Dowan Weng Olo Yone Dolanebuotabe. 10:16 - Mian

¹⁶ Ne eil sibsibi maki daam olo temo mo blibba kesoa ne monia isu unania nganabeia i ne wengo wenteniba tliba dleb tenia dolminia alukum nemaye kimanamabibe.

Dowan Weng Olo Yone Dolanebuotabe. 10:16 ပူးပေါင်းရင်းမြစ်များ

Matyu 17:5

ayungo bomat genoa ayal inamin tubunoa ge dlanoa weng mako ayung tem iwat baabenoa Ele ne miinobe. Ne kla goba biania seinhabibe. Ibo e wengo kla wenteha bianibte ge baabesoa

Dowan Weng Olo Luke Dolanebuotabe. 15:8

Eka Yesuse saa weng mako imin baabenea Unang mako monio toeao 10 bibobua mako omeb molanomo ayale eibianoa biino glita bianoa hembinoa omamo

Dowan Weng Olo Yone Dolanebuotabe. 10:11

Ne eil sibsib kimanin naka ayamobe. Eil sibsib kimanin naka ayame e eil sibsibi bobolo fumbe kesoa e kaanamino tolo mo tosiambebabe. E funanea Nemaye kaania ne eil sibsibi daabenano gabe inania nesa ne nakaia unangai bobolo fumbibe.

Dowan Weng Olo Yone Dolanebuotabe. 10:2

Otane eil sibsib kimanin naka ele amit tem te tam unamabebe.

Dowan Weng Olo Yone Dolanebuotabe. 10:27

Eil sibsib ile amitie i kimanin nakae wengo wente bianiba kla bekeba haabinabiobe. Ne meletan isa inaniba ne wengo kla wentebiba eka nesa i kla tekein kebiam blia i ne beketne haabinabiobe.

Dowan Weng Olo Yone Dolanebuotabe. 10:3

E moton amit deib motemea amisalo kima bie nakae betelabaneta tanea ele eil sibsibi niniino nganabenea i e wengo wenteniba bekebaniba dleb tam bib tam unanea

Dowan Weng Olo Yone Dolanebuotabe. 10:4

nganabe nganabe haanemeo i e wengo kla wentebib kesoa dobsileb haabinabiobe.

Dowan Weng Olo Yone Dolanebuotabe. 10:5

I naka afete mo bekeba unaibbabe. I deibaniba skila unomabiobe. Niminbabe, e wengo afet kesoa i e tolo tosiananiba deiba unomabiobo ge baabesebe.

Dowan Weng Olo Yone Dolanebuotabe. 11:52

Eka e inanamabeo Yudai ilita mo daabenemebabe. E Yudaba naka afet isa daabenamabebe. E inanea kaanea hananamabe kesoa Gode meletani bib mak bib mak olo blibi alukum makob anomabiobe.

Dowan Weng Olo Yone Dolanebuotabe. 17:20

Ne weng olo baabkenamabio kobo naka eli ilita daabenale babe. Nakaia unangai naka eli wengo wenteniba ne bainobo getnenomabib isa daabenale genita okebibe.

Dowan Weng Olo Yone Dolanebuotabe. 6:37

Ne Aye nakaia unangai dlakanea baanea I ne miine tenanine genebuei alukum teniba nesu tlaibo ne mo baabenita De unine ge baabenimibabe.

Abosel 15:14

Saimon Fitae weng ele baabene wentib olo sino Gode mikiktemo tenea Yudaba isu ota tlanea dlakanea e meletan aibbuo weng ota baabeneta wentiobe.

Abosel 18:10

Ne kobo bekebke bli kesoa naka maki kobo mo kananimibbabo, ne bainobo galin naka homon unang homoni bib ele nabliobo ge ohabea teme bine kesoa

Abosel 22:14

baatnenea Kobo nib faninwali Sume God eta kemfakanebo, kobo e bobol tem funino olota tekein keneba eka e okok Naka Ayame niniino Yesuse atemneba e wengo kla wentene!

Fole Lom teni bainobo galini futano dola omfubesebe. 11:25

Sino Gode wengo atosino ayok bu otane memalo Gode e weng olo ne aletnene kesoa ne funania Weng olo ne nekwal isa baabeia wenteniba i bobol temo fumbianiba Ni tekein kemino sumobo galin bobol temo funino deibueine ge funai kesoa ne weng ayok olo ibo baabenamabibe. Memalo Yudai milimi Yesus Klaiste wengo mo bainobo geim blim bliobe. Ina otane Gode Yudaba nakaia unangai maki e dlakanebuei alukum Yesus Klaiste bainobo genimib dim ota Yuda nakaia unangai alukum Yesuse bainobo geiba Gode i hengmino temo blibo dotlanamabebe. Gode buk temo enangge baanoa Nakaia unangai i hengmino temo blibo dotlanamabe nakae Yudai bib sumo niniino Yelusalem bib da tlamabebe. E tenea Yekobe molobseli daabenamabe kesoa i Gode wengo imino mo omdibihamomabibbabe.

2 Tesalonaika 2:13

Nekwal ibo Gode gobe bie kesoa ni am mak bomanomo am mak bomanomo ni ib bobolo fumbianoba Gode gangobo galomo! Niminbabe, sinanggwano e ibo dlakanea Sinanomo i hengmino temo blibo ne miine dotlanamabebo genebua e Hobe daabenea ibo e moton wengo bainobo geniba e meletan aibbiobe.

Hiblu 13:20

Nib Sume Yesuse kaanea Gode imin dofaanea hananebiobe. E kaanea ileme singanea Gode weng ayamo nibo omyenea baanea Ne inamin namin ayamo omyamabibo genebio weng olo omsbal manebio kesoa Gode inamin namin olo nibo doyamabebe. E weng olo amit ninobe. Makob eil sibsib kimanin nakae eil sibsibi kima bie inanea nib Sume Yesuse e bainobo galin nakaia unanga nibo kima biebe. Gode nakaia unanga nibo bobol tem ayam omkayemin naka kesoa e ibo amitie daayebea ibo e wengo kla wafunine! Yesus Klaiste sino nibo daabenebio kesoa Gode ele fumbe inanea kukub ayamo nib bobol temo omabbebeneko! Nibo Klaiste niniino amitie dobtouleb nomo!

1 Fita 2:10

Sino ibo Gode naka unangba otane memalo ibo Gode naka unangobe. Sino Gode ibo mo dohalinim blim otane e memalo ibo kla dohalimbebe.

1 Fita 2:25

Ibo makob eil sibsibi naniba i kimanin nakai blim biaibo deibo tobtlin binabib inaniba ibsa sino deib ayame deibaib otane memalo ibo Klaiste bainobo gabib kesoa e ib afen smiko kima bianea makob eil sibsibi i kimanin nakai kima bianiba deibo aleye binabib inanea esa ib deib ayamo aleyebebe.

1 Fita 5:4

Ibo inaib mole bainobo galin nakaia unanga nib Kimanin Naka Sume tenea e inamin namin ayam ayamo ibo omyamabeo o mo blimanomobabe. Amit namabobe.

Lebelesen 3:20

Ibo ne wengo wentine! Ne nakaia unangai bobol temo nano gabio kukub olo makob ne amit ele mabiania amisalo gong gong gabi kesoa nakai wanita ne wengo wenteniba amisalo betelatnenib mole ne tania i am tam tenia item netem nabianoba imeno wembianoba nomabbiobe.