Dowan Weng Olo Yone Dolanebuotabe. 10:27 - Mian

²⁷ Eil sibsib ile amitie i kimanin nakae wengo wente bianiba kla bekeba haabinabiobe. Ne meletan isa inaniba ne wengo kla wentebiba eka nesa i kla tekein kebiam blia i ne beketne haabinabiobe.

Dowan Weng Olo Yone Dolanebuotabe. 10:27 ပူးပေါင်းရင်းမြစ်များ

Matyu 16:24

Omito Yesuse e okok aleyemin nakai baabenea Nakai wanita ne beketne nom gib mole i niniino omabbuniba inamin namin kukub misiamo i dimo tam tlemo omnakatouleb bianiba ne kukubo wafu nine!

Matyu 17:5

ayungo bomat genoa ayal inamin tubunoa ge dlanoa weng mako ayung tem iwat baabenoa Ele ne miinobe. Ne kla goba biania seinhabibe. Ibo e wengo kla wenteha bianibte ge baabesoa

Matyu 25:12

otane e baabenea Yeye. Ne bain baabenamabibe, ne ibo mo tekein kebibabo ge baabenamabe inaminobo ge baabenea

Matyu 7:23

ne baabenia Ibo ne mo tekein kebibabo, ibo hengmino henga binabiobo, deitne unine ge baabenamabibo ge baabesebe.

Dowan Weng Olo Make Dolanebuotabe. 10:21

Yesuse naka ele atenea kla gobanea baabanea Kobo ina bieb otane kukubo olokiem ota mo nabebbabo, kobo moneba keb afobeingo alukum oloneba naka maki waloneba monio oloneba nakaia unangai inamin namin blimi oyeb biam ota sinanomo abilim uto inamin namino homon olamabeobe. Kobo moneba inaneba teneba ne beketne nale ge baabase

Dowan Weng Olo Make Dolanebuotabe. 8:34

Omito Yesuse e okok aleyemin naka isa eka naka mak unang mak isa nganabene tesiba baabenea Nakaia unangai wanita ne beketne nom gib mole i niniino omabbuniba inamin namin kukub misiamo i dimo tam tlemo omnakatouleb bianiba ne kukubo wafunine!

Dowan Weng Olo Luke Dolanebuotabe. 13:27

otane e ibo baabenea Ibo ne mo tekein kebibabo, ibo hengmin naka ibtabo, de unine ge baabesea

Dowan Weng Olo Luke Dolanebuotabe. 9:23

eka e imin baabenea Nakaia unangai wanita ne beketne nom gib mole am obba ye bomanomo bomanomo yo dimo i niniino omabbuniba inamin namin kukub misiamo i dimo tam tlemo omnakatouleb bianiba ne kukubo wafu nine!

Dowan Weng Olo Yone Dolanebuotabe. 10:14

Ne eil sibsib kimanin naka ayamobe. Ay Gode ne tekein kebea eka nesak e tekein kebiam blibe. Inamin kesoa nesa ne eil sibsibi tekein kebia eka isak ne tekein kebiam bliobe. Ne i bobolo fumbi kesoa ne kaanamino tolo mo tosiambibabe. Ne funania Nemaye kaania ne eil sibsibi daabenano gabibe.

Dowan Weng Olo Yone Dolanebuotabe. 10:16

Ne eil sibsibi maki daam olo temo mo blibba kesoa ne monia isu unania nganabeia i ne wengo wenteniba tliba dleb tenia dolminia alukum nemaye kimanamabibe.

Dowan Weng Olo Yone Dolanebuotabe. 10:8

Nele memale tlibe, sino nakai elekiem elekiem teniba ibo oye bianiba Ne Gode Nemfakamin Nakabo ge oye binibbio ye ile alukum makob ayok henin nakai ulabobe. Ayok deib teniba nakaia unangai ne bainobo gabibo watwat dabenom genibta tlibbio kesoa ne eil sibsibi i wengo mo wentim blimobe.

Dowan Weng Olo Yone Dolanebuotabe. 12:26

Nakaia unangai wanita ne okoko okok kemib mole i nene kukub nabi ota wafueine! I inaib mole ne bibo namabio naka elisa itena nomabbiobe. Nakaia unangai ne okoko okok kebibi ne Aye baanea I ayam nabinabiobo ge baanamabebo ge baabesebe.

Dowan Weng Olo Yone Dolanebuotabe. 21:22

Yesuse baabanea Ne naka ele baabania Kobo amit afen biebta ne imin tlano ge baabai mole olo keb okokbabe. Ne baabkenia Kobo ne kukubo kla wafunale ge baabkenimio yota keb okokobo ge baabasebe.

Dowan Weng Olo Yone Dolanebuotabe. 5:25

Ne moton baabenamabibe, nakaia unangai sinanomosa memalosa kaanamin deibe bebibi Gode miin ne wengo wentomabiobe. Eka nakaia unangai wanita ne wengo wentib mole afen smike doboniba amit nomabiobe.

Dowan Weng Olo Yone Dolanebuotabe. 8:12

Yesuse nakaia unangai ye miblib yei imin baabenea Nakaia unangai dabalim olo blib ile kukub ayamo mo wafu blibba kesoa i mililambio tem tab bliobe. Ne dabalim olo ayalobe. Nakaia unangai ne kukubo wafueib mole i mililambio temo mo nomabibbabo ge baabesea

Dowan Weng Olo Yone Dolanebuotabe. 8:43

Ibo ne wengo mitmakamo tekein kebibbabe. Niminbabe, ibo kweimiki E wengo mo wentaobbabo geniba omdibinebiobe.

Abosel 3:23

Nakaia unangai e wengo mo wentim blim keib mole i Yesuse bainobo galin nakai mo baka nimibe! I Gode yenanea kaanomabiobo ge baanea dolanebua eka

1 Kolin 8:3

Otane nakaia unangai Gode goba blib ile i bobol tem funino ayamobe. Nakaia unanga eli Gode oye bianea I nemi kesoa ne i tekein kebibo ge oyebebe.

Galesia 4:9

Ne ibo baabenia Ibo Gode tekein kebiobo ge baabei otane ne misiam baabeiobe. Ina otane ne baabenamabio God eta ibo tekein kenea dlakanea ibo nemiobo ge baabenebio weng olota dot ayamobe. Ibo emi otane nimin kenibta deibanibta Nibo monoba Mosese hekmel weng ota wafunomo gabibe? Ibo inaib mole kukub olo makob ibo imin moniba dabalim olo kukub ota wafunomabiobe. Dabalim kukub ota ibo kimano mole olo misiamobe. Kukub olo titil blim kesoa ibo mo daabenamabobabe.

2 Timoti 2:19

Ina otane Gode moton weng ole sbalobe. Makob sbal amuno nakai tebeloniba gibiba daak unanoa geiowanoa amo fibamino sbal manabo inanoa Gode weng osa sbal mabiobe. Gode weng olo dolanebio baanoa Sume e nakaia unangai tekein kebebo ge baanoa eka imin baanoa Nakaia unangai obianiba Ni Sume bainobo gabuobo gabibi kukub misiamo deiboniba kukub ayamo amit wafueine genobiobe.

Hiblu 3:7

Nibo nib bainobo galino sbal manomobo Gode meletan anomabbio kesoa nibo Gode Hobe wengo kla wentemomo! Sinanggwano e weng olo Gode weng omkeimalin nakai omya Gode buk temo dolaibbuo baanoa Memalo ibo Gode wengo wentaibo mo ombiabanibta deibonimibe! Ibo mo sinanggwano ib faninwali ibuantem ye bianiba i Gode wengo omdibiha bianiba enino omkaha binibbio inamibe!

Lebelesen 14:4

Naka eli alelwali mo dlim blim eka i unangi taman osa mo dlebnim blimobe. I naka ayamobe. I eil sibsib mene wengo kla wentebiba e monea betan ato da unang gameo i bekeba haablib itabe. Naka eli sino dabalim nakaia unangai isak tem ele blibta Gode i hengmino walubenea dleb utnea abilim ut danebua i Gode okok osa eka eil sibsib mene okok osa klabib kesoa i makob Gode meme hekwalobe.

Lebelesen 3:20

Ibo ne wengo wentine! Ne nakaia unangai bobol temo nano gabio kukub olo makob ne amit ele mabiania amisalo gong gong gabi kesoa nakai wanita ne wengo wenteniba amisalo betelatnenib mole ne tania i am tam tenia item netem nabianoba imeno wembianoba nomabbiobe.