Dowan Weng Olo Yone Dolanebuotabe. 6:5 - Mian

^5-6 Ni inanoba toula bianoba Yesuse temea nakaia unangai homoni dli tlebib kesoa yatenea e inamin namino nanamabeo sin tekein kebe otane e Filibe naatemano ge funanea baabanea Nibo imeno fab ota walonobta nakaia unanga eli oyoba dowonomabibe? gesea

Dowan Weng Olo Yone Dolanebuotabe. 6:5 ပူးပေါင်းရင်းမြစ်များ

Matyu 15:33

e okok aleyemin nakai baabaniba Olo naka blim ibuantem olole nibo imeno fatda olota naka homon unang homon eli oyomabbione? gesiba

Dowan Weng Olo Make Dolanebuotabe. 6:32

i weseme obetniba moniba naka blim ibuantem ye unib

Dowan Weng Olo Luke Dolanebuotabe. 9:10

Yesuse okok dlasanin nakai imin teniba i okoko okok kem haabi tlibo wengo Yesuse baabasiba wentenea naka afeti temdeibenea e okok dlasanin naka ita dletnea moniba bibo niniino Betsaida bib ye uniba

Dowan Weng Olo Yone Dolanebuotabe. 1:43

Aan sibnoma boman ole Yesuse walanea Galili unano genea monea Filibe atenea baabanea Kobo ne beketneneba unomo ge baabasebe.

Dowan Weng Olo Yone Dolanebuotabe. 1:44

(Filib esa Endlu esa Fita esa i alukum Betsaida bib selobe.)

Dowan Weng Olo Yone Dolanebuotabe. 1:45

Filib esak Nataniele henmonea atenea baabanea Sinanggwano Mosese hekmel weng osa eka Gode weng omkeimalin naka isa naka make weng sango dolaibbue atemobobe. Yosebe miine Yesuse Nasalet bib sak etabo ge baabasea

Dowan Weng Olo Yone Dolanebuotabe. 1:46

Nataniele Filibe baabanea Ne bobol temo fumbio Nakai naka ele weng sango dolaibbu ele naka ayamobe. Nasalet bib ole bib misiamobe. Naka ayam ele Nasalet bib dao mo tlamebabo gesea Filibe baabanea Kebmaye tenebta atemale ge baabasea bebiba

Dowan Weng Olo Yone Dolanebuotabe. 1:48

Nataniele wentenea Yesuse baabanea Kobo fatnanebta ne tekein kebebe? gesea Yesuse baabanea Filibe mo nganabkeim blim bieta ne sin temia kobo as ete mit ye bieba katemibo ge baabasea

Dowan Weng Olo Yone Dolanebuotabe. 4:35

Ibo enangge obianiba Alimo asuke asuke nao blimanomo dim ota wito wakamomabbiobo gabib otane ne baabenamabi ole kin omoniba wit damibo watemine! Sanggwan yam anobiobe, welonaminobo ge baabesebe. (Yesuse saa weng ele baabese olo mitmakamo enaminobe. Samelia teni tebibta yateneta e okok aleyemin nakai baabeneta Naka eli Gode Dofakamin Nakae wengo wentomo geniba tebib eli makob wito yam anoa welomabib inaminobo ge baabesebe.)