Dowan Weng Olo Yone Dolanebuotabe. 15:15 - Mian

¹⁵ Okok nakae e kimanin nakae inamin namino nabeo mitmakamo e mo tekein kebeba otane nele ne Aye inamin namin wengo onebeo mitmakamo alukum ibo baabei kesoa ne ibo mo baabenita Ibo ne okok nakabo ge baabenimibabe. Ne ibo nekwalo ge baabeiobe.

Dowan Weng Olo Yone Dolanebuotabe. 15:15 ပူးပေါင်းရင်းမြစ်များ

Matyu 13:11

Yesuse baabenea Gode emaye weng ayok olo mitmakamo e kimanin kukubo ibo alebenebe. Ina otane e nakaia unanga eli mo alebenim blimobe.

Dowan Weng Olo Luke Dolanebuotabe. 10:23

eka ele okok aleyemin nakai 12 ile dlabianea baabenea Ibo inamin namin sumo klaia watemibo seinine!

Dowan Weng Olo Yone Dolanebuotabe. 12:26

Nakaia unangai wanita ne okoko okok kemib mole i nene kukub nabi ota wafueine! I inaib mole ne bibo namabio naka elisa itena nomabbiobe. Nakaia unangai ne okoko okok kebibi ne Aye baanea I ayam nabinabiobo ge baanamabebo ge baabesebe.

Dowan Weng Olo Yone Dolanebuotabe. 13:16

Ne bain baabenamabibe, okok nakae mo sum aneta e kimanin nakae mo dababbunemebabe. Eka nakae dowan wengo omeb haabie naka esa mo sum aneta e kima bianea wengo omanea dabanea haabie nakae mo dababbunemebabe. Inamin kesoa ibo mo sum anibta ib Sum ne mo nemabbunimibbabe. Otane memalo ne ibo daabei kesoa ibsa inanibta naka mak unang maki daabesese nine!

Dowan Weng Olo Yone Dolanebuotabe. 15:20

Ne wengo sino baabeio kla funaine! Okok nakae mo sum aneta e kimanin nakae mo dababbunemebabe. Inamin kesoa nakaia unangai ib kimanin naka ne kukub misiamo omkanemib mole i ne okok naka ibsa kukub misiamo omkayemomabiobe. Eka i ib kimanin naka ne wengo wentib mole i ne okok naka ib weng osa wentomabiobe.

Dowan Weng Olo Yone Dolanebuotabe. 16:12

Ne weng homono ye bua baabenamabi otane ibo weng olo mitmakamo alukumo mo tekein kenomabibba kesoa ne memalo weng olo alukumo mo baabenimibabe.

Dowan Weng Olo Yone Dolanebuotabe. 17:26

Ne keb kukubo i alebeibiobe. Ne funania Kobo ne gotnenin kukubo i bobol temo bibenoa netem item nanoba elekiem anomo ge fumbi kesoa ne kobo i amitie aleyebibo ge baabasebe.

Dowan Weng Olo Yone Dolanebuotabe. 20:17

Yesuse baabonea Ne Ay esuo mo unim blim bli kesoa obo ne mo nafunemebe! Deitneneba moneba ne nekwali baabeneba Yesuse baanea Ne monia Aye God esu unamabibe. E ibsa ib Ay Godobo genebo ge baabenale ge baabonea

Dowan Weng Olo Yone Dolanebuotabe. 4:19

o baabanoa Naka sum kobo ne mo tekein kebebba otane kobo ne kukubo nabio omkeimatneneb kesoa ne tekein kenia kobo Gode weng omkeimalin nakabo geiobe.

Dowan Weng Olo Yone Dolanebuotabe. 8:26

Ne wengo homonobe. Ibo inamin namin homono nabinabibo ne misiamobo genamabi otane ne mo inang genimibabe. Ina otane ne nemane tlibio nakae weng moton onebea nakaia unangai dabalim ele blibi ne weng olo omkaye binabibo ge baabesebe.

Abosel 20:27

Niminbabe, ne Gode wengo makob omkeimanita ato hatunubibabe. Ne alukum omkeima binibiobe.

Fole Lom teni bainobo galini futano dola omfubesebe. 7:15

Ne kukub misiamo mo namine gabi ota nabiania eka kukub ayamo namano gabi ole namino deibo binabibe. Ne fatnanita inamino nabinabine? Ne mo tekein kebibabe.

1 Kolin 2:16

Niminbabe, Gode buk temo baanoa Nakaia unangai nib Sume e bobol tem funino mo tekein keniba eka e okoko mo alebana nomabibbabo genobiobe. Ina otane Klaiste bobol tem funino Gode Hobe nibo omyebio kesoa nakaia unangai Gode Hobe i bobol temo mo bibe biebai nib bobol tem funino mo tekein kenomabibbabe.

Galesia 4:6

Memalo ibo e meme kesoa Hobe e miine bobol temo bie ele dabanea tenea nib bobol tem osa bianea daayebea nibo Gode oha bianoba Ay kobo ni ayobo ge ohabuobe.

Efesas 1:9

Gode ele bobol tem funanea Ne sinanomo Klaiste dabaia daaknea kaanea nakaia unangai hengmino walubeneko ge funane biota memalo inaneta nibo watemobbiobe. Sino e bobol tem funin olo ayok otane memalo keimanobiobe.

Efesas 3:5

Sinanggwano Gode e weng ayok olo nakaia unangai dabalim olo binibbuei mo alebeim blimobe. Otane memalo e Hobe Yesuse okok dlasanin naka nisa eka Gode weng omkeimalin naka isa ni alebenebio kesoa ni Gode weng ayok olo tekein kebuobe.

Kolosi 1:26

Sino Gode wengo atosino ayok bua nakaia unangai alukum e weng olo mo wentim blim binibbi otane memalo e weng olo alukum keim anoa e bainobo galin nakaia unangai e weng olo wentebiobe.

Failimon 1:16

E nib Sume bainobo galin naka kesoa e ne ningobe. Ne e goba biania seinhabibe. Sino e okoko besa okok kemin naka otane memalo e Sume Yesus Klaiste bainobo gene kesoa e okoko besa okok kemin naka eka e keb ning na kesoa e natlameo kobo seinha bianeba kla gobanamabeobe.

Yems 1:1

Ae Yuda nakai mito 12 i bib mak bib mak ye blib ibo Yems ne God esa Yesus Klaist Sum esa i okok naka neta ib futano dola omfubenamabibe.

Yems 2:23

Gode buk temo baanoa Eblahame Gode bainobo gabe kesoa Gode funanea Eblahame naka molotobo genebiobo ge baanobuo Eblahame inanea Aisake Gode dabaleo dimo weng olo keim anoa nakaia unangai baaniba Eblahame Gode nekobo geibbiobe.

1 Fita 1:11

Sinanggwano Klaiste mo daake dabalim olo tlim blim bio dimo Klaiste Hobe e wengo i omkayebea e weng olo i dolaniba baaniba Klaiste tenea enin kino watenea kaanea omito nib Sum anamabebo ge baa dolaniba i funaniba Olo fatnamin dim ota tam tlamabone? Klaiste wanete? gabianiba hembiba

2 Fita 1:1

Saimon Fita ne Yesus Klaiste okok naka eka e okok namasanin naka na neta futan olo dolania bainobo galin nakaia unanga ibo omfubenamabibe. Nib God esa eka nibo hengmino temo biobo dotlanebio nakae Yesus Klaist esa i ibo daabeniba bainobo galino omyiba ibo Yesuse bainobo gabib kesoa ib bainobo galino dot ayam makob ni bainobo galino ulabobe. I inamin namin kukubo nabibo dot molotobe.

Futan olo Yut eta dolanebiobe. 1:1

Ne Yut Yemse ning Yesus Klaiste okok naka neta futan olo dolania Gode dlakanebio naka unang ibo omfubenamabibe. Nib Aye Gode ibo kla gobe bia Yesus Klaiste ibo kima biebe.

Lebelesen 1:1

Sino weng olo ayok binabo biota Yesus Klaiste omkeimanebe. Gode Olo Yesuse alebaia e inamin namin olo e okok nakai hebmamsab alebenea tam tloko genea alebanea Yesus esak e abisake alebanea dabane tenea e okok naka Yon nesu ele tlanea wengo omnenea