Dowan Weng Olo Luke Dolanebuotabe. 14:3 - Mian

³ Yesuse atemnea hekmel weng tekein kemin naka isa Felisie isa baabenea Ne ginin game Gode singkalin amo klaubanamabio kukub olo ayama bleka? ge baabese otane

Dowan Weng Olo Luke Dolanebuotabe. 14:3 ပူးပေါင်းရင်းမြစ်များ

Matyu 12:10

naka make kweile debelabanebue ye bia naka maki ye blibi funaniba Yesuse naka ele Gode singkalin am olo klaubane mole nibo kot kebanomo geniba i Yesuse baabaniba Nib hekmel wengo baanoa Gode singkalin amo nakae klaubanamino ayamobo genobua bleka? gesiba

Matyu 12:2

Felisiei yateniba Yesuse baabaniba Keb okok aleyemin nakai nib hekmel wengo welaniba singkalin am otane i wit yamo molaniba kikekaniba blongo gamdibibib yole okok kebiobo gesiba

Matyu 22:35

make hekmel wengo kla tekein kebe kesoa e baanea Neta Yesuse naatemamabibo genea e tenea Yesuse baabanea

Dowan Weng Olo Make Dolanebuotabe. 3:4

Yesuse nakaia unangai baabenea Nib hekmel wengo Gode singkalin am bomanomo fatnaine genobione? Kukub misiam namine genobua bleka kukub ayam namine genobuo? Nibo nakaia unangai daabenoba ayam aina bleka yenanoba kaaino? gesea i wengo yang kenamino kimik gesiba

Dowan Weng Olo Luke Dolanebuotabe. 14:2

eka naka make skila kweilao sitkaha binobua tenea Yesus esu meb ye bia

Dowan Weng Olo Luke Dolanebuotabe. 14:4

i wengo kimik geib kesoa Yesuse naka ele afunea klaaubanea dabane unea

Dowan Weng Olo Luke Dolanebuotabe. 6:9

Yesuse hekmel weng tekein kemin naka isa Felisie isa baabenea Ne kil baabenamabibo, nib hekmel wengo Gode singkalin am bomanomo fatnaine genobione? Kukub misiam namine genobua bleka kukub ayam namine genobuo? Nibo nakaia unangai daabenoba ayam aina bleka yenanoba kaaino? ge baabenea