Dowan Weng Olo Yone Dolanebuotabe. 16:20 - Mian

²⁰ Ne bain baabenamabibe, ne ibo deibe unamabio ibo bobol ilum omfubenoa memomabib otane dabalim nakaia unanga ile seinomabiobe. Ib bobol temo ilumo omfubenamabo otane sinanoa ne imin hananimio dim ota ibo imin seinin bobolo wayota seinomabiobe.

Dowan Weng Olo Yone Dolanebuotabe. 16:20 ပူးပေါင်းရင်းမြစ်များ

Matyu 21:38

damibo kima blib nakai atemniba i sinwalo baaniba Nibo naka ele ananoba kaaneko! Sinanomo naka ele aalebe kaanemeo inamin namin afobeingo eta olamabe kesoa nibo ananoba kaanebua sinanomo e aalebe kaanemeo inamin namino alukum nibta olomo geniba

Matyu 5:4

Nakaia unangai bobol ilum omfubebuei seinine! Gode bobol tem ayamo omyamabebe.

Dowan Weng Olo Make Dolanebuotabe. 14:72

kakaluke imin nganasea Fitae funanea Sino Yesuse baatnenea Kakaluke ngananamino mo asu keim blim bieta kobo ne niniino omuatneneba baaneba Ne naka ele mo tekein kebibabo genamino asumatna kenamabeobo ge baatnenebiobo ge funanea biki dofa memonsebe.

Dowan Weng Olo Make Dolanebuotabe. 16:10

Malia Magdala bib ulako inanoa Yesuse atemnoa monoa nakaia unangai sino Yesuse bekeba haabinibbue isu ye motemoa

Dowan Weng Olo Luke Dolanebuotabe. 22:45

beten kebea blimanoa hananea imin monea e okok aleyemin nakai temea i bobolo ilum omfubenoa aala bliba yatemnea

Dowan Weng Olo Luke Dolanebuotabe. 22:62

daam temo deibo tamnea bib tam unanea biki dofanea mem wat mem wat onsebe.

Dowan Weng Olo Luke Dolanebuotabe. 23:27

nakaia unangai homoni Yesuse dobsileb bebianiba unang maki isak daak blibi memino sum meham bebiba

Dowan Weng Olo Luke Dolanebuotabe. 24:17

E baabenea Ib dabo nimin weng obibe? gesea i bobol temo abilu bebio kesoa maniba dleban bianiba

Dowan Weng Olo Luke Dolanebuotabe. 24:21

Yuda ni sino funanoba Naka ele Islel naka ni wasi nakai kweiban dimo dotlanamabebo ge funanobbu otane i anaiba kaanesobe. Weng mak osa memalo e kaanea tom temo dobbunibbuo amo asumatna blimanobe.

Dowan Weng Olo Luke Dolanebuotabe. 6:21

Wanibta memalo imen tebo yebo mole ibo seinine! Sinanomo dowoniba matwayamabobe. Wanibta memalo mebib mole Gode gangobo geine! E seinye bianea sinanomo ibo bobol ayamo omyamabebo ge baanea

Dowan Weng Olo Yone Dolanebuotabe. 16:33

Ne funania Ibte nete nanoba nib bobol temo makob anoba ibo tosianino deiboniba bobol ayam nine ge funanita weng olo baabeiobe. Nakaia unangai dabalim kukubo wafu blibi ibo kukub misiamo omkayebiba enin kino watememomabib otane ibo mo tosianimibe! Niminbabe, ne dabalim kukubo gaisoibio kesoa ne ibo kimanamabibo ge baabesebe.

Dowan Weng Olo Yone Dolanebuotabe. 16:6

Ne inangge baabesia ib bobol tem daako ilum omfubeno

Dowan Weng Olo Yone Dolanebuotabe. 20:20

e kweilo silo bikibaibbu osa eka anate geilam wate bikiniba tulabaibbu osa alebesea ni watem tekein kenoba Nib Sume bain hananebo genoba kla seinsoba

Abosel 5:41

Yesuse okok dlasanin nakai Isleli komokwal isa naka gang isa deibeniba taniba bib tam unaniba funaniba Ni Yesuse wengo omkayebob o dafa ota i enino omyiba Gode nibo baabenea Ib kukubo ayamobo ge baabenebo geniba seinmonsiobe.

Fole Lom teni bainobo galini futano dola omfubesebe. 5:11

Nibo weng mak osa tekein kebuobe, Gode nib Sume Yesus Klaiste baabanea Kobo i daabeneba ne nekwal aine gene kesoa nib Sume Yesus Klaiste inanea nibo daabenea Gode nekwal anobbiobe. Sinanomo e dletnea abilim ut unomabbio kesoa memalo nibo Gode seinha bianoba e niniino dobtouleb biobobe.

2 Kolin 6:10

Am mak dimo ni bobolo ilum omfube binabo otane ni yo talo mo wabinabobbabe. Ni bobol temo amitie seimbinabuobe. Ni afobeingo blim binabob otane ni Gode inamin namin homono nakaia unangai dokaye binabuobe. Eka ni inamin namino blim otane Klaiste ni sinwal ole inamin namin olo alukum o goselobe.

Galesia 5:22

Ina otane nakaia unangai Gode Hobe daayebea Gode wengo wafu blibi kukub ole inaminobe. Gode Hobe i daayebe kesoa i God esa naka mak unang mak isa gobe bianiba seimbianiba bobol ayam bianiba naka mak unang maki kukub misiamo omkayemibo i mo yang kebibbabe. I naka mak unang maki daaye bianiba kukub ayamo omkaye bianiba naka mak unang maki baabeniba Ni inamin namino nanomabbiobo ge baabenimib osa bain ina binabiobe.

1 Tesalonaika 1:6

Ibo ni Sume kukubo nabobo yateniba ibsa makob nini nabob inabiobe. Ibo Gode wengo wenteniba Yesuse bainobo gabib o dafa ota naka maki tenibta ibo enin sumo omkaye binabib otane ibo Gode wengo wentebib kesoa Gode Hobe daabenea seinin bobol temo omkayebebe.

Yems 1:2

Ne nekwal ibo wentine! Inamin namin kukub misiamo ibsuo tam tlamabuo ibo ye seimbibte!

Futan olo Yut eta dolanebiobe. 1:24

Nibo Gode niniino dobtouleb nomo! Elekiem eleta nib Sume Yesus Klaiste dabane daakenea atdimo kaanea nibo hengmino temo biobo dotlanebiobe. Komok Sum ele e titilo ayal inamin einea inamin namino alukum kima biebe. E titilo dot beselib kesoa nibo e niniino amitie dobtouleb nomo! E sinanggwano binabebua memalosa biebe. Sinanomosa biamabebe. E ibo kla kimanea hengmino mo henganimibbabe. E dleb utnea e bib ut danea ibo hengmino blimubenoa kining aniba seinomabiobe. Bainobe. Ne wengo bayotabe. Yut neta ib futan olo dola omfubenamabibe.

Lebelesen 11:10

Eka nakaia unangai asu dabi kanketa kaaibobo geniba seinye bianiba i nekwali inamin namino doyomabiobe. Niminbabe, Gode weng omkeimalin naka eli nakaia unangai dabalim ele blibi bobol tem abilo omkaye binib kesoa i inanomabiobe.

Lebelesen 18:7

Bib olo seli untak ngambianiba baaniba Ni ayamobo, ni niniino sumobo gabib kesoa ibo enin homono omyiba i memine! I fumbianiba Ni komok sum kesoa ni niniino sumobe. Niko unangi imakwali kaabenibbua soson binabibi ulab nomta bobol tem abilo ni dimo tlebota memobbabo gabib kesoa yenaiba memine!