Dowan Weng Olo Yone Dolanebuotabe. 13:18 - Mian

¹⁸ Ne weng obba ele baabei olo alukum ibo mo inamomabibbabe. Ne nakai dlakaibuei tekein kebi otane ib isak temo naka make ne kukub misiam omnamabebe. Sinanggwano Gode buk temo i weng mako dolaniba baaniba Naka ele ne bakanea imeno wembe otane e ne makaa nemfanea nenanamabebo ge baaniba dolaibbuo bain inanamabobe.

Dowan Weng Olo Yone Dolanebuotabe. 13:18 ပူးပေါင်းရင်းမြစ်များ

Matyu 10:36

Naka make e alel meleli amo olokiemo temo aalabib biam otane i sinwalo makaalanomabiobe.

Matyu 26:21

singkalin amo imeno wembianiba Yesuse baabenea Ne wengo baabenamabi ole ib isak temo naka make ne nemeb monea komokwali nemia nananomabiobo gesea

Matyu 26:23

Yesuse baabenea Ne blete halonia dis teme tubunia dowonang gamio e temna tubu dowonaob naka eta ne nemeb moneta komokwali nemyamabebe.

Dowan Weng Olo Make Dolanebuotabe. 14:17

kwinole Yesuse e okok aleyemin nakai maki dletnea teteme ole

Dowan Weng Olo Make Dolanebuotabe. 14:18

i toula bianiba imeno wembianiba Yesuse baanea Ne wengo baabenamabi ole ib isak temo naka make ne nemeb monea komokwali nemia nananomabibe, naka ele ne temna toumbianoba imeno wembuobo gesea

Dowan Weng Olo Make Dolanebuotabe. 14:20

Yesuse baabenea 12 ib isak temo naka make ne blete halonia dis teme tubunabia emio ne baka tubunea dowoname naka eta ne nemeb moneta komokwali nemyamabebe.

Dowan Weng Olo Luke Dolanebuotabe. 22:21

Otane wentine! Nakae ne komokwali nemiamabe nakae e temnanoba imeno wembuobe.

Dowan Weng Olo Yone Dolanebuotabe. 13:21

Yesuse weng olo inangge baabe nabea e bobol temo ilum omfubano kesoa e baabenea Ne baabenamabi ole ib isak temo naka make ne nemeb monea komokwali nemia nananomabiobo ge baabesea

Dowan Weng Olo Yone Dolanebuotabe. 13:22

e okok aleyemin naka ni wentenoba ni sinwalo e ulab dofa atemsese monsob otane ni mo tekein kenobta e nakae yeta baabanebe geim blimobe.

Dowan Weng Olo Yone Dolanebuotabe. 13:26

Yesuse baatnenea Kobo temebeba ne blete halonia dis teme tubunia omalia dowoname naka etabo ge baatnesea ne ateme monia e bain inanea blete halonea dis teme tubunea Saimon Iskeliote miine Yudase omalea

Dowan Weng Olo Yone Dolanebuotabe. 15:16

Ibo nesuo tlibbuo ilib bobol temo mo tlim blimobe. Neta ibo dlakania nganabeia tliba baabenia Ibo okok olo okok kemine ge baabeibio kesoa okok olo mo blimanomobabe. O amit namabobe. Ibo ne okok ayam olo okok kebianiba ne niniin dimo Aye Gode baabaniba Kobo inamin namino nabenale genimibo e inabenamabebe.

Dowan Weng Olo Yone Dolanebuotabe. 15:19

Ibo dabalim kukubo wafunib mole i funaniba I nini ninekobo geniba gobenomabib otane ne ibo dlakaia dabalim kukubo deibueibbio kesoa i ibo makaa dlanomabiobe.

Dowan Weng Olo Yone Dolanebuotabe. 15:25

I kukub olo nabibo ili hekmel weng mako baanoa Ne inamin namin misiamo mo naim blim otane i ne makaa nemfa binibbiobo genobuo i bain inabiobe.

Dowan Weng Olo Yone Dolanebuotabe. 17:12

Sino netem iten nabiob dimo ne keb titil olo omnebbuo omania i kima blia i alukum klayam binibbu otane naka elekiem eta aseinin bib unamabebe. E inanamabeo sinanggwano keb buk tem wengo baanobuo bain anobe.

Dowan Weng Olo Yone Dolanebuotabe. 18:32

(Sino Yesuse e okok aleyemin naka ni baabenea I ne atdimo nemasaniba silo biki nenaiba kaanamabibo ge baabenebuo Lom teni Yesuse inabasib olo e wengo bain ansobe.)

Dowan Weng Olo Yone Dolanebuotabe. 19:24

baaniba Ele mo banomobe! Dofa bianoba tomo glim kimino olonoba tlan habianoba waneta mak nibo gaisene mole eta youm ele debeko ge baaniba inasibo sinanggwano Gode buk temo weng mako dolaniba baaniba I ne youmo oitneniba kikiniba ola bianiba tomo glim kimino oloniba tlan habianiba naka make gaisene youme make debeb unebiobo genobuo awa genalin nakai weng olo baanobio iwat naib kesoa weng olo bain ansobe.

Dowan Weng Olo Yone Dolanebuotabe. 19:36

I inaniba Yesuse ono haubanamino deibaniba eka anat eta toboniba bikiniba tulasibo Gode buk tem wengo baanoa I e ono haubanimibbabo gena bianoa

Dowan Weng Olo Yone Dolanebuotabe. 21:17

eka Yesuse imin baabanea Saimon, Yone miino, kobo gotne biebo? ge baabasea Fitae bobol ilum omfubasobe. Niminbabe, Yesuse baabanea Kobo ne gotne biebo? ge ohamino asumatna kesetabe. Inabasea e Yesuse baabanea Sum kobo inamin namino alukum tekein kebeobe. Kobo tekein kebeb yotabo ne kobo gobke blibo gesea Yesuse baabanea Ne eil sibsibi imeno gibanemale!

Dowan Weng Olo Yone Dolanebuotabe. 6:70

Yesuse baabenea Ne ibo 12 dlakaibu otane mak ele Gululame meletanobo ge baabeseo

Abosel 1:16

Nekwal ibo wentine! Yudase ni sinwalo Yesuse dlakanebua nitem Yudas etem nabioba Yesuse okoko ni aleyebea klabob otane Yudase monea Yesuse komokwali baabenea teniba Yesuse afu debeb moniba klabutam unibbiobe. Sinanggwano Gode Hobe nib fanine Debite weng olo omalea e naka ele weng sango Gode buk temo dolanebuo weng sang olo bain inanoa tam tlobe.

2 Kolin 4:5

Ni mo fumbianobta Ni Klaiste wengo omkeimaboba naka mak unang maki yateniba ni niniino dotouleb nine ge funanobta e wengo omkeimabobbabe. Ni fumbianoba Ni Sume Yesus Klaiste inamin namino alukum kima bianea ni daayebe kesoa nisak ibo daayemomo ge fumbianobta weng olo omkeimabuobe.

Hiblu 4:13

Gode inamin namino klanebuo e alukum watemebebe. E inamin namino ayok anoa mo watememin blim kenamino blimobe. Inamin namino alukum Gode wateme bianea tekein kebebe. Eka sinanomo Gode nakaia unangai kukubo klanang game dimo nibo nib kukub nabobo wengo baabanomo!

Lebelesen 2:23

eka o meletan isa yanaia kaaniba bainobo galin nakai tekein kenomabiobe. Ne nakai bobol tem funino kla tekein kebi kesoa motomania ib isak temo nakai elekiem olokiem i kukubo nabibo molo yang kenamabibe.