Dowan Weng Olo Yone Dolanebuotabe. 1:1 - Mian

¹ Sinanggwano dabale mo tam tlim blim o dimo wengo Gode temna binobiobe. Weng ele Yesus Klaist etabe. Niniin olo mitmakamo e Gode wengo nakaia unangai keim aleyeminobe. Weng ele emaye Godobe.

Dowan Weng Olo Yone Dolanebuotabe. 1:1 ပူးပေါင်းရင်းမြစ်များ

Dowan Weng Olo Luke Dolanebuotabe. 24:53

Gode am sumo tem tamo mibianiba Gode niniino dobtouleb monsiobe.

Dowan Weng Olo Yone Dolanebuotabe. 1:14

Weng ele naka nea nibo baka bia nibo e titilo ayal inamin einobuo watemubanobbiobe. E Gode miin yanmakob kesoa e Aye Gode titilo ayal inamin einobu olo omalea daayemin kukub osa eka weng moton omin kukub osa e bobol temo sibbebanobiobe.

Dowan Weng Olo Yone Dolanebuotabe. 1:18

Nakai Gode atemnamino blim otane Gode miine yanmakobe Yesuse e Aye Gode bobol temo makobam bianea eta Gode kukubo nakaia unangai alebenea keim anebiobe.

Dowan Weng Olo Yone Dolanebuotabe. 1:2

Yo dimo ete God ete nabinibbiobe.

Dowan Weng Olo Yone Dolanebuotabe. 16:28

Ne bain Ay esu ut danita daakenita dabalim ele tlibiobe. Memalo ne dabalim olo deibonia imin monia Ay esu unang genabibo ge baabesea

Dowan Weng Olo Yone Dolanebuotabe. 17:5

Sinanggwano dabale mo klaim blimo dimo Ay kebtem netem nanoba dum asu kebianoba kobo ne niniino nemtouleb binebbio inaneba memalosa ne kebsuo na tlamio ne niniino imin nemtouleb nale!

Dowan Weng Olo Yone Dolanebuotabe. 20:28

Tomase baabanea Kobo God, ne Sumobo gesea

Dowan Weng Olo Yone Dolanebuotabe. 8:58

Yesuse baabenea Ne ibo moton baabenamabibe, sinanggwano Eblahame awoko mo dofanim blim buo dimo ne binibiobo gesea

Fole Lom teni bainobo galini futano dola omfubesebe. 9:5

I faninwali Eblaham esa Aisak esa Yekob esa itabe. Eka Gode Dofakamin Nakae dabalim ele binebue i molofeitobe. Gode Dofakamin Nakae elekiem eleta Godobe. E nakaia unanga isa eka inamin namin osa i Sumobe. Nibo amitie e niniino dobtouleb nomo! Bainobe.

Efesas 3:9

Gode inamin namino alukum klanebue baatnenea Kobo moneba ne weng olo sino ayok binobuo nakaia unangai alukum omkaye bianeba baabeneba Sinanggwano e weng olo ayok binabo otane memalo keimanobo ge baabenale ge baatnenebiobe.

Filibai 2:6

E makob Gode ulab otane e mo funaneta Gode komok sum kesoa nesa komok sumobo ge funaim blimobe.

Kolosi 1:15

Nakaia unanga nibo Gode mo atemin blimobe. Yesus Klaiste makob Gode ulabobe. Nakaia unangai maki Yesus Klaiste atemibbua e weng sango nibo baabeibbio kesoa nibo Gode tekein kebuobe. Sinanggwano Gode abil esa dabal esa eka inamin namino dabalim olo buosa eka inamin namino abilim uto buosa e mo klaim blim bie dimo Klaiste bianea inamin namin olo alukum kima binebiobe.

Kolosi 1:17

Dabal esa eka inamin namino dabal ele dimo buosa eka abil esa eka inamin namino abilim uto buosa o mo tam tlim blim buo dimo Klaiste binebiobe. E inamin namino alukum dabalim olo buosa abilim uto buosa klanebua kla kima bie kesoa o klayam, olo alang ye biobe.

1 Timoti 3:16

Ne Gode weng olo sbal weng baabkenamabibe. Gode Klaiste wengo nibo omyebua nibo wafu biobo sino weng olo ayok otane Yesuse tenea omkeimanebio weng olo sum kesota ne weng olo baabkenamabibe. Gode e dabanea daakenea dabalim ele tlanea naka moton aneta nakaia unangai atemibbiobe. Gode Hobe Yesuse dofaanea imin hananea Gode nakaia unangai e alebenea i funaniba Bainobo, e Gode miinobo geibbiobe. Abisel isa atemibbiobe. Eka bainobo galin nakaia unangai moniba bib mak bib mak seli Gode wengo omkayebiba eka Gode wengo monoa nakaia unangai dabale monea dene dene isu osa onon tlanoa nakaia unangai mak isa Gode weng olo wenteniba bainobo gabinibbiobe. Gode Yesuse debeb utnea abilim ut danea bianea inamin namino alukum kima biebe.

Taitas 2:13

Nibo ina bianoba nib Sume Gode tlamabeo waisa biobobe. Am olo dim ota nib hengmino temo dotlanebio nakae Yesus Klaiste e titilo ayal inamin tubuein kenebua tlea nakaia unangai atemomabiobe.

Hiblu 13:8

Yesus Klaiste afet anamino blimobe. E sinanggwanosa memalosa sinanomosa makob inaminobe. E weng osa afet anamino blimobe.

Hiblu 7:3

Sinanggwano nakai Melkisedeke biem osa e ay esa e faninwal isa i niniino mo dolaim blimobe. E awoko dofanobuo amo dim osa eka e kaanebuo dim osa nibo mo tekein kebobbabe. Niminbabe, i buk temo mo dolaim blimobe. E amitie Gode amo kimanin nakai komok sum kesoa e makob Gode miine ulabobe.

2 Fita 1:1

Saimon Fita ne Yesus Klaiste okok naka eka e okok namasanin naka na neta futan olo dolania bainobo galin nakaia unanga ibo omfubenamabibe. Nib God esa eka nibo hengmino temo biobo dotlanebio nakae Yesus Klaist esa i ibo daabeniba bainobo galino omyiba ibo Yesuse bainobo gabib kesoa ib bainobo galino dot ayam makob ni bainobo galino ulabobe. I inamin namin kukubo nabibo dot molotobe.

1 Yon 5:20

Eka nibo weng mak osa tekein kebuobe, Gode miine tenea nibo tekein kemino omye kesoa nibo obianoba Gode motonobo gabuobe. Eka nibo afen smike amit nine mitmakame God esa e miine Yesus Klaist esa i baka biobobe.

1 Yon 5:7

Nibo kukubo asumatna yo watenoba tekein kebianoba Yesuse bain Gode miinobo gabuobe. Kukub olo enaminobe.

Lebelesen 1:11

Weng olo baanoa Inamin namin olo watemaebo dolaneba bainobo galin nakai mito 7 i omfubenale! Bib olo niniino Efesas osa Smena osa Fegamam osa Taiataila osa Sadis osa Filadelfia osa Leodisia osa o blibi omfubenale gesoa wentenia

Lebelesen 1:17

ne atemnia tosianania makob nakai kaanabib inania e skil tama bie ye kaai otane naka ele kweile kweita sine nafunea baatnenea Kobo mo tosianemebe! Ne sinanggwano binabibo eka sinanomosa biamabibo,

Lebelesen 1:2

ne inamin namin olo watem nabia eka Gode bain wengo baane osa eka Yesus Klaiste wengo aletnene osa ne watemnanita ibo baabenamabibe.

Lebelesen 1:8

God Sume baanea Ne sinanggwano binabibua eka sinanomosa biamabibo genebue wengo bainobe. Sinanggwano e binabebua memalosa biebe. Eka sinanomosa biamabebe. E amit ninobe. E alukum inamin namino titilsabe.

Lebelesen 19:13

E youm dime ileme walanebiobe. Eka i e niniino Gode Wengobo ge ohabiba

Lebelesen 2:8

Yesuse imin baatnenea Kobo weng mako bainobo galini Smena bibo blibi kima bie nakae weng olo dola omfubaneba enangge baabaneba Ne sinanggwano binabibe eka sinanomosa biamabibe. Sino ne kaai otane imin hanaibua memalo afen bianita weng olo baabenamabibe.

Lebelesen 21:6

eka imin baatnenea Inamin namin ele tam tlo olo ne klaia blimanobe. Ne sinanggwano abil esa dabal esa mo klaim blimo dimo ne binibiobo, eka abil esa dabal esa blimano biamo dim osa ne biamabi kesoa nakai aa tebo yenano mole ne aaye misim oblia dowoniba afen smike doboniba amit nomabiobe.

Lebelesen 22:13

Ne sinanggwano abil esa dabal esa mo klaim blimo dimo ne binibiobe. Eka abil esa dabal esa blimano biamo dim osa ne biamabibe.

Lebelesen 3:14

Yesuse imin baatnenea Kobo weng mako bainobo galin nakai Leodisia bibo blibi kima bie nakae weng olo dola omfubaneba enangge baabaneba Ne naka molotobe. Eka ne Gode wengo bain ota omin nabe. Ne amitie Gode wengo bain ota obiania eka sinanggwano Gode baatnenea Kobo abil esa dabal esa klanale gabea ne inamin namin olo klaibio naka neta weng olo baabkenamabibe.