Dowan Weng Olo Yone Dolanebuotabe. 6:45 - Mian

⁴⁵ Sinanggwano Gode weng omkeimalin nakai Gode buk temo dolaibbuei make baanea Gode nakaia unangai alukum aleyemabebo ge baanebiobe. Gode nakaia unangai aleyebei i alukum e wengo wentaibo nesu tlomabiobe.

Dowan Weng Olo Yone Dolanebuotabe. 6:45 ပူးပေါင်းရင်းမြစ်များ

Matyu 11:27

eka omito nakaia unangai baabenea Ne Aye inamin namino alukum omnenea Kimanale ge baatnenebiobe. Nakai Gode miin ne bobol tem funino mo tekein kebibbabe. Aye elekiem eleta ne bobol tem funino tekein kebebe. Eka nakai Ay Gode bobol tem funino mo tekein kebibba otane ne tekein kebibe. Nakai wanita ne dlakanimie isa Aye bobol tem funino tekein kenomabiobe.

Matyu 17:5

ayungo bomat genoa ayal inamin tubunoa ge dlanoa weng mako ayung tem iwat baabenoa Ele ne miinobe. Ne kla goba biania seinhabibe. Ibo e wengo kla wenteha bianibte ge baabesoa

Dowan Weng Olo Make Dolanebuotabe. 1:2

Sinanggwano Gode weng omkeimalin nakae niniino Aisaiae Gode buk temo dolanea enangge baanea Wentine! Ne dowan weng omkeimalin naka ele dabaia sin monea ne wengo omkeimanea keb deibo klaubkenabeta kobole abuk mo temebta nakaia unangai keb wengo wentine!

Dowan Weng Olo Luke Dolanebuotabe. 1:70

sinanggwano Gode e weng omkeimalin nakai weng olo omya dolaibbuo mema olo bain inanobe.

Dowan Weng Olo Luke Dolanebuotabe. 18:31

Yesuse e okok aleyemin nakai 12 i baabenea Ibo wentine! Mema olo nibo Yelusalem bib unomo! Sinanggwano Gode weng omkeimalin nakai Abilim Da Tlemin Naka ne wengo dolaniba baaibbuo bain anoa yamo balinobe.

Dowan Weng Olo Yone Dolanebuotabe. 10:27

Eil sibsib ile amitie i kimanin nakae wengo wente bianiba kla bekeba haabinabiobe. Ne meletan isa inaniba ne wengo kla wentebiba eka nesa i kla tekein kebiam blia i ne beketne haabinabiobe.

Dowan Weng Olo Yone Dolanebuotabe. 6:37

Ne Aye nakaia unangai dlakanea baanea I ne miine tenanine genebuei alukum teniba nesu tlaibo ne mo baabenita De unine ge baabenimibabe.

Abosel 13:40

Sinanggwano Gode wengo omkeimalin nakai Gode buk temo dolaibbuo baanoa Ne wengo tlawe bianiba mo bainobo geim blim ibo kla funaine! Ibo kaanomabiobe. Niminbabe, ibo sma dabalim ele bliba ne inamin namin okoko sumo klaia naka make okok olo weng sango baabene otane ibo mo bainobo genomabibbabo ge baanebiobo ge baaniba dolaibbio kesoa ibo kla wentine! Ibo Gode wengo tlawe biniba kaaibbuei ulabo mo nimibe ge baabesebe.

Abosel 7:42

Gode funanea I inamib yole ne deibesia imaye afoka alima awitnina o niniin ota omtouleb nine genea deibenea makob sinanggwano Gode weng omkeimalin nakai Gode wengo dolaniba baaniba Islel nakaia unanga ibo ibuantem ye bliba bifolo 40 blimanoa eil blumakau isa eka eil sibsib isa yenaib otane ne mo donim blim deitneniba

Efesas 1:17

Ne nib Sume Yesus Klaiste e Aye Gode baabania Kobo Efesas bib seli bainobo gabibi bobol tem funin ayamo omyeba i keb kukubo kla tekein kebianiba eka keb wengo mitmakam osa kla tekein kenaine ge oha binabibe.

Filibai 3:15

Bainobo galino sbalma blib naka unang ibo ne weng ele baai olo kla wenteniba ib bobol temo makob ne bobol tem funino ulab aine! Ina otane mak ibo ib bobol temo afet fumbib mole God eta ibo bobol tem funin ayamo omyeko!

1 Tesalonaika 4:9

Ne ibo bainobo galin naka mak unang maki gobeine genamin wengo imino mo baanita dolanimibabe. Niminbabe, ibo tekein kebiobe, Gode emaye inangge baabenebiobe.

1 Yon 2:27

Ina otane ibole Klaiste Gode Hobe dobyebua e ibo baka bianea aleyebe kesoa ibo naka maki alebeine genamino blimobe. Niminbabe, Gode Hobe ibo inamin namino alukum aleyebeo dimbabe, bainobe. Ibo e wengo wente bianiba Klaist ete naniba bobol temo makob bianibte!