Kolosi 4:2 - Mian

² Ibo amitie Gode nganha bianibte! Ibo Gode nganhamibo bobol tem afeto mo funimibe! Gode bobolo olota fumbianiba gangobo ge ohamine!

Kolosi 4:2 ပူးပေါင်းရင်းမြစ်များ

Matyu 26:41

Ibo kin wayemino deiboniba afen bianiba Gode nganhabib mole Gululame dlamanemeo sbal manomabiobe. Ib bobol tem funin oko ye inanomo gabib otane naka dam ibta beitalo bliobo ge baabenea

Dowan Weng Olo Make Dolanebuotabe. 13:33

Inamin namino am olo dimo tam tlamabo ibo mo tekein kebibba kesoa ibo klaniba waitne bianiba hembibte!

Dowan Weng Olo Luke Dolanebuotabe. 18:1

Yesuse e okok aleyemin nakai Alebeia i beten kemin kukub olo sbalma wafueine gene kesoa

Dowan Weng Olo Luke Dolanebuotabe. 21:36

Ibo klabianiba Gode nganhabiba titilo omkayebeta inamin namin kukubo gaiso gaiso bianibte! Ibo inabiba Abilim Da Tlemin Naka ne imin tlia ne kin dimo manimibo ibo aalo mo genalomabibbabo ge baabesebe.

Abosel 1:14

Maliao Yesuse biem osa eka unang mak isa eka Yesuse ningwal isa i tetemnaniba mibianiba Gode amitie nganha binibbiobe.

Fole Lom teni bainobo galini futano dola omfubesebe. 12:12

Gode ibo baabenea Yesus Klaiste imin tenea ibo dletnea moniba ne bibam ye unaniba amit nomabiobo genebio kesoa ibo e weng olo kla fumbianiba seinine! Enino ib dimo tam tlamo ibo sbal maniba amitie Gode nganhamine!

Efesas 6:18

Ibo inaniba Gode nganhamine! Gode Hobe ibo baabenea Ibo Gode nganhamine ge baabenemeo ibo amitie Gode nganhamine! Ibo sbal maniba inamin namin wengo Gode nganhamine! Ibo tengo mo yemone! Ibo Gode nakaia unangai beten keye bianiba daayemine!

Filibai 4:6

Ibo inamin namino talo mo wamibe! Ibo funaniba Ni inamin namino dlomo geib mole God eta baabaine! Eka ibo funaniba Ni inamin namin olo mo tekein kebobbabo geib mole osa God eta baabaibta alebeneko! Ibo inanimibo gangobo geine!

Kolosi 1:9

Ni ib weng sang olo wentob dim ye kilonoba Gode amitie nganha bianoba Kobo Kolosi bib sel eli daabeneba i keb wengo oye bianeba Ibo kukubo olota namine gabebo i kla tekein keine ge oha binabuobe. Gode tekein kemino dot sumobe. E tekein kemino dabalim sel nakaia unangai tekein kemino ulabbabe. Ni Gode baabanoba Keb Hobe i daaye bianea keb bobol tem funino i alebenea i tekein kemin osa makob kleb tekein kemino ulab aine ge ohabuobe.

Kolosi 2:7

Sino Ebaflase Yesus Klaiste wengo ibo alebenebio kesoa ibo makob aso kimkimo dabal tem daak unanoa nekek genoa geigebio inaniba ibo Yesus Klaiste wengo kla wafuniba sbal maine! Ibo Yesus Klaiste wengo kla wente bianiba ele weng baaneme iwat inamine! Ibo inamib mole ib bainobo galino sbal manomabiobe. Ibo amitie Gode gangobo ge oha bianibte!

Kolosi 3:15

Klaiste ibo bobol tem fiab omkayebe kesoa ibo Klaiste bobol tem fiab omkayebe olo deibueiba ibo kimanoko! Niminbabe, Gode ibo dlakanea baabenea Ibo nemi kesoa ne bobol tem fiab omyamabibo, ibo bobol tem fiab bianiba ib sinwalo mo dosuanasese nimibe, ib bobol tem funino makob aine genebio kesoa ibo e weng olo wente bianiba Gode gangobo ge ohamine!

Kolosi 3:17

Ibo ilib bobol tem funino mo wafu bianibta okok osa weng osa ilib bobol temo mo namibe! Ibo weng osa okok osa namibo ibo Yesus Sume bobolo fumbianibta namine! Yesuse ibo daabenebio kesoa ibo ib Aye Gode baabaniba Kobo gang nanebta Yesuse dobyebta atdimo kaaneta ni daabenebiobo ge ohamine!

Kolosi 4:12

Ilib bibam sake Ebaflas esa Ibo klayam blibte ge baabenebe. Esa Yesus Klaiste okoko okok kebebe. E Gode amitie nganha bianea God kobo Kolosi bib seli bainobo galin nakaia unangai daayebeba i bainobo galino sbalma bianiba keb wengo kla wente bianiba kleb weng baanemeb iwat namine ge oha binabebe.

1 Fita 4:7

Mubiang amo meb tebio kesoa ibo bobol temo klayam fumbianiba kukub ayam nabiam bianibte! Ibo inanimibo Gode kla beten kehamomabiobe.