Dowan Weng Olo Luke Dolanebuotabe. 2:10 - Mian

¹⁰ abisake baabenea Ibo mo tosianimibe! Ne dowan weng ayamo baabenang genita daak tlibe. Nakaia unangai homoni weng olo wentaibo i seinomabiobo,

Dowan Weng Olo Luke Dolanebuotabe. 2:10 ပူးပေါင်းရင်းမြစ်များ

Matyu 14:27

Yesuse hebmamsab baabenea Ibo ib bobol temo mo dlou uneyebota tosianimibe! Netabo gesea

Matyu 28:18

Yesuse baabenea Gode titilo alukum neta omne kesoa ne abilim ut osa dabalim olosa alukum kimaiobe.

Matyu 28:5

abisake unang asu dabi baabenea Ibo mo tosianimibe! Ne tekein kebibo, ibo teniba Yesuse atdimo dabasa anaibbio naka eta hen tebib otane

Dowan Weng Olo Make Dolanebuotabe. 1:15

baabenea Memalo Gode nakaia unangai kimanamabe amo meb tlobo, ibo hengmino deiboniba ib bobol temo deskinaniba Gode omaniba Gode dowan weng ayamo bainobo geine ge oyemonsebe.

Dowan Weng Olo Make Dolanebuotabe. 16:15

Ibo moniba nakaia unangai bib mak bib mak olo blibi alukum ne wengo omkayemine!

Dowan Weng Olo Luke Dolanebuotabe. 1:13

abisake Sekalaiae baabanea Kobo mo tosianemebe! Kobo Gode nganhabebo e keb wengo wente kesoa keb alelo Lisabeto amun sanamabobo, sinanomo o miine dofanomo e niniino Yon ge nganabaine!

Dowan Weng Olo Luke Dolanebuotabe. 1:19

abisake Sekalaiae baabanea Ne Gebliel netabo, ne God esu ye blia e nemanea tenia kebsu ele tlania dowan weng ayamo baabkei otane

Dowan Weng Olo Luke Dolanebuotabe. 1:30

abisake imin baabonea Maliao obo mo tosianemebe! Gode katemnea seinkemebo,

Dowan Weng Olo Luke Dolanebuotabe. 2:11

am olo dimo Debite bibo unang mako Sume Klaiste dofanobe. Klaiste mitmakamo Gode Dofakamin Nakabo, e nakaia unanga ibo hengmino temo blibo dotlanamabebe.

Dowan Weng Olo Luke Dolanebuotabe. 24:47

eka naka maki e niniino mikiktemo Yelusalem bib seli sino omyenibta mitdata bib mak bib mak sel isa Gode Dofakamin Nakae Klaiste niniino omkeimaniba omkaye bianiba baabeniba Ib hengmino deiboniba ib bobol temo deskinaniba Gode omaliba e ib hengmino omtlabeneko ge baabenomabiobo genobiobe.

Dowan Weng Olo Luke Dolanebuotabe. 8:1

Sinanoa Yesuse monea bib sum osa bib gwab gwab osa haabianea Gode nakaia unangai kimanamabe wengo omkayemonseo e okok aleyemin nakai 12 i tenanibta haamonsiobe.

Abosel 13:32

nisa inanoba memalo ibo dowan weng ayam olo omyomabbiobe. Inamin namin olo sinanggwano Gode nib faninwali moton wengo baabenea Sinanomo ne inamin namin olo doyamabibo genebua memalo e molofeitwal nibo bain inanea dobyebiobe. E inanea e miine Yesuse imin dofaanea hananea e wengo bain anobiobe. Gode buk temo Sam 2 o temo Gode baanea Kobo ne miinobo, eka nesa keb ay aiobo genobiobe.

Fole Lom teni bainobo galini futano dola omfubesebe. 10:15

Eka Gode nakai Yesuse wengo omkeimamomabibi mo dlanea unim blim keib mole i mo monibta Yesuse wengo omkeimamomabibbabe. Gode buk temo enangge baanoa Nakai Gode dowan wengo omeb tlaibi kukub olo dot ayamobo genobiobe.

Efesas 3:8

Ne Gode okok dlasanin nakai maki i tabab tem daak bli otane Gode ele bobol tem funin ye nemfakanea baatnenea Kobo Yudabai Yesus Klaiste wengo omkaye bianeba baabeneba E sinanomo inamin namin ayamo dokayemabebo ge baabenale ge baatnenebiobe.

Kolosi 1:23

Ibo ib bainobo galino sbalma blib mole Klaiste inabenamabebe. Gode dowan weng ayamo baanoa Ibo Yesus Klaiste bainobo geib mole e dletnea moniba Gode bib ayamo amit nomabiobo genobio waisanomabiobe. Ibo sino weng olo wenteniba funaniba Bainobo, Gode inabenebiobo geniba bainobo geibbio kesoa ib bainobo galino sbalma bianiba inamin namin kukub misiamo ib dimo tam tlamo ibo tosianino deiboniba ib bainobo galino sbal maine! Bainobo galin nakaia unangai homoni moniba bib mak bib mako alukum Gode dowan wengo nakaia unangai omkayebiba Gode Fol nesa nemanea monia e dowan wengo nakaia unangai bib mak bib mako blibi omkayebibe.