Dowan Weng Olo Yone Dolanebuotabe. 17:25 - Mian

²⁵ Ay kobo naka molotobe. Nakaia unangai dabalim kukubo wafu blibi kobo mo tekein kebibba otane nele kobo tekein kebibe. Eka naka elisa tekein keniba Kobo bain ne nemaneba tlibiobo gabiobe.

Dowan Weng Olo Yone Dolanebuotabe. 17:25 ပူးပေါင်းရင်းမြစ်များ

Matyu 11:27

eka omito nakaia unangai baabenea Ne Aye inamin namino alukum omnenea Kimanale ge baatnenebiobe. Nakai Gode miin ne bobol tem funino mo tekein kebibbabe. Aye elekiem eleta ne bobol tem funino tekein kebebe. Eka nakai Ay Gode bobol tem funino mo tekein kebibba otane ne tekein kebibe. Nakai wanita ne dlakanimie isa Aye bobol tem funino tekein kenomabiobe.

Matyu 16:16

Saimon Fitae baabanea Gode Kemfakamin Naka Klaist kebtabe. Gode amit afen binabe miin kebtabo gesea

Dowan Weng Olo Luke Dolanebuotabe. 10:22

eka nakai 72 eli baabenea Ne Aye inamin namino alukum ne omnenea kimanale ge baatnenebiobe. Nakai Gode miin ne bobol tem funino mo tekein kebibbabe. Ne Aye elekiem eleta ne bobol tem funino tekein kebebe. Eka nakai Ay Gode bobol tem funino mo tekein kebibba otane ne tekein kebibe. Nakai wanita ne dlakanimie isa Aye bobol tem funino tekein kenomabiobo ge baabene ole

Dowan Weng Olo Yone Dolanebuotabe. 1:18

Nakai Gode atemnamino blim otane Gode miine yanmakobe Yesuse e Aye Gode bobol temo makobam bianea eta Gode kukubo nakaia unangai alebenea keim anebiobe.

Dowan Weng Olo Yone Dolanebuotabe. 15:21

Otane i ne nemane tlibio nakae Gode tekein kebibba kesota i kukub misiam olo nayemomabiobe. Niminbabe, ibo ne meletanobe.

Dowan Weng Olo Yone Dolanebuotabe. 16:27

Niminbabe, ibo obianiba Yesuse bain God esu ut bianeta daakeneta nisu ele tlebiobo ge obianiba ne gotne blib kesoa ne Ay esak ibo gobe bianea daayebebe.

Dowan Weng Olo Yone Dolanebuotabe. 16:3

I inamomabibo Aye ni dumo i mo tekein kebibba kesota namomabiobe.

Dowan Weng Olo Yone Dolanebuotabe. 16:30

Kobo inamin namino alukum tekein kebeobe. Ni inamin namin mako o wengo mo baabkeim blim biob otane kobo sin tekein keneba alebeneb kesoa kobo bain God esu ut bianebta tlebbiobo gesoba

Dowan Weng Olo Yone Dolanebuotabe. 17:11

Ne memalo dabalim olo deibonia kebsu natlang genami otane ile sma dabalim ele biomabiobe. Ay kobo hengmin blim kiningobe. Kobo nakai dlakaneba Ibo Yesuse meletan aine ge baabenebbuei keb titilo sino ne omnebbu olota isa omyeneba kimaneba i makob elekiem aniba makob nib dumo nanoba elekiem biob inaine!

Dowan Weng Olo Yone Dolanebuotabe. 17:18

Kobo ne nemaneba tenia nakaia unangai dabalim kukubo wafu blib isu ele tlibio inania nesak naka eli dlaia moniba nakaia unanga elisu unibbiobe.

Dowan Weng Olo Yone Dolanebuotabe. 17:21

Ne funania Ay kobo i daabeneba elekiem aniba makob nib dumo nanoba elekiem biob inaniba item nibtem nanoba makob elekiem anomo! I inanimibo bainobo galinba nakaia unangai yateniba baaniba Yesuse bain God eta dabane tlebiobo genomabiobo ge fumbibe.

Dowan Weng Olo Yone Dolanebuotabe. 17:23

Ni sinwalo elekiem anoba makob nib dumo elekiem biob inanomo! Ne funania I elekiem aib mole nakaia unangai dabalim kukubo wafu blibi yateniba baaniba Gode Yesuse dabane tlebua goba bianea e Yesuse meletan isa inanea gobe biebo genomabiobo gabibe.

Dowan Weng Olo Yone Dolanebuotabe. 17:3

Afen smike amit nin ele mitmakamo inaminobe. Nakaia unangai nemie ile kobo bain kla tekein keniba Ae klebkiem klebta God motonobo geniba eka kobo Yesuse Klaist ne nemaneba tlibio nesa kla tekein kenaine getabe.

Dowan Weng Olo Yone Dolanebuotabe. 17:8

Keb wengo baatnenebbuo ne i baabeia wenteniba baaniba Kobo bain God etem nabianibta e kamaneta daak tlebbiobo geniba bainobo gabiobe.

Dowan Weng Olo Yone Dolanebuotabe. 3:17

Gode e miin ne mo nemane tenita dabalim sel nakaia unangai hengmin gami kot kebenea dlanea aseinin bib unine geneta nemaneta tlim blimobe. E funanea Ne dabaia daaknea dabalim sel nakaia unangai hengmino temo blibo dotlaneko geneta namaneta daak tlibiobe.

Dowan Weng Olo Yone Dolanebuotabe. 6:19

watnoba isak wat unanoba temoba Yesuse aalang dim wat mama tenea weseme esu meb tlebio kesoa atenoba tosiansoba

Dowan Weng Olo Yone Dolanebuotabe. 7:29

otane nele etena bianoba nemane tlibio kesoa e kla tekein kebibo ge baabesea

Dowan Weng Olo Yone Dolanebuotabe. 8:19

i baabaniba Keb Aye fab biene? gesiba Yesuse baabenea Ibo ne mo tekein kebibba kesoa ne Ay esa mo tekein kebibbabe. Ibo ne tekein keib mole ne Ay esa tekein kenomabiobo ge baabesebe.

Dowan Weng Olo Yone Dolanebuotabe. 8:55

ibo e mo tekein kebibbabe. Neta e tekein kebibe. Ne baania Ne e mo tekein kebibabo gei mole ne makob ibo nabinabib inania dim baanamabibe. Otane ne e tekein kebiania e wengo wente biam blibe.

Abosel 17:23

ne tenia ib bib ele tlania haabiania ib godo smiko watemeyem haabianea make atemia tome dim uto niniino dolaniba baaniba God ele ni mo tekein kebobbabo ge baaniba dolaibbua atemnabio ibo God ele mo atemebibbabe. Ibo besa e niniino dobtouleb binabibe, e weng ota ne memalo omyamabibe.

Abosel 26:18

i bobol temo mililanabo inabebua Gululame titilo ge dlabuei ne kukubo alebeneba i ne bainobo geniba Gode titilo ge dlanoa i bobol temo makob ayal einin keniba ne i hengmino omtlabeia i nakaia unangai Gode dlakaebuei tena nine genita tlibo ge baatnenebiobe.

Fole Lom teni bainobo galini futano dola omfubesebe. 1:28

I Gode wengo tekein kebib otane ina bianiba funaniba Ni Gode bobolo mo funomobbabo ge funaniba Gode deiba blib kesoa esak i deibenea ili bobol tem funin misiam ota wafu bianiba kukub misiamo nabiobe.

Fole Lom teni bainobo galini futano dola omfubesebe. 3:11

Eka nakaia unangai Gode kukubo kla tekein keniba wafu blib isa eka nakaia unangai Gode ni bobol temo bibeneko gabib isa blimobe.

Fole Lom teni bainobo galini futano dola omfubesebe. 3:26

Ina otane memalo Gode Yesuse dabanea daakenea atdimo kaanea nib hengmino walubenebuo kukub olo makob Gode e kukub ayamo nibo alebenebiobe. Nakaia unangai Yesus Klaiste bainobo gabibi i hengmino Gode omtlabenea baanea I ne kin dimo hengmino blimobo ge oye binabebe.

1 Kolin 1:21

Gode tekein keminsa kesoa e funanea Nakai baaniba Ni tekein kemin nakabo gabibi i bobol tem funino ne alebenoa tekein kenamino blim kesoa i ne mo bainobo geitnenomabibbabo ge funanea e weng olo nibo omkayebea nibo e dowan weng olo naka mak unang maki omkayeboba tekein kemin naka eli oye bianiba I weng obba halebo ye obiobo ge oyebib otane naka mak unang mak ile e weng olo wente bianiba bainobo gabib kesoa e i hengmino temo blibo dotlanebua amit nomabiobe.

1 Kolin 15:34

Ibo ib bobol tem funino misiam fumbib kesoa ibo ib bobol tem funin misiam olo deiboniba ibo hengmino imino mo hengamibe! Naka mak unang maki ib isak temo blibi i Gode mo tekein kebibba kesoa i bobol temo fumbianiba Nakaia unangai kaanimibo Gode i imino mo dohaanamabebabo ge fumbib kesoa ne funania Ibo ib bobol tem funin olo bobolo fumbianiba aal genaline ge baabenamabibe.

2 Kolin 4:4

Klaiste makob Gode ulab kesoa nakaia unangai e wengo wentebibi i bobol tem ole makob ayal inamin ei bliobe. Eka nakaia unangai Klaiste mo bainobo gabibba ile dabal ele komoke Gululame i bobol temo neket gebe bia i sma mililambio tem tab bianiba Klaiste dowan weng ayam olo mitmakamo mo tekein kebibbabe.

2 Tesalonaika 1:8

I ayal tem te daak tliba nakaia unangai yatenabiba Gode nakaia unangai e wengo mo wafueim blim blib isa eka nakaia unangai Sume Yesuse dowan wengo omdibihabib isa kukub misiamo omyenea

Hiblu 8:11

Nakaia unangai niniinsa isa niniin blim isa i alukum ne kla tekein kenomabiobe. Nakai ne mo tekein keim blim blibi biaib nomta i mo alebeniba eka Ibo Sume kukubo kla tekein keine ge baabenanimibbabe. Niminbabe, i ne alukum tekein kenomabiobe.

1 Yon 1:9

Eka nibo nib hengmino omkeimanob mole Gode weng moton omin kesoa e kukub moloto nanea nib hengmin osa eka nib kukub misiam osa alukum omtlabenea kining klayam anomabbiobe.

Lebelesen 13:8

Nakaia unangai dabalimo blibi i niniino Gode dabale mo klaim blim bianea buko klanebuo temo mo bibebiobai kulan haleb ele niniino dobtouleb nomabiobe. Buk olo eil sibsib mene i anaiba kaanebue bukobe. Nakaia unangai i niniino buk olo temo bibebue ita amit nomabiobe. I kulan halebe niniino mo dobtouleb nomabibbabe.

Lebelesen 16:5

eka abisake aaye kima bie baanea God kobo sinanggwano binabebbua memalosa biebobo, kobo kiningobo, keb kukub klamin okoko molotobe.