Dowan Weng Olo Yone Dolanebuotabe. 3:13 - Mian

¹³ Naka maki mo utnibta abilim ut danibta imin daak tlim blimobe. Abilim Da Tlemin Naka ne nenekiem neneta abilimo deibonia daak tenia dabalim ele tlania abilim omimio weng sango ibo oyebibe.

Dowan Weng Olo Yone Dolanebuotabe. 3:13 ပူးပေါင်းရင်းမြစ်များ

Matyu 28:20

eka ne wengo ibo omkaye binabio i alebeiba alukum wafuniba inamine! Ne amitie ibte nete nabioba dabale blimanamabe kesoa weng olo kla funine ge baabesebe.

Matyu 8:20

Yesuse baabanea Til satili amo deib temo bibe biota aala biobo, eka wan isa deito bibe biota aala biam blib otane Abilim Da Tlemin Naka ne amo aanonamino blimobo, kobo ne beketne haanang geb mole keb am osa blimobe. Kobo bain beketne unang genebtio? Kla funanebte ge baabasebe.

Dowan Weng Olo Yone Dolanebuotabe. 1:18

Nakai Gode atemnamino blim otane Gode miine yanmakobe Yesuse e Aye Gode bobol temo makobam bianea eta Gode kukubo nakaia unangai alebenea keim anebiobe.

Dowan Weng Olo Yone Dolanebuotabe. 13:3

Yesuse e Aalebe titilo omanea inamin namin osa alukum eta omalebua kima bie osa eka e Gode deibanea daak tlebu osa eka e imin Aalebe God esu unamabe osa e alukum tekein kebe kesoa

Dowan Weng Olo Yone Dolanebuotabe. 17:5

Sinanggwano dabale mo klaim blimo dimo Ay kebtem netem nanoba dum asu kebianoba kobo ne niniino nemtouleb binebbio inaneba memalosa ne kebsuo na tlamio ne niniino imin nemtouleb nale!

Dowan Weng Olo Yone Dolanebuotabe. 3:12

Ne ibo dabalim olo inamin namino wengo baabenimio ibo mo bainobo gabinabibba kesoa ne abilimo inamin namino wengo baabenimio ibo weng olosa mo bainobo genomabibbabe.

Dowan Weng Olo Yone Dolanebuotabe. 3:31

Nakae abilim da tlebu ele e titilo sum kesoa naka maki titilo gaisenebiobe. Eka nele dabalim naka kesoa ne dabalim omimi ota tekein kebibe. Eka naka elele abilim da tlebio kesoa e abilim osa dabalim osa omimio tekein kebianea ne gaitnenebiobe.

Dowan Weng Olo Yone Dolanebuotabe. 6:33

Niminbabe, Gode naka make dabanea abilim ut danea daak tebianea nakaia unangai dabalim olo blibi afen smike dobkayebe naka eta Gode imenobo ge baabesea

Dowan Weng Olo Yone Dolanebuotabe. 6:38

Niminbabe, ne abilimo deibonia daakenia dabalim ele tlibuo ne nene bobol tem funin ota namano genita tlibiobabe. Yeye ne tenia ne namane tlibio naka ele bobol tem funin ota namang genita tlibiobe.

Dowan Weng Olo Yone Dolanebuotabe. 6:42

baaniba Naka ele dabalim nakae Yosebe miine Yesus etabe. Ni e ay esa biem osa tekein kebob otane e baanea Ne abilim da tlibiobo gabe yole e kukubo misiamobo gesiba

Dowan Weng Olo Yone Dolanebuotabe. 6:46

Dabalim nakai Aye Gode atenamini blimobe. God esu ut dania tlibio naka neta nenekiem Aye Gode ateme binibiobe.

Dowan Weng Olo Yone Dolanebuotabe. 6:51

Nakaia unangai afen smike dobyamabo imeno abilim da tlobu ole netabe. I imen olo dowonaibo amit nomabiobe. Imen olo ne diimobe. Nakaia unangai dabalim olo blibi imen olo oyia dowonaibo amit nomabiobo ge baabeseo weng olo mitmakam ole ele ananomabibo saa weng ota baabesebe.

Dowan Weng Olo Yone Dolanebuotabe. 6:62

Abilim Da Tlemin Naka ne imin ulania nene bi tlibio unia natemib mole ibo funaniba E misiam nanebo genomabiba bleka?

Dowan Weng Olo Yone Dolanebuotabe. 8:42

Yesuse baabenea Ne God esu dania tenia ele bli olo ne nene bobol temo mo tlim blimobe. Ne Aye emaye nemane tlibiobe. Gode bain ib Ay biameo ibo ne gotnenomabib otane ibo ne mo gotne blibba kesoa e ib Aybabe.

Abosel 2:34

Debite weng olo dolanebuo ele dimo mo baaim blimobe. Eka e abilim ut osa mo unim blim na otane e Gode buk temo dolanea baanea Gode ne Sume baabanea Kobo ne kweile kweitale kikib ye toumbianeba inamin namino kima bieba

Abosel 20:28

Gode Hob eta nakaia unanga eli ibo doyebio kesoa kla kima bianiba ibmal osa kla biam bianibte! Gode e miine ilem ota oloneta nakaia unanga eli hengmino walubenea Nemibo genebiobe. Ibo makob eil sibsib kimanin nakai ulab kesoa nakaia unanga eli kla kimaine!

Fole Lom teni bainobo galini futano dola omfubesebe. 10:6

Ina otane nakaia unangai Klaiste bainobo gabibi Gode baabenea Ibo ne kin dimo naka molot unang molotobo gabebe. Inamin kesoa ibo sinanggwano Mosese wengo Gode buk temo dolanea baanea Waneta utneta abilim ut unamabene? Eka waneta daakneta ham gloutem daak unamabene? genebuo o bobolo mo funimibe! Weng olo mitmakamo inaminobe. Nakai utniba Klaiste abilim ut bio debeb daak teniba dabalim ele tenamino blimobe. Niminbabe, Klaiste dabalim ele biebe. Eka nakai moniba ham gloutem unaniba Klaiste debeb ut tenamin osa blimobe. Niminbabe, Klaiste sino imin hananebiobe.

1 Kolin 15:47

Sino Gode dabale halonea Adame klanebua eka sinanoa e Adam afete e niniino Yesus Klaiste dabanea abilim danea daak tlebiobe.

Efesas 1:23

Nakaia unangai Klaiste bainobo gabib ile makob e damobe. Eka ele makob i gabamobe. Bainobo galin nakaia unangai Gode okoko okok kebib ole Yesuse titil ota omkayebeta okok kebiobe. E titil ota inamin namino abilim uto bu osa eka dabalim olo bu osa okok kebobe. Inamin namino omalo nanamino blimobe.