Galesia 4:9 - Mian

⁹ Ne ibo baabenia Ibo Gode tekein kebiobo ge baabei otane ne misiam baabeiobe. Ina otane ne baabenamabio God eta ibo tekein kenea dlakanea ibo nemiobo ge baabenebio weng olota dot ayamobe. Ibo emi otane nimin kenibta deibanibta Nibo monoba Mosese hekmel weng ota wafunomo gabibe? Ibo inaib mole kukub olo makob ibo imin moniba dabalim olo kukub ota wafunomabiobe. Dabalim kukub ota ibo kimano mole olo misiamobe. Kukub olo titil blim kesoa ibo mo daabenamabobabe.

Galesia 4:9 ပူးပေါင်းရင်းမြစ်များ

1 Kolin 8:3

Otane nakaia unangai Gode goba blib ile i bobol tem funino ayamobe. Nakaia unanga eli Gode oye bianea I nemi kesoa ne i tekein kebibo ge oyebebe.

Galesia 3:3

Ibo nimin kenibta bobol tem funin ayamo deibonibta misiam ota wafu blibe? Sino Gode Hobe ibo daabenea Klaiste weng ayamo wafu blib otane memalo ibo nimin kenibta funanibta Ni nini titil ota Mosese hekmel wengo wafu bianoba aalo waketoumobo Gode ni baabenea Ibo ne kin dimo naka molot unang molotobo ge baabenamabebo ge fumbibe?

Fole Lom teni bainobo galini futano dola omfubesebe. 8:3

Nibo hengmin gam kesoa Mosese hekmel wengo klao mo wafu binabobbabe. Hekmel weng olo nibo mo daabeim blim otane Gode funanea Ne i hengmin kukub olo yang kenano genea e miine makob nakai hengminsai ulab dabanea daak tenea atdimo kaanebiobe. Gode inanea nib kukub misiamo yang kenano gabeo omonea Yesuse dimanea eta nib alango dokonea atdimo kaanea nibo denobbiobe.

1 Yon 5:20

Eka nibo weng mak osa tekein kebuobe, Gode miine tenea nibo tekein kemino omye kesoa nibo obianoba Gode motonobo gabuobe. Eka nibo afen smike amit nine mitmakame God esa e miine Yesus Klaist esa i baka biobobe.

2 Fita 2:20

Nakai nib Sume Yesus Klaiste nibo hengmino temo biobo dotlanebio nakae wengo wenteniba kukub misiamo deibo biaib otane i imin kukub misiamo naib mole i dot misiam aniba i sino hengmino wafu binibbio gaisonomabiobe.

Hiblu 7:18

Gode hekmel wengo sino Mosese omalebuo baanoa Libaie molobsel ita Gode amo kimanin okoko okok kemine genobuo kukub olo nibo mo daabenota nib hengmino mo omtlabeim blim kesoa nibo Gode bibo mo monobta amit nomabbiobabe. Inamin kesoa Gode hekmel weng olo e sino Mosese omalebuo deibonebiobe.

2 Timoti 2:19

Ina otane Gode moton weng ole sbalobe. Makob sbal amuno nakai tebeloniba gibiba daak unanoa geiowanoa amo fibamino sbal manabo inanoa Gode weng osa sbal mabiobe. Gode weng olo dolanebio baanoa Sume e nakaia unangai tekein kebebo ge baanoa eka imin baanoa Nakaia unangai obianiba Ni Sume bainobo gabuobo gabibi kukub misiamo deiboniba kukub ayamo amit wafueine genobiobe.

Efesas 1:17

Ne nib Sume Yesus Klaiste e Aye Gode baabania Kobo Efesas bib seli bainobo gabibi bobol tem funin ayamo omyeba i keb kukubo kla tekein kebianiba eka keb wengo mitmakam osa kla tekein kenaine ge oha binabibe.

2 Kolin 4:6

Sinanggwano dabale mo klaim blim o dimo mililanamin ota biota Gode baanea Bomanale geneta bomanobiobe. Eka memalosa God ele imin inanea e ayale ni bobol temo eibe bia ni Klaiste atemnoba tekein kenoba Gode bain titilsabo genoba e niniino dobtouleb biobobe.

1 Kolin 13:12

Memalo nibo meme gwabi nabinabib inanoba inamin namino alukumo mo tekein kebobbabe. Besa ato ota tekein kebuobe. Makob nibo tenoba aayo eino biamo kikib ye mabianoba aa kikito dokamobo nib kibio klao mo watenabobba inanoba nibo Gode kukub osa alukumo mo tekein kebobbabe. Memalo nibo inanoba atosin ota tekein kebuobe. Sinanomo nibo Gode kibio atem nabianoba eka makob e nanea nib kukubo kla tekein kebe inanoba nibsa e kukubo kla tekein kenomabbiobe. Am olo dimo inamomabbuo nakai Gode wengo naka mak unang maki omkayebibo imino mo omyena bianiba eka nakaia unangai weng afeto o mitmakamo i mo tekein kebibbao imino mo obianiba eka nakaia unangai tekein kemin homono tekein kebibo imino mo tekein kenanomabibbabe. Am olo dimo inamin namin olo alukum blimanamabo

Fole Lom teni bainobo galini futano dola omfubesebe. 8:29

Niminbabe, Gode sinanggwano dabal esa inamin namin osa mo klaim blim bianea nakaia unangai dlakanea baanea Ne nakaia unanga eli kla gobe bli kesoa i naka molot unang molot aniba makob ne miine ulab aniba e ningwal an e nengwal an naniba homon aiba e nakaia unanga eli hek sum anamabebo genebiobe.

Dowan Weng Olo Yone Dolanebuotabe. 17:3

Afen smike amit nin ele mitmakamo inaminobe. Nakaia unangai nemie ile kobo bain kla tekein keniba Ae klebkiem klebta God motonobo geniba eka kobo Yesuse Klaist ne nemaneba tlibio nesa kla tekein kenaine getabe.

Dowan Weng Olo Yone Dolanebuotabe. 10:27

Eil sibsib ile amitie i kimanin nakae wengo wente bianiba kla bekeba haabinabiobe. Ne meletan isa inaniba ne wengo kla wentebiba eka nesa i kla tekein kebiam blia i ne beketne haabinabiobe.

Dowan Weng Olo Yone Dolanebuotabe. 10:14

Ne eil sibsib kimanin naka ayamobe. Ay Gode ne tekein kebea eka nesak e tekein kebiam blibe. Inamin kesoa nesa ne eil sibsibi tekein kebia eka isak ne tekein kebiam bliobe. Ne i bobolo fumbi kesoa ne kaanamino tolo mo tosiambibabe. Ne funania Nemaye kaania ne eil sibsibi daabenano gabibe.

Matyu 11:27

eka omito nakaia unangai baabenea Ne Aye inamin namino alukum omnenea Kimanale ge baatnenebiobe. Nakai Gode miin ne bobol tem funino mo tekein kebibbabe. Aye elekiem eleta ne bobol tem funino tekein kebebe. Eka nakai Ay Gode bobol tem funino mo tekein kebibba otane ne tekein kebibe. Nakai wanita ne dlakanimie isa Aye bobol tem funino tekein kenomabiobe.

1 Kolin 15:34

Ibo ib bobol tem funino misiam fumbib kesoa ibo ib bobol tem funin misiam olo deiboniba ibo hengmino imino mo hengamibe! Naka mak unang maki ib isak temo blibi i Gode mo tekein kebibba kesoa i bobol temo fumbianiba Nakaia unangai kaanimibo Gode i imino mo dohaanamabebabo ge fumbib kesoa ne funania Ibo ib bobol tem funin olo bobolo fumbianiba aal genaline ge baabenamabibe.

2 Kolin 11:20

Naka eli i okoko ibo dlasam bianiba eka ib imena afobeingao oise unebib otane i mo yang kebibbabe. I ibo dim oye bianiba baabeniba Ni naka sumobo ibo besa nakabo ge oye bianiba kibi sino biangowa yena yena binabiobe. I ibo inaye binabib otane ibo i mo watabibba kesoa ibo bobol tem funin blimobe.

Galesia 4:3

Sino nibo makob naka ten ele ulab bioba dabalimo kukub ota nibo kimabua kukub olo wafu bianoba bobol tem funin ayamo mo funin blim binobbiobe.

Dowan Weng Olo Luke Dolanebuotabe. 5:38

Nakai eil aalo mema ota waen aayo memao ibaine! I inanimibo eil aale mo belaneta waen aaye mo unamebabe.