Dowan Weng Olo Yone Dolanebuotabe. 15:20 - Mian

²⁰ Ne wengo sino baabeio kla funaine! Okok nakae mo sum aneta e kimanin nakae mo dababbunemebabe. Inamin kesoa nakaia unangai ib kimanin naka ne kukub misiamo omkanemib mole i ne okok naka ibsa kukub misiamo omkayemomabiobe. Eka i ib kimanin naka ne wengo wentib mole i ne okok naka ib weng osa wentomabiobe.

Dowan Weng Olo Yone Dolanebuotabe. 15:20 ပူးပေါင်းရင်းမြစ်များ

Matyu 10:24

Aleyemin nakae naka make alebanea tekein kenemeo e mo sum aneta alebane nakae dababbunemebabe. Eka okok naka esa mo inaneta e kimanin nakae dababbunemebabe.

Dowan Weng Olo Make Dolanebuotabe. 10:39

I dabo baabaibo Ae nisa inanomabbiobo gesiba Yesuse baabenea Bainobe. Kab aay ele ne dowonamabie ib dab osa dowonomabiobe. Eka ne aay ele fuelanamabi esa ib dabo fuelananomabib otane

Dowan Weng Olo Luke Dolanebuotabe. 2:34

e Gode baabanea I daabenale ge baabanea eka Maliao baabonea Gode men ele dofakanebuo Islel nakaia unangai mito baka bianiba maki e bainobo geniba sbal maniba eka mak ile e mo bainobo geim blim keniba watwat danomabib kesoa nakaia unangai homoni e weng dobo weng ohamomabiobe.

Dowan Weng Olo Luke Dolanebuotabe. 6:40

Eka aleyemin nakae naka make alebanea tekein kenemeo e mo sum aneta alebane nakae dababbunemebabe. E alehabea tekein kenea makob alehamin nakae ulab anamabebe.

Dowan Weng Olo Yone Dolanebuotabe. 10:31

Yudai komokwali wenteniba atliaubesoa imin Tomo olo bina ananoba kaaneko geniba tomo bokan haasiba

Dowan Weng Olo Yone Dolanebuotabe. 13:16

Ne bain baabenamabibe, okok nakae mo sum aneta e kimanin nakae mo dababbunemebabe. Eka nakae dowan wengo omeb haabie naka esa mo sum aneta e kima bianea wengo omanea dabanea haabie nakae mo dababbunemebabe. Inamin kesoa ibo mo sum anibta ib Sum ne mo nemabbunimibbabe. Otane memalo ne ibo daabei kesoa ibsa inanibta naka mak unang maki daabesese nine!

Dowan Weng Olo Yone Dolanebuotabe. 5:16

Gode singkalin am bomabua Yesuse naka ele klaubane kesoa Yudai yo dim ota kiloniba Yesuse kukub misiamo omkaha monsiobe.

Dowan Weng Olo Yone Dolanebuotabe. 7:32

Felisiei nakaia unangai wengo Yesuse ohabibo wenteniba item Gode amo kimanin nakai komokwal ite naniba baaniba Nibo naka maki mo dlanoba moniba Yesuse afuniba klabuto ge debeb tline geniba dlaiba onsiobe.

Dowan Weng Olo Yone Dolanebuotabe. 8:51

Ne bain baabenamabibe, nakaia unangai ne wengo wentebib ile mo kaanimibbabo ge baabesea

Dowan Weng Olo Yone Dolanebuotabe. 8:52

Yudai komokwali baabaniba Eblaham esa Gode weng omkeimalin naka isa Gode wengo kla wente biniba i kulilaibbio otane kobo baaneba Nakaia unangai ne wengo wentebib ile mo kaanimibbabo gabeb yole hob misiame bekebke bieta obeobe.

Dowan Weng Olo Yone Dolanebuotabe. 8:59

i wenteniba funaniba E wengo inang gene yo mitmakamo makob Ne Gode ulabobo genebo geniba ananom geniba tomo bokan haasiba Yesuse ayok denea Gode am sumo deibo onsebe.

Abosel 14:22

Yesuse bainobo galin naka mak unang maki aleye bianiba i bainobo galino omsbal sanye bianiba baabeniba Ib bainobo galino sbalma wafueine! Naka maki nibo enin sumo omkayemomabib otane sinanomo nibo monoba Gode kimanin bibo amit nomabbiobo ge oye bianiba

1 Kolin 4:12

Ni nimaye okok kebianoba monio boka bianobta imeno walo wembianoba youmo walo kibiam bianobta okok kem haabiobobe. Ni inabobo naka mak unang maki teniba ni weng dobo wengo oyemib osa ni Gode baabanoba Kobo nakaia unanga eli daabenale ge ohabuobe. I ina bianiba ni enino omkayebib otane ni mo yang kebobbabe.

2 Kolin 4:9

Eka naka maki ni kukub misiam omkayebiba ni enin kino watemebob otane Gode ni mo deibeim blimobe. E ni kla daayebebe. Eka i ni yena dolbiaib daaknoba dabalim daak blabob otane ni motono mo yenaibta kaaim blimobe.

1 Tesalonaika 2:15

Sinanggwano Yuda nakai Gode weng omkeimalin nakai yebinibbua i molobsel isa inaniba Yesus Sume ananibbuo memalo i ni enin sumo omkayebibo Gode i kukubo mo gobo biebabe. I naka maki alukum i makaabe.

2 Timoti 3:12

Nakaia unangai alukum Yesus Klaiste bobolo funaniba Gode kukubo kla wafu nimib isa wasi nakai teniba enino omkayemomabiobe.