Dowan Weng Olo Yone Dolanebuotabe. 20:17 - Mian

¹⁷ Yesuse baabonea Ne Ay esuo mo unim blim bli kesoa obo ne mo nafunemebe! Deitneneba moneba ne nekwali baabeneba Yesuse baanea Ne monia Aye God esu unamabibe. E ibsa ib Ay Godobo genebo ge baabenale ge baabonea

Dowan Weng Olo Yone Dolanebuotabe. 20:17 ပူးပေါင်းရင်းမြစ်များ

Matyu 12:50

Nakaia unangai ne Aye abilim ut bie wengo wentebib ita ne ningwal ne nengwal eka ne biemwal nabo ge baabesebe.

Matyu 25:40

Komok Sum ne baabenia Bain ye ibo ne ningwala nengwalai niniin blimi daaye binibbuo makob neta daane binibbiobo ge baabenamabibe.

Matyu 28:7

imin baabenea Ib dabo hebmamamsab moniba e okok aleyemin nakai baabeniba E kaanebuo imin hananea sin monea Galili betan ye unebo, ibo monibta Galili betan ota atemine ge baabeine! Ne wengo bayotabo ge baabesea

Dowan Weng Olo Make Dolanebuotabe. 12:26

Ibo nakai kaaibbua sinanomo imin hana tlomabibo wengo baatneib yo Mosese as gwabe dimo ase eimbea atenabea Gode baabanea Ne Eblaham esa Aisak esa Yekob esa i Sum netabo ge baabanea Mosese weng sang olo dolanebuo ibo kibinabib otane o mitmakamo mo tekein kebibbabe.

Dowan Weng Olo Make Dolanebuotabe. 16:19

Sume Yesuse wengo oyebeo blimanoa Gode debeb utnea abilim ut danea e kweile kweitale kikib ye tounea

Dowan Weng Olo Luke Dolanebuotabe. 10:4

Ibo kumeno moni bumin osa imen osa skil otabbumin osa mo oleb unaibe! Eka nakaia unangai deib tamalo te hetananimibo ibo mo mabianibta besa wengo mo oyemibe!

Dowan Weng Olo Yone Dolanebuotabe. 13:1

Yudai singkalin am sumo, niniino Fasobao, meb tloa Yesuse tekein kenea Ne kaania dabalim olo deibonia Ay esu unamabi amo tlobo ge funasebe. E meletani dabalim ele blibi sin osa memalosa amitie kla gobe binebiobe.

Dowan Weng Olo Yone Dolanebuotabe. 13:3

Yesuse e Aalebe titilo omanea inamin namin osa alukum eta omalebua kima bie osa eka e Gode deibanea daak tlebu osa eka e imin Aalebe God esu unamabe osa e alukum tekein kebe kesoa

Dowan Weng Olo Yone Dolanebuotabe. 14:2

Sino ne baabenia Ne monia ib amo klaubenamabibo ge baabeibu olo bainobe. Ne Aye bie bib olo amo homon eka bib osa beselib nabe. Bib olo temo ib am osa ye biobe.

Dowan Weng Olo Yone Dolanebuotabe. 14:28

Ne baabenia Ne deibe uni biamo imin tlamabibo ge baabeia wentib kesoa ibo ne kla gotneib mole ibo funaniba e Ay esu unamabebo ge funaniba seinomabiobe. Niminbabe, ne Aye gaitnene kesoa ibo seinomabiobe.

Dowan Weng Olo Yone Dolanebuotabe. 14:6

Yesuse Tomase ni sinwalo baabenea Gode bib unemin deib ele nenekiem nenetabe. Nakai deib afete moniba ne Ay esuo onamino blimobe. Eka weng bain omino kukub osa eka afenin kukub osa o mitmakamo netabe.

Dowan Weng Olo Yone Dolanebuotabe. 16:28

Ne bain Ay esu ut danita daakenita dabalim ele tlibiobe. Memalo ne dabalim olo deibonia imin monia Ay esu unang genabibo ge baabesea

Dowan Weng Olo Yone Dolanebuotabe. 17:11

Ne memalo dabalim olo deibonia kebsu natlang genami otane ile sma dabalim ele biomabiobe. Ay kobo hengmin blim kiningobe. Kobo nakai dlakaneba Ibo Yesuse meletan aine ge baabenebbuei keb titilo sino ne omnebbu olota isa omyeneba kimaneba i makob elekiem aniba makob nib dumo nanoba elekiem biob inaine!

Dowan Weng Olo Yone Dolanebuotabe. 17:25

Ay kobo naka molotobe. Nakaia unangai dabalim kukubo wafu blibi kobo mo tekein kebibba otane nele kobo tekein kebibe. Eka naka elisa tekein keniba Kobo bain ne nemaneba tlibiobo gabiobe.

Dowan Weng Olo Yone Dolanebuotabe. 17:5

Sinanggwano dabale mo klaim blimo dimo Ay kebtem netem nanoba dum asu kebianoba kobo ne niniino nemtouleb binebbio inaneba memalosa ne kebsuo na tlamio ne niniino imin nemtouleb nale!

Dowan Weng Olo Yone Dolanebuotabe. 20:27

e Tomase baabanea Kobo ne kweilo wateneba sil alango meleboneba eka keb kweile tebeb wat teneba ne anat alange hatem naneba kobo bobol tem hekhek funino deiboneba bainobo genale ge baabasea

Dowan Weng Olo Yone Dolanebuotabe. 7:33

Yesuse nakaia unangai baabenea Ne ibo amito mo bekebenimibabo, memaloko ye mo bekebe tab unanita yota deibenita imin monia nakae ne nemane tlibue esu unamabibe.

Fole Lom teni bainobo galini futano dola omfubesebe. 8:29

Niminbabe, Gode sinanggwano dabal esa inamin namin osa mo klaim blim bianea nakaia unangai dlakanea baanea Ne nakaia unanga eli kla gobe bli kesoa i naka molot unang molot aniba makob ne miine ulab aniba e ningwal an e nengwal an naniba homon aiba e nakaia unanga eli hek sum anamabebo genebiobe.

2 Kolin 6:18

ne ib aaleb aia eka ibo ne meme ananomabiobo genebiobe. Sume titilsa eta weng olo inangge baanebiobe.

Galesia 3:26

Ibo Yesus Klaiste bainobo gabib kesoa Gode baabenea Ibo ne melelobo ge oyebebe.

Hiblu 11:16

Ina otane i mo inangge funaim blimobe. I funaniba Ni bibam temo abilim ut biobo, bib olo dabalim olo bibo gaisonobio kesoa ni monoba ye unomabbiobo ge fumbianiba bib olo bobolo waye binobiobe. I inangge fumbianiba Gode baabaniba Kobo ni Godobo ge oha binibbuo Gode i weng olo aalo mo genalim blimobe. I e wengo bainobo gabib kesoa e funanea Ne i bib ayamo klaubeibua uteniba nine ge baanea klaubenebiobe.

Hiblu 8:10

Nib Sume imin baanea Am olo blimanoa omito ne weng mako Islel nakaia unangai omyenia Ibo ne weng olo wafueine ge baabenia weng olo i bobol temo omabbebeia i amitie weng olo fumbianiba ne baatneniba God kobo ni sumobo genabiba eka nesak i baabenia Ibo nemiobo genanamabibe.

1 Fita 1:3

Nibo nib Sume Yesus Klaiste e Aye Gode niniino dobtouleb nomo! E nibo dohalilanea daabenano gene kesoa e Yesus Klaiste dabane tenea atdimo kaanea imin hana tlanea nibo daabenea mema naka unang anobbuo bobolo funomo! Yesuse imin hananebuo nibo tekein kebuobe, sinanomo nibsa imin hananoba monoba Gode bib unanoba amit nomabbio kesoa nibo am olo bobolo funanoba waisonomo!

1 Yon 3:2

Ne nekwal ibo memalo nibo Gode melel otane sinanomo nibo fatnamin nomabbione? Malobe. Ina otane sinanoa Klaiste imin tlameo nibo e kla atenoba deskinanoba makob e ulab anomabbiobe.

Lebelesen 21:3

Eka weng mako komoke biin dim ut danoa ngambianoa Etemine! Memalo Gode bibamo nakaia unangai bekebenobe. I Gode meletan aiba eka e i Sum anea item etem nanomabiobe.

Lebelesen 21:7

Eka nakaia unangai wanita kukub misiamo Yeye geniba ombianib mole ne i Sum ana bia eka ile ne meme ananomabiobe.