenamabibe. Kobo kimanin naka ayamobe.

Abosel 24:27

Bifolo asu blimanoa Filikse Sisalia bibo deibo unang gena bianea funanea Ne Fole klabutam tam deiba unia Yudai seinemine gene kesoa deiba unea e alango Fosias Festas esak tenea Sisalia bib ele tesebe.

Abosel 26:30

komok sum esa eka kimanin naka esa Benaisi osa eka i bekeb isa hana tamniba

Abosel 4:27

Fitae Yone i dab osa eka i nekwal isa imin Gode baabaniba Debite weng olo baanebuo i bain inaibbiobe. Helot esa eka Fontias Failat esa eka Yuda ten isa eka bib mak sel isa i bib ele miniba baaniba Yesuse ananomo geibbiobe.