Dowan Weng Olo Yone Dolanebuotabe. 1:51 - Mian

⁵¹ eka weng mak osa baabenea Ne bain baabenamabibe, ibo mitdaniba temiba abilime belanea Gode abiseli daakeniba Abilim Da Tlemin Naka nesu ele da imin ut abilim utda bianiba usa daaka bliba yatemomabiobo ge baabesebe.

Dowan Weng Olo Yone Dolanebuotabe. 1:51 ပူးပေါင်းရင်းမြစ်များ

Matyu 25:31

Yesuse e okok aleyemin nakai baabenea Sinanomo Abilim Da Tlemin Naka ne titilo makob ayal inamin einobuo omona biania abiseli dlet nania tenia Komok Sum ne nene biino dim ye touia

Matyu 26:24

Abilim Da Tlemin Naka ne makob sinanggwano Gode buk temo baanobio inania kaanamabi otane nakae ne nemeb monea komokwali nemiamabe nakae ne dobhalimbibe. E ne kukub misiam natnenamabe kesoa Gode enin sumo e omalamabebe. E biemo dofanamino deibanobiota mole ayamobo ge baabesebe.

Matyu 3:16

Yone Yesuse debeb daak aaye dababu fuelabanea hana nabea abile belasea temea Gode Hobe makob wan kubiameie ulab daakenea Yesuse dim ele tleta

Matyu 4:11

Gululame deiba unea abiseli teniba Yesuse daabasiobe.

Matyu 8:20

Yesuse baabanea Til satili amo deib temo bibe biota aala biobo, eka wan isa deito bibe biota aala biam blib otane Abilim Da Tlemin Naka ne amo aanonamino blimobo, kobo ne beketne haanang geb mole keb am osa blimobe. Kobo bain beketne unang genebtio? Kla funanebte ge baabasebe.

Matyu 9:6

Ina otane ne fumbio ibo tekein keine! Abilim Da Tlemin Naka ne dabalim olo hengmino omtlabenamabio titilsa kesoa omtlabenamabibo ge baabenea e skil misiame baabanea Hananeba keb glouto ometneba moneba kleb bibam one ge baabasea

Dowan Weng Olo Make Dolanebuotabe. 1:10

E inanea fuelabanea aatem daako deibo utenea sesa ele tlanea abilim uto tememonea abile belanea Gode Hobe makob wan kubiameie ulab daakenea Yesuse dim ele tleta

Dowan Weng Olo Make Dolanebuotabe. 14:62

ota Yesuse wengo tilanea baabanea Bain ye baanebobe. Abilim Da Tlemin Naka ne Gode titilsae e kweile kweitale kikib ye toum binia ayung tem te tlia natemomabiobo gesea

Dowan Weng Olo Luke Dolanebuotabe. 2:13

hebmamsab abisel homoni daak teniba abisake mak esu ye daake teniba i Gode niniino dobtouleb bianiba baaniba

Dowan Weng Olo Luke Dolanebuotabe. 2:9

Sume abisake daak tenabea Sume ayale abilim ut danea bomat ge tubunea i isak daak dlakasea atemniba tosiansiba

Dowan Weng Olo Luke Dolanebuotabe. 22:43

Gode abisake daak tenea Yesuse dobsbal manea

Dowan Weng Olo Luke Dolanebuotabe. 22:69

otane Gode titilsa kesoa sinanomo Abilim Da Tlemin Naka ne utnia e kweile kweitale kikib ye tounamabibo gesea

Dowan Weng Olo Luke Dolanebuotabe. 24:4

i bobolo hekhek fumbianiba temiba naka asunai youm namao ayalo ulabo dlusanibbua meb ye mablib kesoa

Dowan Weng Olo Yone Dolanebuotabe. 1:50

Yesuse baabanea Ne baabkenia Ne sin temia kobo as ete mit ye bieba katemibo ge baabkei yota kobo bainobo gabeobe. Olo ayam otane mitdata inamin namino dot ayamo tam tlota watemamabeobo ge baabanea

Dowan Weng Olo Yone Dolanebuotabe. 10:1

Yesuse baanea Ne ibo moton baabenamabibe, ayok henin nakai eil sibsibi daam temo daak unom gaibo i amit tem teo deiboniba daam dim tla daba ulaniba golbia daak unaniba inamin namino ayok oleb unomabiobe.

Dowan Weng Olo Yone Dolanebuotabe. 10:7

I saa weng olo mitmakamo mo tekein keim blim kesoa Yesuse Yudai komokwali imin baabenea Ne moton baabenamabibe, neta amit dikin kesoa eil sibsibi ne tem te tam tlebiobe.

Dowan Weng Olo Yone Dolanebuotabe. 13:16

Ne bain baabenamabibe, okok nakae mo sum aneta e kimanin nakae mo dababbunemebabe. Eka nakae dowan wengo omeb haabie naka esa mo sum aneta e kima bianea wengo omanea dabanea haabie nakae mo dababbunemebabe. Inamin kesoa ibo mo sum anibta ib Sum ne mo nemabbunimibbabe. Otane memalo ne ibo daabei kesoa ibsa inanibta naka mak unang maki daabesese nine!

Dowan Weng Olo Yone Dolanebuotabe. 13:38

Yesuse baabanea Kobo bain netemna kaanama bianebta obeba? Ne bain baabkenamabibe, kakaluke mo nganaim blim bieta kobo ne niniino omwatneneba baaneba Ne naka ele mo tekein kebibabo genamino asumatna kenamabeobo ge baabasebe.

Dowan Weng Olo Yone Dolanebuotabe. 14:12

Ne bain baabenamabibe, nakaia unangai wanita ne bainobo getneib mole ne okok olo nabio isa inaniba klamomabiobe. Ne okok sumo okok kebinabi otane ne Ay esu unamio e Hobe dabanea tenea ne bainobo galin nakaia unangai daabenea i okoko dot sum okok kemomabiobe.

Dowan Weng Olo Yone Dolanebuotabe. 16:20

Ne bain baabenamabibe, ne ibo deibe unamabio ibo bobol ilum omfubenoa memomabib otane dabalim nakaia unanga ile seinomabiobe. Ib bobol temo ilumo omfubenamabo otane sinanoa ne imin hananimio dim ota ibo imin seinin bobolo wayota seinomabiobe.

Dowan Weng Olo Yone Dolanebuotabe. 16:23

Inaniba seinimib dimo ibo ne mo baatnenibta Kobo inamin namino nabenale genomabibbabe. Ne bain baabenamabibe, ibo Aye Gode baabaniba Yesuse niniin dim ota kobo inamin namino nabenale genimibo e bain nabenamabebe.

Dowan Weng Olo Yone Dolanebuotabe. 21:18

Ne kobo bain baabkenamabibe, kobo sino tembal bineb bio dimo kebmaye youmo kineba bib mako inamin bib ota unano genemebo une binebbu otane sinanomo kobo hangkalebmin anemebo keb kweilo asu tebehaneba naka maki youmo olo kibkeniba kemeb moniba kobo bibo mo goboneba Ne bib olo mo unamibabo gabeb ota kemeb mo danomabiobo ge baabasebe.

Dowan Weng Olo Yone Dolanebuotabe. 3:3

Yesuse baabanea Ne bain baabkenamabibe, Gode naka make imino mo dofaim blim kene mole e mo mema naka neta Gode kimanin bibo mo watemamabebabo ge baabasea

Dowan Weng Olo Yone Dolanebuotabe. 3:5

Yesuse baabanea Ne bain baabkenamabibe, nakae aaye mo fuelanea Gode Hobe e bobol temo mo dababbaim blim kene mole e mo mema naka neta Gode kimanin bibo mo unamabebabe.

Dowan Weng Olo Yone Dolanebuotabe. 5:19

Yesuse Yudai komokwali baabenea Ne bain baabenamabibe, Gode miin ne okoko nabio nene bobol tem funino mo okok kebibabe. Ne Aye okoko nabeo olota wateme biania nesa ming inanita okok kebibe. Ne Aye okoko nabeo e miin nesa olota nabibe.

Dowan Weng Olo Yone Dolanebuotabe. 5:27

Eka Aye Gode miin ne Abilim Da Tlemin Naka kesoa e namakanea baatnenea Kobo nakaia unangai kot kebenamin okoko okok kemale ge baatnenebiobe.

Dowan Weng Olo Yone Dolanebuotabe. 6:26

Yesuse baabenea Ne bain baabenamabibe, sintalo ne okok sumo naia watemibso ibo mo funanibta E bain Gode miinobo genibta ne hen tebibbabe. Yeye ibo ne imen homono oyia dowoniba matob buk geibso yo deib ota tliobe.

Dowan Weng Olo Yone Dolanebuotabe. 6:32

Yesuse baabenea Ne bain baabenamabibe, sinanggwano Mosese abilim imeno mo oyim blimobe. Ne Ay eta abilim imeno okayebeta unam binibbiobe. Eka mema olole e imen motone obabenea daak tlebiobe. Nakaia unangai imen ele obo wembibi i amit bliobe.

Dowan Weng Olo Yone Dolanebuotabe. 6:47

Ne bain baabenamabibe, nakaia unangai wanita ne bainobo getneib ile afen smike doboniba amit bliobe.

Dowan Weng Olo Yone Dolanebuotabe. 6:53

Yesuse funanea I ne nenaniba kaania nakaia unangai hengmino walubeia i ne bainobo getnenomabiobo ge fumbe kesoa e saa weng mako enangge baabenea Ne bain baabenamabibe, ibo Abilim Da Tlemin Naka ne diim osa ilem osa mo doweim blim keib mole ib bobol tem daako afen smike mo bibe bieta amit nomabibbabe.

Dowan Weng Olo Yone Dolanebuotabe. 8:34

Yesuse baabenea Ne bain baabenamabibe, nakaia unangai hengmino henga binabib ile hengmino ge dlanobiobe.

Dowan Weng Olo Yone Dolanebuotabe. 8:51

Ne bain baabenamabibe, nakaia unangai ne wengo wentebib ile mo kaanimibbabo ge baabesea

Dowan Weng Olo Yone Dolanebuotabe. 8:58

Yesuse baabenea Ne ibo moton baabenamabibe, sinanggwano Eblahame awoko mo dofanim blim buo dimo ne binibiobo gesea

Abosel 10:11

abilimo amisalo betelanoa youme sume flanggete ulabe abilim ut danea sayo asuke asuke nao keno tebe gieibbua sa da e wafu wafu bliba daakesea temea

Abosel 7:56

baabenea Ibo wentine! Abilimo amisalo betelabua Abilim Da Tlemin Nakae Gode kweile kweitale kikib ye mabia atemibo gesea

2 Tesalonaika 1:7

eka ib enin sumo omtlabenea enin sum blimubenamabobe. Yesus Sum esa eka abiseli titilsa isa i abilim ut daniba tlaibo Gode inanamabebe.

2 Tesalonaika 1:9

dlanea moniba bib mak unomabiobe. Yesuse imin tlameo dim ota Gode inanea dlanea moniba bib mak unomabiobe. I inaniba moniba skeim ye unaniba e titilo ayal inamin osa mo watemomabibbabe. I alukum sasalanomabiobe. Yesuse imin tlea Gode meletani tenabiba eka e bainobo gabib nakaia unangai tenaniba e niniino dobtouleb bianiba seinom gaibo ibsa i bakaniba seinomabiobe. Niminbabe, ni Gode wengo ibo omkayeboba wente bianiba bainobo geibbio kesota ibo inanomabiobe.

1 Timoti 3:16

Ne Gode weng olo sbal weng baabkenamabibe. Gode Klaiste wengo nibo omyebua nibo wafu biobo sino weng olo ayok otane Yesuse tenea omkeimanebio weng olo sum kesota ne weng olo baabkenamabibe. Gode e dabanea daakenea dabalim ele tlanea naka moton aneta nakaia unangai atemibbiobe. Gode Hobe Yesuse dofaanea imin hananea Gode nakaia unangai e alebenea i funaniba Bainobo, e Gode miinobo geibbiobe. Abisel isa atemibbiobe. Eka bainobo galin nakaia unangai moniba bib mak bib mak seli Gode wengo omkayebiba eka Gode wengo monoa nakaia unangai dabale monea dene dene isu osa onon tlanoa nakaia unangai mak isa Gode weng olo wenteniba bainobo gabinibbiobe. Gode Yesuse debeb utnea abilim ut danea bianea inamin namino alukum kima biebe.

Hiblu 1:14

Abiseli fatnamine? I smiki ulab kesoa i Gode okoko okok kebiobe. I Gode dlanea moniba nakaia unangai hengmino temo bliba Gode dotlanebuei sinanomo dleb utnea e bibam ut danea nomabib isu ye moniba daayebiobe.

Futan olo Yut eta dolanebiobe. 1:14

Sinanggwano Gode e wengo Adame molofeite Inoke omalea e tekein kenea ib isak temo dim omin nakai maki tam tlomabiobo gene kesoa e baanea Sume nakaia unangai kukubo klanang genea abisel homon homoni dletnea tlamabebe. Nakaia unangai e wengo mo wafu blibbai i kukub misiamo nabibo yang kenea enin kino watemomabiobe. Hengmin naka unangi Gode wengo omdibihabib kesoa Gode nakaia unanga eli weng misiam ohabibo molo yang kenea i enin kino sum watemomabiobo genebiobe.

Lebelesen 19:11

Eka abilimo amisalo betelasoa ne imin temia naka make hos namae dim ut toumbia atemie e niniino asube. Mak ole E Okoko Kla Kimaninobe, eka mak ole E Kukubo Bain Olota Namin nabe. E nakaia unangai kukubo motomanea i kukub misiamo nabibo watemubenea yenanang gameo e kukubo molot ota wafuneta nanamabebe.

Lebelesen 4:1

Weng olo onebo blimanoa omito ne temia abilimo amisalo betelanoa eka weng mako sino bigul weng dikine obabiba wentibuo baanoa Kobo ute asal ele tleba ne inamin namino mitdanoa tam tlamabo alebkenano gesoa wentena bia