Dowan Weng Olo Yone Dolanebuotabe. 19:34 - Mian

³⁴ awa genalin naka make anate tobonea Yesuse geilam wat bikinea tulasea ilem esa aay esa singa tesebe.

Dowan Weng Olo Yone Dolanebuotabe. 19:34 ပူးပေါင်းရင်းမြစ်များ

Matyu 27:62

Bomanoa Gode singkalin amo inamin namino klabibo blimanoa Gode amo kimanin nakai komokwal isa eka Felisie isa moniba Failate baabaniba

Dowan Weng Olo Yone Dolanebuotabe. 19:33

otane i Yesuse atemiba e dam ye kaanebio kesoa i e kumuno ono haubanamino deibaniba

Dowan Weng Olo Yone Dolanebuotabe. 20:20

e kweilo silo bikibaibbu osa eka anate geilam wate bikiniba tulabaibbu osa alebesea ni watem tekein kenoba Nib Sume bain hananebo genoba kla seinsoba

Abosel 22:16

Kobo mo biaebe, hananeba Yesuse niniino taisaneba e keb hengmino omtlabkenea aaye fuelanale ge baatnenebiobe.

1 Kolin 1:30

Gode ibo daabenea Ibo Yesus Klaiste bainobo geniba ete ibte nabliobe. Klaiste e bobol tem funino nibo omkayebea nibo Gode e okok osa e kukub osa kla tekein kebob kesoa Gode nibo yatenea baabenea Ibo naka molot unang molot kesoa ne naka unangobo ge oyebebe. Sino nibo hengminsa biob otane Klaiste kaanea nib hengmino walubenebua memalo nibo kukub ayamo wafu biobobe.

1 Kolin 6:11

Sino ib isak temo naka maki kukub olo wafu binibbu otane ibo nib Sume Yesus Klaiste bainobo geniba Gode ib hengmino omtlabenea bobol tem funin ayamo ibo omyenea baabenea Ibo nemiobo ge baabenea e Hobe ibo dobyenea e ib bobol tem daako bia etem nib Sume Yesus Klaiste tenaniba ibo daayebiba Gode baanea Ne kin dimo ibo naka molot unang molotobo ge baabenebiobe.

Efesas 5:26

Yesus Klaiste atdimo kaanea e bainobo gabob nibo daabenea nibo hengmino temo biobo dotlanebio kesoa nibo e wengo wentenoba aayo fuelanoba kukub misiamo deibonoba e nibo dleb monea Gode dlalebio kesoa nibo emiobe.

Taitas 2:14

Sino e abilim ut bie dimo e funanea Ne daatnia atdimo kaania nakaia unangai hengmino walubenano genea daakenea atdimo kaanea nib hengmino walubenebio kesoa nibo kukub misiamo deibonoba bobol ayam fumbianoba e naka an e unang an nabianoba E kukub ayamo kla wafunomo gabuobe.

Hiblu 9:13

Til gouti ilem osa eka eil blumakau imakwali ilem osa naka mak unang maki daaye binobuo kukub olo inaminobe. Gode baanea Olo ninik gamobo genebuo nakaia unangai melebosiba e baabenea Ibo ne kin dimo kiningbabo genebiobe. I inanimibo Gode amo kimanin nakai komok sume til gouti ilem osa eka eil blumakau imakwali ilem osa o olona bianea eka eil blumakau akgitwali yenaniba aso faiba kibaniba kwetab ansiba kwetab olo weloniba aa baka klaibbuo olonanea delo halele gesea waldibi watnoa nakaia unangai undimo ninika blib eli melebesoa Gode baabenea Memalo ib undimo ilem osa kwetab osa daabeno kesoa imin kining aibobo ge baabebe binebiobe. Kulani ilemo besa aal tib olota fubayebua niniko blim kining binibbiobe.

Hiblu 9:22

Mosese hekmel wengo baanoa I ilem ele inamin namin olo senge watoubueib mole inamin namino kining anamabobe. Eka ilem ele i mo senge watoubeim blim keib mole Gode i hengmino mo omtlabenamabebabo genobiobe.

1 Fita 3:21

Aay ele mitmakamo makob nakai bainobo geiba fuelabenabib aayo ulabobe. Aa fuayemin olo ninik fubaminbabe. O mitmakamo inaminobe. Nakaia unangai Gode baabaniba Ni kukub misiamo nabob otane Yesuse atdimo kaanea ni hengmino temo biobo dotlanebio kesoa kobo ni kukub misiam olo nabobo omtlabenale ge baaib mole Gode i hengmino omtlabenea i bobolo ayam funomabiobe. Yesus Klaiste atdimo kaanea imin hananea nibo daabenea nibo kining anobbiobe.

1 Yon 5:6

Yesus Klaiste abilim ut danea daak tenea aaye fuelanea eka atdimo kaanea ileme singa nanebua nibo kukubo asu olo watenoba tekein kenoba E bain Gode miinobo gabuobe. E mo daak teneta Aaye eleta fuelanano geneta daak tlim blimobe. E Daak tenia aaye fuelania eka atdimo kaania ileme singananano geneta daak tlebiobe. Eka Hob esa obianea Olo motonobo ge obinabebe. Niminbabe, e moton weng omin Hobobe.

1 Yon 5:8

Hobe kukub osa eka Yesuse aaye fuelanebuo kukub osa eka atdimo kaanea ileme singanebuo kukub osa mito asumatna yo nibo alebenoa tekein kebianoba Yesuse bain Gode miinobo gabuobe.

Lebelesen 1:5

Yesus Klaiste Gode wengo alukum molot omkeimalin nakabe. E sin kaanea hana tlebio kesoa nibsa kaanomobo imin hana tlomabbiobe. E alukum komokwali dabalim olo blibi Sum na kesoa esa ibo daabenea bobol tem ayamo omyeko! E bobol temo nibo omyenea kaanea ileme singanea nib hengmino omtlabenea

Lebelesen 7:14

ne baabania Sum kobo ne mo tekein kebibabo, kebmaye tekein kebeobo gesia e baatnenea Wasi nakai naka eli enina kukub misiamao omkayebib otane i sbal maniba eil sibsib mene ilemo i youmo fubaiba namanobio kesoa