Dowan Weng Olo Yone Dolanebuotabe. 1:10 - Mian

¹⁰ Gode titilo Klaiste omaleta eta dabal ele klanebio binea emaye daak tenea dabalim olo binebu otane dabalim sel nakaia unangai e mo tekein keim blimobe.

Dowan Weng Olo Yone Dolanebuotabe. 1:10 ပူးပေါင်းရင်းမြစ်များ

Matyu 11:27

eka omito nakaia unangai baabenea Ne Aye inamin namino alukum omnenea Kimanale ge baatnenebiobe. Nakai Gode miin ne bobol tem funino mo tekein kebibbabe. Aye elekiem eleta ne bobol tem funino tekein kebebe. Eka nakai Ay Gode bobol tem funino mo tekein kebibba otane ne tekein kebibe. Nakai wanita ne dlakanimie isa Aye bobol tem funino tekein kenomabiobe.

Dowan Weng Olo Yone Dolanebuotabe. 1:11

E tenea ele meletani Yuda isuo ele bibamo klanebu ele tlebu otane i mo gobanibta Klayam nata tlebo geim blimobe.

Dowan Weng Olo Yone Dolanebuotabe. 1:18

Nakai Gode atemnamino blim otane Gode miine yanmakobe Yesuse e Aye Gode bobol temo makobam bianea eta Gode kukubo nakaia unangai alebenea keim anebiobe.

Dowan Weng Olo Yone Dolanebuotabe. 1:3

Gode titilo Klaiste omaleta eta inamin namino alukum kla tlanebiobe. Inamin namino omalo mo tam tlim blimobe. Klaiste emaye inamin namino alukum kla tlanebiobe.

Dowan Weng Olo Yone Dolanebuotabe. 1:5

Ayal ele amitie mililambio temo eibinabebe. Mililanamino mo gaisanota kiminemebabe.

Dowan Weng Olo Yone Dolanebuotabe. 17:25

Ay kobo naka molotobe. Nakaia unangai dabalim kukubo wafu blibi kobo mo tekein kebibba otane nele kobo tekein kebibe. Eka naka elisa tekein keniba Kobo bain ne nemaneba tlibiobo gabiobe.

Dowan Weng Olo Yone Dolanebuotabe. 5:17

Yesuse i weng olo tekein kene kesoa e baabenea Ne Aye Gode am obba ye bomanomo bomanomo yo dimo amitie okok kebianea eka singkalin am bomanomo dim osa okok kebianea nibo daaye binabe kesoa nesa inania okok kemabibo ge baabesebe.

Abosel 14:17

otane e kukubo ayamo aleyebea ibo watem tekein kebiobe. Gode abilim ut bianea soko omane tenoa damibo inamin namin sano dokabibo gibbuwebua eka e imen homon osa okaye bianea bobol ayamo omkayebebo ge baabesiba

1 Kolin 1:21

Gode tekein keminsa kesoa e funanea Nakai baaniba Ni tekein kemin nakabo gabibi i bobol tem funino ne alebenoa tekein kenamino blim kesoa i ne mo bainobo geitnenomabibbabo ge funanea e weng olo nibo omkayebea nibo e dowan weng olo naka mak unang maki omkayeboba tekein kemin naka eli oye bianiba I weng obba halebo ye obiobo ge oyebib otane naka mak unang mak ile e weng olo wente bianiba bainobo gabib kesoa e i hengmino temo blibo dotlanebua amit nomabiobe.

1 Kolin 2:8

Komokwali dabalim olo blibi Gode weng ayok olo mo tekein keim blimobe. I weng olo tekein kebib biamo nib Sume Gode miine atdimo mo dabasaniba silo biki ananimibbabe. Otane i weng olo mo tekein keim blim kenibta anaibbiobe.

1 Kolin 8:6

otane nibo tekein kebuobe, nib kimanin nakae Gode elekiem eletabe. E nib Ayobe. Eta inamin namino alukum klanebua nibo emi kesoa e okoko okok kebuobe. Eka nib Sum esa elekiemobe. E Yesus Klaist etabe. Gode e baabanea Kobo inamin namin olo klanale ge baabanea e inanea klanebua nibo e bainobo gabianoba ayam biobobe. Inamin kesoa smiki nakai klabibi o besa asobe. O nibo mo kima biobabe.

Kolosi 1:16

Niminbabe, sinanggwano Gode Yesuse baabanea Kobo inamin namino klanale ge baabanea e klanebiobe. Inamin namino dabalim olo buosa eka inamin namino abilim uto buosa eka inamin namino nakaia unangai watemebib osa eka inamin namino nakaia unangai mo watemebibba osa eka abisel isa i komokwal isa eka inamin namin hob isa i komokwal isa i alukum i dumta klaibbiobe. Gode funanea Inamin namino alukum Yesuse niniino dobtouleb noko ge funane kesoa e okok olo omalea klanebiobe.

Hiblu 11:3

Gode wengo bainobo gabob nibo tekein kenoba Gode besa weng baaneta dabal esa abil esa tam tlobiobo gabuobe. Gode inamin namino nibo mo watemebobbao dloneta inamin namino ele bu olo klanebiota watemebuobe.

1 Yon 3:1

Dowe! Aye Gode nibo kla gobe bie kesoa e baanea Ibo ne melelobo gabebe. E nibo inangge oyebe kesoa nibo bain e melelobe. Dabalim nakaia unangai Gode mo tekein kebibba kesoa i Gode melel nibsa mo tekein kebibbabe.