Dowan Weng Olo Yone Dolanebuotabe. 7:19 - Mian

¹⁹ Mosese hekmel wengo ibo omyebu otane ib isak temo hekmel wengo wafunamin nakai blimobe. Hekmel wengo baanoa Ibo nakai mo yenaiba kaanimibe genobu otane ibo baaniba E Mosese hekmel wengo welanebio kesoa ananoba kaaneko gabiobo ge baabesea

Dowan Weng Olo Yone Dolanebuotabe. 7:19 ပူးပေါင်းရင်းမြစ်များ

Matyu 12:14

Felisiei atemniba moniba i sinwalo miniba Yesuse ananoba kaaneko ge omonsiobe.

Matyu 21:38

damibo kima blib nakai atemniba i sinwalo baaniba Nibo naka ele ananoba kaaneko! Sinanomo naka ele aalebe kaanemeo inamin namin afobeingo eta olamabe kesoa nibo ananoba kaanebua sinanomo e aalebe kaanemeo inamin namino alukum nibta olomo geniba

Dowan Weng Olo Make Dolanebuotabe. 11:18

Gode amo kimanin nakai komokwal isa eka hekmel weng tekein kemin naka isa i wenteniba funaniba Fatnabanobta ananobta kaaneke? ge funasib otane naka homon unang homoni e wengo wente bianiba seinbib kesoa i e tolo tosiananiba deibasiobe.

Dowan Weng Olo Make Dolanebuotabe. 3:4

Yesuse nakaia unangai baabenea Nib hekmel wengo Gode singkalin am bomanomo fatnaine genobione? Kukub misiam namine genobua bleka kukub ayam namine genobuo? Nibo nakaia unangai daabenoba ayam aina bleka yenanoba kaaino? gesea i wengo yang kenamino kimik gesiba

Dowan Weng Olo Make Dolanebuotabe. 3:6

Felisiei atemniba hebmamsab moniba Helote meletani baabenaniba baaniba Nibo Yesuse ananoba kaaneko gesiobe.

Dowan Weng Olo Yone Dolanebuotabe. 1:17

Gode hekmel wengo Mosese omalea esak nibo omyebu otane daayemin kukub osa eka weng moton omin kukub osa ole God eta Yesus Klaiste omaleta esak nibo omyebiobe.

Dowan Weng Olo Yone Dolanebuotabe. 10:39

I e wengo wenteniba imin funaniba Afunoba klabuto genomo gesib otane e dala unea deibasiobe.

Dowan Weng Olo Yone Dolanebuotabe. 11:53

Kaiafase weng olo baabene kesoa amo yo dim ota Yudai komokwali Yesuse ananamin wengo kiloniba omonsiobe.

Dowan Weng Olo Yone Dolanebuotabe. 5:16

Gode singkalin am bomabua Yesuse naka ele klaubane kesoa Yudai yo dim ota kiloniba Yesuse kukub misiamo omkaha monsiobe.

Dowan Weng Olo Yone Dolanebuotabe. 5:18

Yesuse weng olo inangge baane kesoa Yudai komokwali funaniba Nibo Yesuse moton ananoba kaaneko ge funasiobe. Niminbabe, i inasibo e Gode singkalin amo hekmel wengo baanobuo deiboneo olobbabe. E weng mak osa baanea Gode ne Ayobo gene kesoa i funaniba Olo makob e baanea God esa nesa ni makobobo ge baanea e dim obebo ge funasiobe.

Dowan Weng Olo Yone Dolanebuotabe. 5:45

Ibo obianiba Ni Mosese hekmel wengo wafunomobo Gode tenanoba amit nomabbiobo ge obinabib otane kot kenamin dimo tlamo ne Aye mo baabanita I ne wengo omdibine binibbiobo ge baabanamabibabe. Mosese emaye baabanea I ne Yesuse weng sango dolaibuo omdibiha binibbiobo ge baabanamabebe.

Dowan Weng Olo Yone Dolanebuotabe. 7:1

Yesuse inabea blimanoa e Yelusalem bibo deibonea monea Galili betano bib mak bib mako haamonsebe. E Yudia betano mo haanim blimobe. Niminbabe, Yudai komokwali baaniba Ananomabbiobo geib kesotabe.

Dowan Weng Olo Yone Dolanebuotabe. 7:25

Yelusalem bib seli maki e wengo obeo wenteniba dlou unaniba baaniba Naka ele i Ananomo gabib otane

Abosel 7:38

Islel nakaia unangai ibuantem ye bliba Mosese bekebe bianea utnea amgolim ut temnea abisake te naniba bianiba Gode bobol tem funino abisake omalea abisake omkeimanea Mosese wenten daakenea nib faninwali baabenebuo nibo wentenoba wafunob mole afen smike dobonoba amit nomabbu otane

Galesia 3:19

Inamin kesoa Gode fatnaneta e hekmel wengo Mosese omalebue? Gode Mosese hekmel wengo omalebu ole inaminobe. Nibo kukub misiamo nanomobo Olo hengminobo ge baanoa alebenoko geneta omalebiobe. Mosese hekmel weng olo sma ye binabobio bita Gode Eblahame baabanea Ne keb molofeite dobklamabibo ge baabanebue Klaiste tleta o okoko blimanobiobe. Mosese isak naka kesoa Gode hekmel weng olo abiseli omyeta isak Mosese omalibta eka Moses esak nakaia unangai omyebiobe.

Galesia 6:13

Nakai aalo waketoubibi Mosese hekmel wengo alukumo mo wafu blibba otane i funaniba Galesia teni ni wengo wenteniba i aalo wetlaib mole ni Yuda naka mak unang maki baabenoba Galesia teni ni wengo wenteniba i aalo wetlaibobo ge baabenoba i ni wengo wenteniba ni niniino omfabeniba funaniba Ib kukub olo ayamobo geine ge funanibta i aalo weketoubiobe.