Dowan Weng Olo Yone Dolanebuotabe. 7:39 - Mian

³⁹ Afen smik aaye Yesuse baabanebu ele Gode Hob etabe. Nakaia unangai Yesuse bainobo gabibi Hob ele i bobol temo te was unamabebe. Ina otane yo dimo Yesuse mo kaaneta Gode e titilo ayal inamin einobuo omanea debeb ulanea abilimo mo unim blim bie kesoa Gode e Hobe mo dabane tlim blim bietabe.

Dowan Weng Olo Yone Dolanebuotabe. 7:39 ပူးပေါင်းရင်းမြစ်များ

Matyu 16:14

i baabaniba Maki oke bianiba E Yon aa fuayemin naka etabo gesib eka mak ile oke bianiba Gode weng omkeimalin nakae Ilaiya etabo gesib eka mak ile oke bianiba Gode weng omkeimalin nakae Yelemaia eta bleka Gode weng omkeimalin naka mak etase makobo gesib bliobo gesiba

Matyu 21:11

nakaia unangai Yesuse baka bianiba nganbebibi baabeniba Naka ele Gode weng omkeimalin nakae Yesus etabe. E Galili betano bibo niniino Nasalet bib ye daneta tlebo ge baabesiobe.

Dowan Weng Olo Luke Dolanebuotabe. 24:49

Wentine! Sino Aye baanea Naka ele dobiamabibo genebuo ne memalo utnia abilim ut unamio dababeia tlamabebe. Ibo bib sum olota blibta dabaia daak tenea titil sumo omyeta mitdanibta bib mak bib mako monibta ne wengo omkeiman haanine ge baabesebe.

Dowan Weng Olo Luke Dolanebuotabe. 3:16

Yone baabenea Ne ibo aaye fuayebi otane naka make ne abuk tlamabe eta Gode Hobe dabanea tenea ib bobol temo tlanea makob aso eimbianoa inamin namino kibanoa nemat genabo inanea ib bobol temo as kibain kenea ib hengmino nemat genamabebe. E titilo ne titilo gaitnenamabebe. E sumobe. Ne sumba kesoa ne e mo tenanobta wengo baanomobbabe.

Dowan Weng Olo Luke Dolanebuotabe. 7:16

nakaia unangai alukum tosiananiba Gode niniino dobtouleb bianiba Gode weng omkeimalin naka sume nib isak temo tebiebo gabianiba weng mako baaniba Gode nakae dabanea tebianeta

Dowan Weng Olo Yone Dolanebuotabe. 1:21

eka i imin kil baabaniba Otane kobo wangkebte? Kobo sinanggwano Gode weng omkeimalin nakae make niniino Ilaiya kebtio? gesiba Yon esak imin yang ke baabenea Ne ekobbabo ge baabesea i imin baabaniba Kobo Gode weng omkeimalin nakae Mosese ulabe tlamabea ni waisabiobe kebtio? gesiba e baabenea Yeye ne ekobbabo gesea

Dowan Weng Olo Yone Dolanebuotabe. 1:25

I Yone baabaniba Kobo baaneba Ne Gode Dofakamin Naka Klaist ekobbabo, eka ne Ilaiya ekobbabo, eka ne Gode weng omkeimalin nakae waisabiobe ekobbabo geneb yole kobo fatnanebta nakaia unangai aayo fuayebebe? gesiba

Dowan Weng Olo Yone Dolanebuotabe. 12:16

Yesuse inaseo e okok aleyemin naka ni o mitmakamo mo tekein keim blimobe. Otane sinanoa e kaanea imin hananea ula abilim uneta ota ni Yesuse Yelusalem bib unebuo bobolo funanobta Sinanggwano Gode buk tem wengo baanobuo bain inanota watemobbiobo genobbiobe.

Dowan Weng Olo Yone Dolanebuotabe. 12:23

Yesuse baabenea Abilim Da Tlemin Naka ne Gode ne niniino nemtouleb namabeo amo tlobe.

Dowan Weng Olo Yone Dolanebuotabe. 14:13

Ibo ne niniin dimo Gode baabaniba Kobo ni inamin namin olo nabenale genimibo Gode miin ne funania Ne Aye niniino dobtouleb nano ge fumbi kesoa ne inamin namin olo bain inabenamabibe.

Dowan Weng Olo Yone Dolanebuotabe. 14:26

Sinanoa ne deibe unamio Ay Gode e Hob Ayame dabanea tenea ne alango dokonamabe eta inamin namino alukum alebeneta watem nabianiba eka ne sino inamin namino baabei biamo osa e imin oyebea funomabiobe.

Dowan Weng Olo Yone Dolanebuotabe. 16:14

E inabea ne inamin namin wengo baabaia wentenea ibo omkayemeo kukub olo e ne niniino nemtouleb namabebe.

Dowan Weng Olo Yone Dolanebuotabe. 16:7

otane ne bain baabenamabibe, ne deibe unamabi olo klayamobe. Niminbabe, ne mo unim blim kei mole Gode Hobe mo teneta ibo daabenamabebabe. Otane ne unami ota e dabaia tenea

Dowan Weng Olo Yone Dolanebuotabe. 17:1

Yesuse weng olo oyebeo blimanoa e gabam delubmanea abilim ut teme bianea Gode baabanea Ay kobo keb titilo omneneba nemfaka nebbua ne nakaia unangai alukum kima blibe, nakaia unangai kobo dlakaneba baabeneba Ibo Yesuse meletan aine ge baabenebbuei ne afen smike amit nine dobia amit nomabib kesoa kobo kukub ayam olo nakaia unangai alebenamabeb amo tlobe. Kobo ne niniino nemtouleb neba nesak keb niniino kemtouleb nano!

Dowan Weng Olo Yone Dolanebuotabe. 17:5

Sinanggwano dabale mo klaim blimo dimo Ay kebtem netem nanoba dum asu kebianoba kobo ne niniino nemtouleb binebbio inaneba memalosa ne kebsuo na tlamio ne niniino imin nemtouleb nale!

Dowan Weng Olo Yone Dolanebuotabe. 20:22

e hobe fugebenea baabenea Ne Gode Hobe dobyibo, ibo dibine!

Dowan Weng Olo Yone Dolanebuotabe. 6:14

Nakaia unanga eli Yesuse okok sum olo klaneo wateniba baaniba Sino Gode buk tem wengo baanoa Sinanomo Gode weng omkeimalin nakae daakenea dabalim ele tlamabebo genobuo bain naka eleta te biebo gesiobe.

Dowan Weng Olo Yone Dolanebuotabe. 7:12

Nakaia unangai ye miblibi i sinwalo ayok baase baase bianiba maki baaniba E naka ayamobo gesib eka maki baaniba E nakaia unangai dim oye binabebo gesib binibbu

Dowan Weng Olo Yone Dolanebuotabe. 8:54

Yesuse baabenea Ne nene niniino omfufubi mole olo besabe. Ne Aye God eta ne niniino omfufunebebe. Ibo baaniba E ni Sumobo gabib otane

Abosel 19:2

baabenea Ibo nana bainobo geibbuo dimo Gode Hobe ib bobol temo onon tlanebuo? gesea i baabaniba Ni wente binabobo Hobe mo biebo geiba wentenabobba kesoa ni mo tekein kebobbabe. Hob ele wanete? gesiba

Abosel 2:17

Gode baanea Mubiang amo meb tlamo dimo ne Hobe dabaia monea nakaia unangai dimo alukum onon tlanea ib memei alukum unang ten isa naka ten isa i ne wengo omkeimabiba eka ne ib naka tembali inamin namino daam deib aleye biania eka hangkalebminwali daam moton aleye biam blia watememomabiobe.

Abosel 2:33

Memalo naka ele Gode debeb utnea abilim ut danea e kweile kweitale kikib ye toumbiebe. Yesuse inanea toumbia sinanggwano Gode baabanea Ne Hobe dobklamabibo ge baabanebuo memalo bain inanea dabalea Yesuse debeisa dabanea daakenea nisu ele tlebe. Ibo inamin namin olo wateniba wengo wentenaib olo Gode Hob eta ni dobyeta atemiobe.

Abosel 2:38

Fitae baabenea Ibo ib hengmino deiboniba ib bobol temo deskinaniba Gode omaniba Yesus Klaiste niniin dimo aaye fuelaniba Gode ib hengmino omtlabenea e Hobe dobyeko!

Abosel 2:4

Gode Hobe i bobol temo alukum onon tlanea e wengo omyensea i bib mak nakai weng ota afet afet obiba

Abosel 3:13

Gode Eblaham esa Aisak esa Yekob esa eka nib faninwali mak isa i kimaninobe. E miine Yesuse daabanea e niniin sumo omalebu otane ibo debeb moniba komokwali dobyiba komoke Failate funaneo E ayamobo, ne tileisanano gene otane ibo baaniba Yeye geibbiobe.

Abosel 4:31

i amo fibamsoa deibo bliba Gode Hobe i bobol temo alukum onon tlanea tosianino deiboniba Gode wengo sbalma omkeima monsiobe.

Fole Lom teni bainobo galini futano dola omfubesebe. 8:9

Ina otane ibo bobol tem funin misiam olo mo wafu blibbabe. Niminbabe, Gode Hobe ib bobol temo bie kesoa ibo e bobol temo fumbe ota ibsa fumbiobe. Eka Klaiste Hobe ib bobol temo mo bieba mole ibo Klaist emibabe.

2 Kolin 3:8

Ina otane Gode Hobe mema weng olo nakaia unangai omkayebeo i afen smike amit nine dibib kesoa e weng olo titilo Mosese hekmel wengo titilo gaisono biobe.

Efesas 4:30

Ibo weng misiamo mo obianiba Gode Hobe bobol tem abilo mo omkahamibe! Nibo tekein kebuobe. Gode Hobe nibo amitie bekebe bie kesoa sinanoa Yesuse imin tlameo nibo dleb utnea e bib ut danea amit nomabbiobe.