Dowan Weng Olo Yone Dolanebuotabe. 12:37 - Mian

³⁷ Yesuse inamin namin okok sumo nabeo Yuda nakaia unangai watemebib otane i e mo bainobo geim blim kesoa

Dowan Weng Olo Yone Dolanebuotabe. 12:37 ပူးပေါင်းရင်းမြစ်များ

Matyu 11:20

Yesuse naka maki baabenea Ne ib bibo inamin namin okok sumo klabia watemebib otane ib bobol temo mo deskina Gode omalim blim blib kesoa kukub olo misiamobe.

Dowan Weng Olo Luke Dolanebuotabe. 16:31

Eblahame nganabanea I Mosese hekmel wengo dolanebu osa eka Gode weng omkeimalin nakai dolaibbuo weng osa wentemim blim blib mole naka maki ham gloutem daak daniba hana teniba i wengo omyaib osa i mo wentomabibbabo ge nganabanebiobo ge baabesebe.

Dowan Weng Olo Yone Dolanebuotabe. 1:11

E tenea ele meletani Yuda isuo ele bibamo klanebu ele tlebu otane i mo gobanibta Klayam nata tlebo geim blimobe.

Dowan Weng Olo Yone Dolanebuotabe. 11:42

Ne tekein kebibe, kobo ne wengo amitie wentene binabeb otane ne memalo baania Kobo klayam naneba ne wengo wentutnenebobo gei ole o mitmakamo inaminobe. Nakaia unangai ele blib eli keb titilo wateniba bainobo geniba kebta ne nemaneba tlibiobo geine genita weng olo baabkeiobo ge baabanea

Dowan Weng Olo Yone Dolanebuotabe. 12:36

Ayal ne ibo baka biania ibo ne bainobo getneine gabibe. Ibo inanimibo ayalsa nomabiobo ge baabesebe. Yesuse inangge baabenea deibe monea ayok ye bisebe.

Dowan Weng Olo Yone Dolanebuotabe. 12:38

sinanggwano Gode weng omkeimalin nakae, niniino Aisaiae, wengo baanebuo bain inasobe. Aisaiae enangge baanea Sum kobo ni keb weng ayamo omkeimabob otane i mo bainobo gabibbabe. Eka kobo okok sumo keb titil yeb baka klabeba i watemebib otane i kobo mo bainobo gakebibbabo ge baanea dolanebiotabe.

Dowan Weng Olo Yone Dolanebuotabe. 15:24

Ne tenia okok homono sino nakai inamin okoko mo nabinabibbao naia i watemibbiobe. Ne inamin okoko mo naim blim biamio i ne mito mo tekein kenibta God eta nemane tlibiobe genomabibbabe. Otane ne okok olo nabio i wateniba i sma ye ne Aye ni dumo makaa dlabliobe. I inabib kesoa ne Aye ni dumo baanoba I hengmin gamobo gabuobe.

Dowan Weng Olo Yone Dolanebuotabe. 2:11

Yesuse e okok sum olo mikiktemo Galili temano Kena bib ye klanea e titilo alebenea wateniba e okok aleyemin nakai e bainobo gesiobe.

Dowan Weng Olo Yone Dolanebuotabe. 6:2

nakaia unangai homoni sino Yesuse okok sumo nanea ginin gami klaubenea atemibbuei kan na tesiobe.