Dowan Weng Olo Yone Dolanebuotabe. 5:39 - Mian

³⁹ Ibo Gode buk temo afen smike mitmakame hembinabiobe. I Gode buk temo ne weng sango dolaibbu otane ibo sma ye tobtlim biobe.

Dowan Weng Olo Yone Dolanebuotabe. 5:39 ပူးပေါင်းရင်းမြစ်များ

Matyu 22:29

Yesuse baabenea Gode buk tem weng osa eka e titil osa ibo mo tekein kebibba kesoa ibo tob tlim bianiba wengo yo afet ye obiobe.

Dowan Weng Olo Make Dolanebuotabe. 10:3

Yesuse yang ke baabenea Mosese fatnamin hekmel weng ota ibo omyebione? gesea

Dowan Weng Olo Make Dolanebuotabe. 12:10

Gode buk temo damibo gosake miine anaibbuo wengo baanoa Am genalin nakai sbal as ele misiamobo temdeibanomo geibbu otane komoke baanea Yeye ibo sbal as ele isak amun ayamobo bikieine gesea i inaniba sbal as ele isak amun bikieiba

Dowan Weng Olo Luke Dolanebuotabe. 16:29

Eblahame nganabanea Mosese hekmel wengo dolanebu osa eka Gode weng omkeimalin nakai wengo dolaibbu osa biamo kibianiba i weng olota wentemine gesea

Dowan Weng Olo Luke Dolanebuotabe. 16:31

Eblahame nganabanea I Mosese hekmel wengo dolanebu osa eka Gode weng omkeimalin nakai dolaibbuo weng osa wentemim blim blib mole naka maki ham gloutem daak daniba hana teniba i wengo omyaib osa i mo wentomabibbabo ge nganabanebiobo ge baabesebe.

Dowan Weng Olo Luke Dolanebuotabe. 24:25

Yesuse baabenea Ib bobol tem funino blimobe. Ibo Gode weng omkeimalin nakai wengo dolaibbuo hebmamsabo mo bainobo gabibbabe.

Dowan Weng Olo Luke Dolanebuotabe. 24:27

eka Moses esa eka Gode weng omkeimalin naka isa i buk temo ele weng sango dolaibbuo mito alukum oye bianea aleye biam bia

Dowan Weng Olo Luke Dolanebuotabe. 24:44

baabenea Sino ibte nete nabianoba baabenia Sinanggwano ne weng sango Mosese hekmel wengo tem osa Gode weng omkeimalin nakai buk tem osa eka buk Samo tem osa alukum yamo balinamabobo ge baabeibiobo ge baabenea

Dowan Weng Olo Yone Dolanebuotabe. 1:45

Filib esak Nataniele henmonea atenea baabanea Sinanggwano Mosese hekmel weng osa eka Gode weng omkeimalin naka isa naka make weng sango dolaibbue atemobobe. Yosebe miine Yesuse Nasalet bib sak etabo ge baabasea

Dowan Weng Olo Yone Dolanebuotabe. 5:32

Otane naka make ne kukubo baa omkeimabe ole ne tekein kebibe, e ne weng sango bain ye baa omkeimabe kesoa ibo wentomabiobe.

Dowan Weng Olo Yone Dolanebuotabe. 5:36

Ne Aye baatnenea Kobo moneba inamin namin okoko namale ge baanea nemanea tenia okok olo nabi kesoa nakaia unangai watemniba tekein kenimibi funaniba E bain Gode dabanea tlebiobo gabiobe. Yone ne kukubo wengo omkeimabe otane ne okok olo nabio Yone wengo gaisonoa ne kukubo ibo kla aleyebobe.

Dowan Weng Olo Yone Dolanebuotabe. 5:40

Ibo teniba ne mit temo tlib mole afen smike doboniba amit nomabib otane ibo nesuo mo tlaobbabo gabiobe.

Dowan Weng Olo Yone Dolanebuotabe. 5:46

Gode buk temo Mosese dolanebuo ne weng sang ota dolanebiobe. Ibo e wengo bainobo genimibo ne bainobo getnenomabib

Dowan Weng Olo Yone Dolanebuotabe. 7:52

i baabaniba Kebsa makob e ulab tobtlinin gam kobo Galili da tlebbua? Keb weng olo makob tobtlinin gam ele wengo ulabobe. Gode buk temo baanoa Gode weng omkeimalin nakai Galili da tenamini blimobo genobiobo, kobo Gode weng buko kineba tekein kenale ge baabasiobe.

Abosel 13:27

Yesuse daak tenea nib hengmino walubene otane Yelusalem bib sel isa eka i komokwal isa i mo funanibta Yesuse Gode miinobo geim blimobe. I singkalin amo tlang gamo dimo Gode weng omkeimalin nakai Gode wengo dolaibbuo kibib otane i o mitmakamo mo tekein keim blimobe. Weng olo dolaniba baaniba I Gode Dofakamin Nakae kukubo wateniba baaniba Anaine genomabiobo geibbuo i bain inaniba anaibbiobe.

Abosel 17:11

Folwali inaniba Belia bib ye bliba bib yo seli Fole wengo wenteniba seimbianiba i kukubo ayamo nabibo Tesalonaika bib seli gaisesiobe. I inaniba bianiba am obba ye bomanomo bomanomo yo dimo i amitie Gode buko kibianiba wateme bianiba Fole inamin wengo baabeneo bain buk temo bio mole bainobe gabianiba eka blim bio mole dim obe gabiam bianiba moton sambiba

Abosel 26:27

eka Fole imin Aglibae baabanea Komok sum kobo Gode weng omkeimalin nakai wengo bainobo gabeba? Ne tekein kebibe, kobo bainobo gabeobo ge baabasea

Fole Lom teni bainobo galini futano dola omfubesebe. 1:2

Sinanggwano Gode e weng omkeimalin nakai moton wengo baabenea Ne ne miine dowan weng ayamo omyamabibe. Weng olo bain wengobe. Ibo weng olo ometniba moniba nakaia unangai omkayemine genea i weng olo Gode buk temo dolaibbiobe.

Fole Lom teni bainobo galini futano dola omfubesebe. 3:2

Inamin namin homono Yuda ni daayebobe. Gode e wengo mikiktemo Yuda ni faninwali omyenea baabenea Ibo ne weng ele omyi olo kla kima bianiba naka mak unang maki omkayemine ge baabenebio kesoa

Kolosi 3:16

Ibo Klaiste wengo kla wente bianiba ib bobol tem daako omabba bianiba fumbianibte! Ibo inamib mole e wengo kla tekein keniba ib sinwalo alebesese bianiba dlo klasese nomabiobe. Ibo e wengo kla fumbianiba Gode gangobo gabianiba komok sume Debite Gode buk temo anso dolanebu osa eka lotu kemin ans osa eka Gode Hobe anso ibo omkayebe osa ngambiam nine!

Hiblu 11:16

Ina otane i mo inangge funaim blimobe. I funaniba Ni bibam temo abilim ut biobo, bib olo dabalim olo bibo gaisonobio kesoa ni monoba ye unomabbiobo ge fumbianiba bib olo bobolo waye binobiobe. I inangge fumbianiba Gode baabaniba Kobo ni Godobo ge oha binibbuo Gode i weng olo aalo mo genalim blimobe. I e wengo bainobo gabib kesoa e funanea Ne i bib ayamo klaubeibua uteniba nine ge baanea klaubenebiobe.

Hiblu 11:35

Eka unang mak ile i imakwal isa meme isa kaabenimibo i Gode bainobo geniba i imin hana tlebinibbiobe. Naka maki teniba bainobo galin nakaia unangai ge dleb moniba yemde dlaniba enin sumo omyeniba baabeniba Ibo Gode bobolo funino deibonimibo ni tileise nomabbiobo genimib osa bainobo galin nakaia unanga eli funaniba Ni kaanomobo imin hananoba Gode tenanomabbiobo geniba i wengo wentubeniba Gode bobolo funino deibonamino blim, i Gode bobolo amitie funib kesoa i bainobo galin nakaia unanga eli yenaiba kulila binibbiobe.

Lebelesen 19:10

ne esu ye tonton golbua daak tounia e niniino dobtouleb nang genamsia e baatnenea Yeye kobo mo inanemebe! Ne okoko makob kebsa keb nekwal isa ibo Yesuse bainobo geniba e niniino omkeimabibo nesa makob ib okoko ulab okok kemin naka netabo, kobo Gode elekiem ele niniin ota dobtouleb nale! Nibo tekein kebob yotabo, nibo Yesuse niniino omkeimabob olo makob sinanggwano Gode wengo omkeima binibbio nakai okoko ulabobo ge baatnenebe.