Dowan Weng Olo Yone Dolanebuotabe. 15:16 - Mian

¹⁶ Ibo nesuo tlibbuo ilib bobol temo mo tlim blimobe. Neta ibo dlakania nganabeia tliba baabenia Ibo okok olo okok kemine ge baabeibio kesoa okok olo mo blimanomobabe. O amit namabobe. Ibo ne okok ayam olo okok kebianiba ne niniin dimo Aye Gode baabaniba Kobo inamin namino nabenale genimibo e inabenamabebe.

Dowan Weng Olo Yone Dolanebuotabe. 15:16 ပူးပေါင်းရင်းမြစ်များ

Matyu 21:22

Eka ibo ne bainobo geniba funaniba Gode bain titilsa kesoa ni inamin namino nabenamabebo ge funaniba Gode baabaniba Ni inamin namino nabenale ge baabanimibo e makob ilib weng baanimib inabenamabebo ge baabesebe.

Matyu 7:7

Yesuse imin baabenea Ibo Gode nganhabib bita Inamin namino doyene gabibo doyenea eka ibo inamin namino hembibo watem nanimiobe. Eka amisal osa gong gong galaibo Gode betelabenamabebe.

Dowan Weng Olo Luke Dolanebuotabe. 6:13

e okok aleyemin nakai nganabenea tliba 12 ita dlakanea Ibo ne okok dlasanin nakabo ge baabesebe. Niniin olo mitmakamo makob Yesuse okok dlasanin nakabe.

Dowan Weng Olo Yone Dolanebuotabe. 13:18

Ne weng obba ele baabei olo alukum ibo mo inamomabibbabe. Ne nakai dlakaibuei tekein kebi otane ib isak temo naka make ne kukub misiam omnamabebe. Sinanggwano Gode buk temo i weng mako dolaniba baaniba Naka ele ne bakanea imeno wembe otane e ne makaa nemfanea nenanamabebo ge baaniba dolaibbuo bain inanamabobe.

Dowan Weng Olo Yone Dolanebuotabe. 15:19

Ibo dabalim kukubo wafunib mole i funaniba I nini ninekobo geniba gobenomabib otane ne ibo dlakaia dabalim kukubo deibueibbio kesoa i ibo makaa dlanomabiobe.

Dowan Weng Olo Yone Dolanebuotabe. 15:5

Ne tek waen dimobe. Eka ibole ne tungobe. Ibo ne dim wat temaib mole ib okoko ayam okok kemomabiobe. Otane ibo ne dim wato mo tamaim blim keib mole ibo inamin namino ayamo mo nanomabibbabe.

Dowan Weng Olo Yone Dolanebuotabe. 6:70

Yesuse baabenea Ne ibo 12 dlakaibu otane mak ele Gululame meletanobo ge baabeseo

Abosel 1:24

I inaniba dlakaniba Gode baabaniba Sum kobo naka eli bobol temo alukum tekein kebeb kesoa kobo funaneba Nakae yeta dofaine gabeb mole alebeneba

Abosel 1:8

Ina otane Ne Gode Hobe dabai tenea ibo bekebe bianea e titilo omkayebea ibo moniba Yelusalem bib sel isa Yudia betano bib mak bib mak sel isa eka Samelia bib sel isa eka bib mak betan mako blib isa alukum ne wengo omkayemomabiobo ge baabenea

Abosel 10:41

naka homon unang homoni mo atemim blimobe. Gode dlakanebio naka unang nita Yesuse imin hananeo atenoba ete nite nabianoba imena aayao wembiam bianoba

Abosel 22:14

baatnenea Kobo nib faninwali Sume God eta kemfakanebo, kobo e bobol tem funino olota tekein keneba eka e okok Naka Ayame niniino Yesuse atemneba e wengo kla wentene!

Abosel 9:15

Sume imin baabanea Kobo one! Ne naka ele ne okok naka dofakaia e ne okoko okok kebianea ne wengo omeb monea nakaia unangai Yudaba isa eka bib mak bib mak seli komokwal isa eka Islel ten isa omkaye bianamabebe. Ne Sole baabania Kobo ne niniino omkeimamebo dafao naka maki teniba enin kino omklomabiobo ge baabanamabibo gesea

Fole Lom teni bainobo galini futano dola omfubesebe. 1:13

Ne bobol temo fumbio Ne nekwal ibo ne weng olo baabenimio ibo kla funaine gabibe. Am mak bomanomo am mak bomanomo ne fumbiania Ne Lom bib unano gabi otane inamin namino ne deibo waitnesoa deblibe. Ne bib mak bib mako monia Yudabai Yesus Klaiste wengo omkaye bia i wenteniba bainobo geniba Gode meme ambib kesoa ne ibsu osa natlania Gode wengo omkaye bia naka mak unang maki ib isak temo blib isa inaniba bib mak seli nabib inaine gabibe.

Fole Lom teni bainobo galini futano dola omfubesebe. 1:5

Gode Yesus Klaiste baabanea Kobo Fole daabaneba bobol tem funin ayamo omaleba e ne okok dabasanin nakaneko genea Yesus Klaiste inanea ne daatnene kesoa ne e okok namasanin nakabe. E inanea ne nemfakanebio kesoa ne funania Ne e dowan wengo ometnia monia bib mak bib mako Yudabai alukum omkayebia i e wengo wenteniba kla wafuniba e niniino dobtouleb nine gabibe.

Fole Lom teni bainobo galini futano dola omfubesebe. 15:4

Sinanggwano Gode buk temo wengo dolaibbuo nibta baabenibta dolaibbiobe. Weng olo alukum nib bobol temo omsbal sanyebua nib bainobo galino amitie sbal mabianoba Klaist esu unomabbio amo waiso biobobe.

Fole Lom teni bainobo galini futano dola omfubesebe. 9:21

Sosben klamin nakae dabale halonea sosbeno asu klanang ge mole e emaye ele bobol tem funanea Ne inanita klaneme geneta klanamabebe. E sosbene make sbal ayam klanea eit kimin ofanea eka mak ele besa eil imen bumin klanane mole ele bobol temobe.

1 Kolin 10:11

Ni faninwali inaniba kukub olo nabiba kukub misiam olo i dimo tam tlemo kesoa Gode funanea I molobseli walo unaibo inamin kukubo imino mo namibe ge funanea e weng olo naka maki omya i Gode buk temo dolaibbio kesoa nibo weng olo kla kibianoba eka bobol tem osa kla fumbiam bianoba Yuda ni faninwali kukub misiam olo nabinibbuo nibo deibonomo! Memalo nibo dabalim olo biobo Klaiste tlamabe amo meb ano kesoa nibo weng olo funanomo!

Galesia 1:15

Otane sino ne biemo mo nemfaim blim bua Gode funanea E ne okok dabasanin nakaneko ge funanea ne nemfakanebua sinanoa ne biemo nemfanoa damai kesoa e baatnenea Kobo ne okok olo okok kemale genea daatnenea

Efesas 2:10

Sinanggwano Gode nib bobolo funanea baanea Sinanomo nakaia unanga eli Yesus Klaiste bainobo geniba i Klaist ete naniba kukub ayamo ne baabenia Ibo kukub olo naine genimio namomabiobo ge funanea dlakanebiobe.

Kolosi 1:23

Ibo ib bainobo galino sbalma blib mole Klaiste inabenamabebe. Gode dowan weng ayamo baanoa Ibo Yesus Klaiste bainobo geib mole e dletnea moniba Gode bib ayamo amit nomabiobo genobio waisanomabiobe. Ibo sino weng olo wenteniba funaniba Bainobo, Gode inabenebiobo geniba bainobo geibbio kesoa ib bainobo galino sbalma bianiba inamin namin kukub misiamo ib dimo tam tlamo ibo tosianino deiboniba ib bainobo galino sbal maine! Bainobo galin nakaia unangai homoni moniba bib mak bib mako alukum Gode dowan wengo nakaia unangai omkayebiba Gode Fol nesa nemanea monia e dowan wengo nakaia unangai bib mak bib mako blibi omkayebibe.

1 Timoti 2:7

E inangge fumbe kesoa ne baatnenea Kobo moneba bib mak bib mak olo nakaia unangai Yudabai ne weng olo omkayemale ge baatnenebiobe. Ne weng olo dimbabe, bainobe. E ne nemanea monia naka mak unang maki Yudabai e moton wengo aleye bia i e weng ayam olo wenteniba bainobo genomabiobe.

2 Timoti 1:11

Eka Gode ne baatnenea Kobo ne dowan weng ayam olo nakaia unangai omkaye bianeba weng olo mitmakamo aleyemale ge baatnenea nemanea tenia

2 Timoti 2:2

Ne nakaia unangai kin dimo kobo weng olo alebkeio kobo nakai bainobo galino sbalma blib ita weng olo alebeneba tekein keniba isak weng olo naka mak unang maki aleyemine!

Taitas 1:5

Ne weng olo kobo baabkenamabio sino ne baabkenia Kobo Klit bib ele bianeba bainobo galin nakaia unangai bib olo seli daaye bianeba Gode kukub ayamo aleye bianeba eka ne okoko okok kemdenia atosino deibo unamabio klana bianeba eka bainobo galin nakaia unangai Klit betano bib mak bib mako blibi i kimanin nakai dlakaneba i bainobo galin nakaia unangai kima tlaine ge baabke tlibio weng ota ne imin baabkenamabibe. Kobo ne weng olo kla fumbianeba bainobo galin nakaia unangai kimanin nakai dlanale!

Hiblu 11:4

Sinanggwano nakae niniino Ebele Gode wengo bainobo genea kulan maki yenanea Gode dlalebuo e kukub olo e heke Kene inamin namino Gode dokahamin kukubo gaisanebiobe. Ebele inane kesoa Gode baabanea Kobo ne wengo bainobo geneba keb inamin namin olo donebo ayam kesoa kobo ne kin dimo naka molotobo ge baabanebiobe. Ebele sinanggwan kaane bianabo otane e Gode bainobo galino sbalma binebio kesoa e kukub olo weng sango Gode buk temo dolaibbi ota nibo kibianoba Gode bainobo galin kukub ayamo aleye binabobe.

Yems 3:18

Nakai wanita naka maki oye bianiba Ibo aalo mo tliyemone ge oyebib naka eli i naka ayamobe. I kukubo asiama kenoa yamo balinamabobe. Yam olo makob naka mak isa inaniba kukub ayamo wafunomabiobe.

1 Fita 3:15

Ibo Klaiste ib bobol tem daako dababbaniba kla gobaniba e ni Sumobo ge ohamine! Naka maki ibo baabeniba Ibo fatnanibta Ni amitie ayam nomabbiobo gabibe? ge baabeib mole ibsak yang keniba Yesuse dowan wengo baabeniba Niko inanomabbio kesota ni baanobta Ni amit ayam nomabbiobo ge obuobo ge baabeine! Ina otane ibo i wengo yang ke baabenom gaibo sbal wengo mo baabenimibe!

1 Fita 3:2

Alelwal ibo kukub ayamo wafu bianiba Gode bobolo funsibta ib imakwali yatenibta isak bainobo genimiobe.

1 Yon 4:10

Nibo Gode goba biob ota gobenin kukubo mitmakama bleka? Yeye gobenin kukubo mitmakamo enaminobe. Gode emaye nibo kla gobe bie kesoa e miine dabanea daak tenea dabalim ele tlebiobe. Nibo alukum hengmino hengabob kesoa Gode nibo dosuambe otane e miine Yesuse funanea Ne i hengmino omtlabenano genea tenea atdimo kaanea e ileme singanea nib hengmino omtlabenea Gode Yesuse naneo wateme kesoa e mo dosuambebabe.

1 Yon 4:19

Sino Gode nibo gobe binebio kesoa nibsak ina bianoba naka mak unang maki gobe biobobe.