Dowan Weng Olo Yone Dolanebuotabe. 5:30 - Mian

³⁰ Yesuse Yudai komokwali imin baabenea Ne okoko nabio nene bobol tem funino mo nabibabe. Ne nakaia unangai kot kebenang gamio Gode tekein kemino omneta klayam kot keye binabibe. Niminbabe, ne namane tlibio nakae bobol tem funin ota wafu blibe. Ne nene bobol tem funino mo wafu blibabe.

Dowan Weng Olo Yone Dolanebuotabe. 5:30 ပူးပေါင်းရင်းမြစ်များ

Matyu 26:39

e tanea meb ye dlong dlong baan bilbunea munung baan bilanea Gode baabanea Ay kobo Ae geneb mole ne bobol tem abilo omtlatnenale! Ina otane kobo ne bobol tem funino mo wafunebta nanemebe! Kleb bobol tem funin iwat nanale ge oha bianea beten kenea

Dowan Weng Olo Yone Dolanebuotabe. 14:10

Ne Aye ni dumo ete nete nanoba makob biobobe. Kobo olo bainobo gabeba? Ne weng olo omkaye binabio nene bobol tem funinbabe. Ne Aye Gode ele bobol tem funin ota omkanebeta ne omonia ibo omkaye biania e okoko okok kebibe.

Dowan Weng Olo Yone Dolanebuotabe. 17:4

Kobo ne baatneneba Inamin namin okok olo okok kemale ge baatneneba namaneba daakenia dabalim ele biania okok olo alukum klabinibuo kukub olo ne keb niniino kemtouleb binibiobe.

Dowan Weng Olo Yone Dolanebuotabe. 18:11

Yesuse Fitae baabanea Keb bainate toboneba ele mib tem tobtenanale! Ne Aye nemfakanea baatnenea Kobo enin kino watemale genebio kesoa ne inanamabibo, kobo mo tolobo genemebe ge baabasebe.

Dowan Weng Olo Yone Dolanebuotabe. 4:34

Yesuse baabenea Ne nakae nemanea tlibue bobol tem ota wafu biania e baatnenemeo ne e weng ota wente biania okok bli kesoa ne okoko okok kebia blimansote genitabe. Imeno ayam otane ne Gode okoko okok kebio kukub olo dot ayamobe. Ne yo inanimi olo makob ne imenobe.

Dowan Weng Olo Yone Dolanebuotabe. 5:19

Yesuse Yudai komokwali baabenea Ne bain baabenamabibe, Gode miin ne okoko nabio nene bobol tem funino mo okok kebibabe. Ne Aye okoko nabeo olota wateme biania nesa ming inanita okok kebibe. Ne Aye okoko nabeo e miin nesa olota nabibe.

Dowan Weng Olo Yone Dolanebuotabe. 6:38

Niminbabe, ne abilimo deibonia daakenia dabalim ele tlibuo ne nene bobol tem funin ota namano genita tlibiobabe. Yeye ne tenia ne namane tlibio naka ele bobol tem funin ota namang genita tlibiobe.

Dowan Weng Olo Yone Dolanebuotabe. 8:28

Yesuse baabenea Sinanoa ibo Abilim Da Tlemin Naka ne nemeb moniba atdimo nemasa nananimib o dim ota ibo tekein keniba Gode e dofakanea dabanea tlebiobo, e okoko ele bobol tem funino mo nabebabo, e Aye alebanebuo weng ota omkaye binabebo genomabiobe.

Dowan Weng Olo Yone Dolanebuotabe. 8:42

Yesuse baabenea Ne God esu dania tenia ele bli olo ne nene bobol temo mo tlim blimobe. Ne Aye emaye nemane tlibiobe. Gode bain ib Ay biameo ibo ne gotnenomabib otane ibo ne mo gotne blibba kesoa e ib Aybabe.

Dowan Weng Olo Yone Dolanebuotabe. 8:50

Ina otane ne nene niniino mo omfufubibabe. Gode funanea I ne miine niniino omfufuhamine gabe kesoa nakaia unangai mo inabibbai e i kukubo moton sanyebebe.

Fole Lom teni bainobo galini futano dola omfubesebe. 15:3

Nibo tekein kebuobe, Klaist esa ele bobol tem funino mo namin blimobe. E Gode kukubo gobobie ota e nabinabebe. Gode buk temo kukub misiamo Klaiste dimo tam tlemabo wengo baanoa Nakaia unangai God kobo weng dobo weng okemibo kebkobbabo neta onemomabiobo genobiobe. Inamin kesoa e Gode bobol tem funin ota wafu bianea nakaia unangai deibenea i e weng dobo weng ohabinibbiobe.

Fole Lom teni bainobo galini futano dola omfubesebe. 2:2

Nibo tekein kebuobe, Gode nakaia unangai kukub misiamo wafu blibi i kukub misiam olo yang kenamabebe. E inanamabeo e kukub olo ayamobe.

Fole Lom teni bainobo galini futano dola omfubesebe. 2:5

Ib bobol tem funino misiamobe. Ibo bobol tem misiamo amitie fumbib kesoa Gode ib alo tlihabua ibo dosuambebeo sum ano kesoa sinanomo e nakaia unangai kukubo nabibo yatenea klanea ayam yang kenang game dimo e ib alo sum tliaubanoa kukub misiamo sum yang kenamabebe. Gode nakaia unangai kukubo nabinimibo klanamabeo dimo e wengo baanea nakaia unangai wentaibo baaniba E kukubo klamin okoko molotobo genomabiobe.