Dowan Weng Olo Luke Dolanebuotabe. 10:41 - Mian

⁴¹ Sume Matao baabonea Matao ob bobol temo hekheko mo fumbianebta bobolo ilumo mo omkakemone!

Dowan Weng Olo Luke Dolanebuotabe. 10:41 ပူးပေါင်းရင်းမြစ်များ

Dowan Weng Olo Make Dolanebuotabe. 4:19

O makob nakaia unangai Gode wengo wentebib otane dabalim olo inamin namino talo walin kukub osa monio sum olonite galin kukub osa eka inamin namino bobol wayemin kukub osa tam tenanoa i bobol temo Gode wengo omabbubenoa deibonabib otabe.

Dowan Weng Olo Luke Dolanebuotabe. 10:38

Yesus esa e okok aleyemin naka isa moniba bib mak ye temiba unang mako niniino Matao tenoa Yesuse baabanoa debeb tamnoa o am tam danoa

Dowan Weng Olo Luke Dolanebuotabe. 10:40

eka Mata ole imeno olokiem fubua okoko sumu bosoa funanoa Ne nengo deitnebiota nenekiem fubibo genoa tamnoa Yesuse baabanoa Sum Kobo ne nengo deitnebua ne imeno nenekiem fubibo, kobo baaboneba te daatnenoko gesoa

Dowan Weng Olo Luke Dolanebuotabe. 12:22

Yesuse e okok aleyemin nakai baabenea Inamin kesoa ibo ne wengo wentine! Ibo bobol temo usano mo keyebota bobol tem hekheko mo fumbianibta Ni imeno fatda dlo dowonome? galaibe! Eka ibo ib damo talo mo wabianibta Ni youmo fatda dlonobta ni aalo dlusa waisonome? galaibe!

Dowan Weng Olo Luke Dolanebuotabe. 21:34

Yesuse e okok aleyemin nakai baabenea Ibo klaine! Ibo aa misiamo mo wembianiba eka inamin namin kukubo mo gobona unanibta ne bobolo mo dokobenomone! Inamin namin kukubo ib dimo tam tloa ne bobolo dokobenomo dim ota ne hebmamsab makob ano binaiba hebmamsab monoa kulani mayenabo inanita tlamabibe.

Dowan Weng Olo Luke Dolanebuotabe. 8:14

Eka mako dilbi daaknoa dabalim daak unanoa aliamo ningsao yebbaka bela utlobio yole o mitmakamo inaminobe. O makob nakaia unangai Gode wengo wentebib otane dabalim olo inamin namino talo walin kukub osa monio sum olonite galin kukub osa eka dabalim olo seinin kukub osa tam tenanoa i bobol temo Gode wengo omabbubenoa deibonabib otabe.

Dowan Weng Olo Yone Dolanebuotabe. 11:1

Betani bib sak make, niniino Lasalase, gembisebe. Betani bibo Malia osa eka o eno Mata osa i dab i bibobe.

Dowan Weng Olo Yone Dolanebuotabe. 11:5

Yesuse Mata osa eka o nengo Malia osa eka Lasalas esa i kla gobe binabe

Dowan Weng Olo Yone Dolanebuotabe. 12:2

E inanea motemea i imeno fubaibbua einoa Matao ifanoa Yesus etem Lasalas etem eka naka mak item naniba toula bianiba imeno wembiba

Filibai 4:6

Ibo inamin namino talo mo wamibe! Ibo funaniba Ni inamin namino dlomo geib mole God eta baabaine! Eka ibo funaniba Ni inamin namin olo mo tekein kebobbabo geib mole osa God eta baabaibta alebeneko! Ibo inanimibo gangobo geine!