Dowan Weng Olo Yone Dolanebuotabe. 17:21 - Mian

²¹ Ne funania Ay kobo i daabeneba elekiem aniba makob nib dumo nanoba elekiem biob inaniba item nibtem nanoba makob elekiem anomo! I inanimibo bainobo galinba nakaia unangai yateniba baaniba Yesuse bain God eta dabane tlebiobo genomabiobo ge fumbibe.

Dowan Weng Olo Yone Dolanebuotabe. 17:21 ပူးပေါင်းရင်းမြစ်များ

Dowan Weng Olo Make Dolanebuotabe. 3:24

Betan mak seli i sinwalo imaye makaalaniba belalananiba awa genalom gaibo i titil blimanomabiobe.

Dowan Weng Olo Yone Dolanebuotabe. 10:16

Ne eil sibsibi maki daam olo temo mo blibba kesoa ne monia isu unania nganabeia i ne wengo wenteniba tliba dleb tenia dolminia alukum nemaye kimanamabibe.

Dowan Weng Olo Yone Dolanebuotabe. 10:30

Nesa ne Ay esa ni dumo makob elekiemobo ge baabesea

Dowan Weng Olo Yone Dolanebuotabe. 10:38

Otane ne e okoko okok kebio ibo mo bainobo geim blim keib mole ne okok sumo nabi ota watemnibta Bainobe, e Ay etem na bliobe geine ge baabesebe.

Dowan Weng Olo Yone Dolanebuotabe. 11:42

Ne tekein kebibe, kobo ne wengo amitie wentene binabeb otane ne memalo baania Kobo klayam naneba ne wengo wentutnenebobo gei ole o mitmakamo inaminobe. Nakaia unangai ele blib eli keb titilo wateniba bainobo geniba kebta ne nemaneba tlibiobo geine genita weng olo baabkeiobo ge baabanea

Dowan Weng Olo Yone Dolanebuotabe. 13:32

Ne inania Gode niniino dobtouleb ni mole God esak inanea e titilo ayal inamin einobuo omnenea ne niniino nemtouleb namabebe.

Dowan Weng Olo Yone Dolanebuotabe. 13:35

Ibo inamib mole naka mak unang maki ibo yatemniba I Yesuse okok aleyemin nakabe genomabiobo ge baabesebe.

Dowan Weng Olo Yone Dolanebuotabe. 17:11

Ne memalo dabalim olo deibonia kebsu natlang genami otane ile sma dabalim ele biomabiobe. Ay kobo hengmin blim kiningobe. Kobo nakai dlakaneba Ibo Yesuse meletan aine ge baabenebbuei keb titilo sino ne omnebbu olota isa omyeneba kimaneba i makob elekiem aniba makob nib dumo nanoba elekiem biob inaine!

Dowan Weng Olo Yone Dolanebuotabe. 17:18

Kobo ne nemaneba tenia nakaia unangai dabalim kukubo wafu blib isu ele tlibio inania nesak naka eli dlaia moniba nakaia unanga elisu unibbiobe.

Dowan Weng Olo Yone Dolanebuotabe. 17:20

Ne weng olo baabkenamabio kobo naka eli ilita daabenale babe. Nakaia unangai naka eli wengo wenteniba ne bainobo getnenomabib isa daabenale genita okebibe.

Dowan Weng Olo Yone Dolanebuotabe. 17:25

Ay kobo naka molotobe. Nakaia unangai dabalim kukubo wafu blibi kobo mo tekein kebibba otane nele kobo tekein kebibe. Eka naka elisa tekein keniba Kobo bain ne nemaneba tlibiobo gabiobe.

Dowan Weng Olo Yone Dolanebuotabe. 17:3

Afen smike amit nin ele mitmakamo inaminobe. Nakaia unangai nemie ile kobo bain kla tekein keniba Ae klebkiem klebta God motonobo geniba eka kobo Yesuse Klaist ne nemaneba tlibio nesa kla tekein kenaine getabe.

Dowan Weng Olo Yone Dolanebuotabe. 17:8

Keb wengo baatnenebbuo ne i baabeia wenteniba baaniba Kobo bain God etem nabianibta e kamaneta daak tlebbiobo geniba bainobo gabiobe.

Dowan Weng Olo Yone Dolanebuotabe. 3:17

Gode e miin ne mo nemane tenita dabalim sel nakaia unangai hengmin gami kot kebenea dlanea aseinin bib unine geneta nemaneta tlim blimobe. E funanea Ne dabaia daaknea dabalim sel nakaia unangai hengmino temo blibo dotlaneko geneta namaneta daak tlibiobe.

Dowan Weng Olo Yone Dolanebuotabe. 5:23

Nakaia unangai Aye Gode niniino dobtouleb blib kesoa i e miin ne niniin osa nemtouleb nomabiobe. Nakaia unangai wanita Gode miin ne niniino nemtouleb blibba ile i ne Aye nemanea tlibue niniin osa mo dobtouleb blibbabe.

Abosel 2:46

I ina bianiba am obba ye bomanomo bomanomo yo dimo Yesuse bainobo galin nakaia unangai Gode am sumo temo miniba Gode nganha bianiba eka Yesuse kaanebuo bobolo fumbianiba moniba am mak am mako temo mina bianiba imeno wembianiba i imaye bie bie nin kukubo deiboniba naka maki dohalila daabesese bianiba i bobol ayam fumbianiba

Abosel 4:32

Yesuse bainobo galin nakaia unangai i bobol tem funino makob omfaniba i afobeing osa kebmibe nemibe galino deiboniba makob olminiba baaniba Olo alukum bainobo galin nakaia unanga nibmiobo gabiba

Fole Lom teni bainobo galini futano dola omfubesebe. 12:5

Inaminobe, Klaiste bainobo galin nakaia unanga nibo homon otane nibo Yesuse tenanoba nib bobol tem funino makob am biob kesoa nibo makob e dam olokiemobe. Eka bainobo galin nakaia unanga nibo nib sinwalo daabesese biobo nib daayemin kukubo afet afet kesoa kukub olo makob nib damo atosino afet afeto ulabobe.

1 Kolin 1:10

Ne nekwal ibo ne nib Sume Yesus Klaiste niniin dimo ne enangge baabenamabibe. Ibo ib sinwalo mo afetasese bianibta alang wengo mo omibe! Ib weng osa ib bobol tem funin osa ib okok osa makob olokiem wafueine!

1 Kolin 12:12

Gode Hobe e titilo nibo afet afet omkayebe otane nib bobol tem funin ole makobobe. Bainobo galin nakaia unanga nibo elekiemobe. Makob nakai damo olokiem otane skila kweilao homon ta okayem tlobio inanoba bainobo galin naka unang nibsa makob Klaiste dam otane nib okoko afet afetobe.

1 Kolin 6:17

Ibo nib Sume Yesus Klaiste bainobo gebaniba ibtem etem nanib mole ib bobol tem funino makob anomabiobe.

Galesia 3:28

Yesus Klaiste bainobo gabob nakaia unanga nibo makobobe. Nibo baanoba Ibo Yudabo gese Yudababo gese nin kukub osa eka maki okok nakabo gese maki kimanin nakabo gese nin kukub osa eka maki unangobo gese maki nakabo gese nin kukub osa blimobe. Memalo nibo alukum Yesus Klaiste bainobo gabob kesoa nibo makobobe.

Filibai 1:27

Inamin namino ne dimo tam tlebo olo ibo o bobolo mo funimibe! Ibole Yesus Klaiste dowan wengo ne aleyebi ota kla wafueine! Kukub olo kukub afeto gaisonobiobe. Inanomabib kesoa ne ibsuo imin natlamio ayamobe. Eka ne ibsuo mo natlim blim kenimio naka maka ye te baatneniba Filibai bib seli bainobo galin nakaia unangai i bainobo galino sbal maniba i okoko makob okok kebianiba eka i bobol tem funino makob aniba fumbianiba Naka mak unang maki Yesus Klaiste dowan wengo wenteniba bainobo geine ge fumbianiba aleyebiobo ge baatnenimib nakai weng ota wentamabibe.

1 Yon 1:3

Ni inamin namino wateme binobbu osa eka wente binobbu osa o weng sango memalo ibo baabenomabbiobe. Nisa eka Aye God esa eka e miine Yesus Klaist esa ni bobol temo makob ambiob kesoa ibsa inaniba ib bobol temo makob aine getabe.

1 Yon 5:7

Nibo kukubo asumatna yo watenoba tekein kebianoba Yesuse bain Gode miinobo gabuobe. Kukub olo enaminobe.