Dowan Weng Olo Yone Dolanebuotabe. 18:5 - Mian

⁵ i baabaniba Ni Yesuse Nasalet bib sak eta hen tebuobo gesiba e baabenea Banetabo ge baabesebe. Yudase Yesuse komokwali dobyebio naka esa i baka bietabe.

Dowan Weng Olo Yone Dolanebuotabe. 18:5 ပူးပေါင်းရင်းမြစ်များ

Matyu 2:23

bibo niniino Nasalet bib ye bisebe. E inaseo sinanggwano Gode weng omkeimalin nakai Yesuse weng sango baaniba I naka ele Nasalet bib sak ge nganhamomabiobo geibbuo weng olo bain inanoa yamo balisobe.

Matyu 21:11

nakaia unangai Yesuse baka bianiba nganbebibi baabeniba Naka ele Gode weng omkeimalin nakae Yesus etabe. E Galili betano bibo niniino Nasalet bib ye daneta tlebo ge baabesiobe.

Dowan Weng Olo Yone Dolanebuotabe. 1:46

Nataniele Filibe baabanea Ne bobol temo fumbio Nakai naka ele weng sango dolaibbu ele naka ayamobe. Nasalet bib ole bib misiamobe. Naka ayam ele Nasalet bib dao mo tlamebabo gesea Filibe baabanea Kebmaye tenebta atemale ge baabasea bebiba

Dowan Weng Olo Yone Dolanebuotabe. 18:4

Yesuse inamin namin olo e dimo tam tlamabo e sin tekein kebe kesoa e monea isu meb unanea baabenea Ibo waneta hen tebibe? gesea

Dowan Weng Olo Yone Dolanebuotabe. 18:6

Yesuse baabenea Banetabo ge baanabea i abuk sin nininiba gimon sin dleb daaknoa blam biniba imin hana utesiba

Dowan Weng Olo Yone Dolanebuotabe. 19:19

Failate weng mako enangge baa dolanea YESUS NASALET BIB SAKE YUDAI KOMOK SUMOBO ge baa dolanea deskinea atosino Hiblu weng dolanea eka atosino Lom teni ili weng dolanea eka atosino Glik weng dola nanea omeb utnea Yesuse ase dabasaniba silo bikibaibbua ele gabam obeb ut dabie ut omginebua bibilim olo bib asak meb kesoa Yuda nakaia unangai homoni weng olo wateme bianiba kimonsiobe.