Kolosi 3:4 - Mian

⁴ Nibo nib bobol tem funino nibmalo mo kima biobbabe. Klaist eta kimabe bie kesoa sinanoa e imin tenea dabalim ele tlameo ibo teniba esu ye mieiba e titilo ayal inamin einobuo omyentlanea naka mak unang maki yatemomabiobe.

Kolosi 3:4 ပူးပေါင်းရင်းမြစ်များ

Matyu 13:43

Eka naka molot unang molot ile i Aye kimanin bib uto biomabibo i makob Gode ayale ulab aniba afok inamin tubunomabiobe. Nakai ne weng olo wentebibi kla funaine ge baabesebe.

Dowan Weng Olo Luke Dolanebuotabe. 17:30

inania Abilim Da Tlemin Naka ne imin tlang gami osa inaminobe. Nakaia unangai Gode bobolo dokobenoa dabalim olo inamin namino bobol ota fumbibta ne tlamabibe.

Dowan Weng Olo Yone Dolanebuotabe. 11:25

Yesuse baabonea Neta nakaia unangai kulila binabibi dohaaia imin hananomabiobe. Eka neta nakaia unangai afen smike amit nine dobyamabibe. Nakaia unangai ne bainobo getnenimib ile i damo kaanomabib otane i afen smiko mo kaanomobabe.

Dowan Weng Olo Yone Dolanebuotabe. 14:3

Ne monia ib amo klaubenimio imin tenia dleb ut daia ibtem netem nanoba bib olo nomabbiobe.

Dowan Weng Olo Yone Dolanebuotabe. 14:6

Yesuse Tomase ni sinwalo baabenea Gode bib unemin deib ele nenekiem nenetabe. Nakai deib afete moniba ne Ay esuo onamino blimobe. Eka weng bain omino kukub osa eka afenin kukub osa o mitmakamo netabe.

Dowan Weng Olo Yone Dolanebuotabe. 17:24

Ay kobo ne fumbio Naka ele donebbu eli, ne bibo unamabio isa moniba ne baka bianiba ne titilo ayal inamin einoa watemine gabibe. Sinanggwano dabale mo klaim blimo dimo kobo gotneneba titilo ayal inamin einobu olo omnebbiobe.

Dowan Weng Olo Yone Dolanebuotabe. 20:31

Ina otane weng ele dolai olole ne funania Nakaia unangai tekein keniba Yesuse Gode Dofakamin Naka eka e Gode miin nabo geniba e bainobo geniba afen smike doboniba amit nine genita weng olo dolanamabibe.

Abosel 3:15

Yesus ele nib afen smiko deib ayame aleyebea ibo baaniba Anaine ge baaniba doboniba komokwali dobyiba anaiba kaane otane Gode imin dofaanea hananea ni atemobbio kesoa ni o weng sango baabenomabbiobe.

Fole Lom teni bainobo galini futano dola omfubesebe. 8:18

Ne tekein kebibe, nib enin kino watemebobo gwabobe. Ina otane sinanoa nibo naka molot unang molot anoba makob Klaiste ulab anomabbio kukub olo dot ayam kesoa nibo enin kino watemebobo bobolo mo funomobe!

Fole Lom teni bainobo galini futano dola omfubesebe. 8:19

Gode meme nibo naka molot unang molot anoba makob Klaiste ulab anomabbuo dimo inamin namino Gode klanebuo dabal esa abil esa inamin namino dabalimo bu osa eka inamin namino abilim ut bu osa Yatemano genoa waise biobe.

1 Kolin 1:7

Gode Hobe e bobol tem funin ayamo alukum ibo omyebu olo bainobe. E inanebio kesoa ibo nib Sume Yesus Klaiste imin tlea nakaia unangai atemomabib amo waiso bianiba ayam bliobe.

1 Kolin 15:43

Nakaia unangai kaaiba nibo dolbunomobo i damo misiamobe. I titil blim nabe. Ina otane i imin hana tlaibo mema damo omoniba ayam aniba titil manomabiobe.

2 Kolin 4:17

Memalo ni enin kino watemebob olo unobe. Otane o ni daayebo kesoa sinanomo Gode titilo ayal inamin einobuo ni omya o amit bianoa ni enin kin olo watemebobo gaisonamabo kesoa ni baanoba Enin olo menobo gabuobe.

Filibai 3:21

Nib damo klaanamabo otane Yesus Klaiste kaanea imin hananea e damo afet anebio kesoa e damo amit namabebe. E imin tlameo nib damo afet anoba makob e damo ulab anomabbiobe. E titilo sbal kesoa nakaia unanga isa inamin namin afet osa kimanea e titil olo nibo omyea nib damo afet anoba amit nomabbiobe.

1 Tesalonaika 4:17

omit ole sma afen bianoba bainobo gabob nibo tem nanoba beboba Sume tebe nanoba ayung tem ut tetenanoba minoba utnoba abilim uto amit nomabbiobe.

1 Timoti 6:14

kobo Gode wengo deibonemebe! Kla wafunale! Kobo inameb mole naka maki mo baanibta Gode wengo misiamobo genimibbabe. Kobo weng olo sbalma wafu bieba Yesus Klaiste imin tleko!

2 Timoti 1:1

Ae ne miin Timoti kobo ne Fol neta kobo kla gobke bianita futan olo dola omfubkenamabibe. Ne Yesus Klaiste okok namasanin naka netabe. Gode ne nemfakanea namanea haabiania Yesus Klaiste dowan wengo nakaia unangai omkayebibe. Gode moton wengo baanea Ibo ib bobol tem funin osa makob Yesus Klaiste bobol tem funino ulab animibo amit nomabiobo genebuo wengo ne nakaia unangai omkayebibe. Nib Aye God esa eka nib Sume Yesus Klaist esa i dumo kobo kemhalilaniba daake bianiba bobol ayam omkakemine!

2 Timoti 4:8

Ne okok olo kla okok kebio blimano kesoa inamin namino dlonamino waiso blibe. Inamin namino dlonamino mitmakamo inaminobe. Sume nibo baabenea Ibo naka molot unang molotobo ge baabenamabebe. E naka molotobe. Sinanomo mubiang amo dimo e nakaia unangai kukubo klanang genea tlameo ne inamin namino donenea baatnenea Kobo naka molotobo ge baatnenamabebe. Eka e inanamabeo ne nenekiemo mo donamebabe. Nakaia unangai alukum Yesuse imin tlamabebo geniba waisa blib isa inamin namin olo doyenea baabenea Ibo naka molot unang molotobo ge baabenamabebe.

Taitas 2:13

Nibo ina bianoba nib Sume Gode tlamabeo waisa biobobe. Am olo dim ota nib hengmino temo dotlanebio nakae Yesus Klaiste e titilo ayal inamin tubuein kenebua tlea nakaia unangai atemomabiobe.

Hiblu 9:28

Inamin kesoa Klaiste deib makob kaanea e ilemo singanea Gode olanea naka homon unang homoni hengmino walubenebiobe. E inanebio kesoa sinanoa e imin tlameo imino mo inanamabebabe. E tenea nakaia unanga nibo e wengo wafu bianoba e tlamabeo waisa biob nibo dletnea monoba Gode bib unomabbiobe.

1 Fita 1:13

Nibo Yesuse kukubo tekein kebob kesoa ibo kla funaniba aalalino hananiba angkikiniba makob nakai wasi nakai tenaniba awao genom gaibo sin klaniba waise binabib inaine! Sinanomo Yesus Klaiste imin tlamabeo dimo Gode ibo daabenamabe kesoa ibo o bobolo fumbianiba waisanine!

1 Fita 5:4

Ibo inaib mole bainobo galin nakaia unanga nib Kimanin Naka Sume tenea e inamin namin ayam ayamo ibo omyamabeo o mo blimanomobabe. Amit namabobe.

1 Yon 2:28

Ae, ne meme ibo ibte Klaist ete naniba bobol temo makob bianibte! Ibo inabib mole Klaiste abilim da tlea nibo atemaobo aalo mo genalomabbiobabe. Nibo funanoba Ni kukubo klayamobo genomabbiobe.

1 Yon 3:2

Ne nekwal ibo memalo nibo Gode melel otane sinanomo nibo fatnamin nomabbione? Malobe. Ina otane sinanoa Klaiste imin tlameo nibo e kla atenoba deskinanoba makob e ulab anomabbiobe.

1 Yon 5:12

Nakae waneta Gode miine e bobol temo biba bie mole e afen smike amit nine debebiobe. Eka nakae waneta Gode miine e bobol temo mo biba bieba mole e bobol temo afen smike amit nine blimobe.

Futan olo Yut eta dolanebiobe. 1:24

Nibo Gode niniino dobtouleb nomo! Elekiem eleta nib Sume Yesus Klaiste dabane daakenea atdimo kaanea nibo hengmino temo biobo dotlanebiobe. Komok Sum ele e titilo ayal inamin einea inamin namino alukum kima biebe. E titilo dot beselib kesoa nibo e niniino amitie dobtouleb nomo! E sinanggwano binabebua memalosa biebe. Sinanomosa biamabebe. E ibo kla kimanea hengmino mo henganimibbabe. E dleb utnea e bib ut danea ibo hengmino blimubenoa kining aniba seinomabiobe. Bainobe. Ne wengo bayotabe. Yut neta ib futan olo dola omfubenamabibe.

Lebelesen 2:7

Nakaia unangai wanita Gode Hobe wengo bainobo galin nakaia unangai baabene olo wentib mole kla funa omabbaine! Nakai wanita kukub misiamo Yeye geniba ombiaib mole ne Ae ge baabeia asiame nakai dowonaibo i afen smike amit nine dobyenamin asiame dowonomabiobe. As ele Gode damib biebe. Ne wengo bayotabo ge baa dolanale ge baatnene kesoa ne futan olo dolania Efesas bib sel ibo omfubenamabibe.

Lebelesen 22:1

Eka abisake aaye nakai dowonaibo amit nomabibe aletnesea temia biningowanea makob aakikit inanebua atemio aay ele God esa eil sibsib men esa i biin dim wat danea tlanea bib dang tla unebetabe.

Lebelesen 22:14

Nakaia unangai wanita kukub misiamo namin bobolo funino deibonib mole i makob nakaia unangai youmo fubanabibi ulab kesoa i seinine! I afen smik ase yame dowoniba moniba bib olo amito tam unomabiobe.