Filibai 3:3 - Mian

³ Gode Hobe nibo bekebe bianea daayebe kesoa nibo Gode niniino dobtouleb biobobe. E inanea nibo daayebe kesoa nibo tekein kebuobe. Nibo Gode meletanobe. Nibo baanoba Yesus Klaiste naka ayamobo ge oha bianoba e wengo wafu bianoba Gode meletan anobbio kesoa nibo seimbuobe. Nibo mo funanobta Nibo nib aalo waketoumobo kukub olota nibo daabenota Gode meletan anomabbiobo ge funomobbabe.

Filibai 3:3 ပူးပေါင်းရင်းမြစ်များ

Kolosi 2:11

Yuda ni memei naka teni aalo wetlabenomobo baanoba Memalo i God emiobo gabinabob otane kukub olo besabe. I aalo olo bobol ota fumbianiba i aalo waketoubiobe. Otane ibole Klaiste tenaniba makob an blib kesoa ibo aalo bobolo mo fumbibbabe. Ibole Sume ib bobol temo hengmino omtlabenebuo bobol ota fumbib kesoa ni tekein kebuobe. Ibo God emiobe.

Fole Lom teni bainobo galini futano dola omfubesebe. 7:6

Ina otane memalo nibo Yesuse tena kaanobbio kesoa hekmel wengo nibo mo kima biobabe. Sino nibo funanoba Nibo Gode okoko okok kemomo genob kesoa nibo e hekmel wengo wafunin kukubo naatemobbu otane motono mo naim blimobe. Ina otane memalo Gode Hobe nibo dobyebio kesoa nibo e okok nakabe. Nibo mema kukub ota wafu bianoba e okoko okok kebuobe.

Galesia 5:25

Gode Hobe nibo daabenea nib bobol tem funino makob Gode bobol tem funino ulab anobbio kesoa nibo e wengo oyebeo kla wente bianoba ele weng baaneme iwat namomo!

Fole Lom teni bainobo galini futano dola omfubesebe. 8:15

Sino tosianin kukub ota ibo kima binobi otane memalo Gode Hobe ib bobol temo bibe bie kesoa tosianin kukubo ibo imino mo kima biobabe. Hobe nib bobol temo bie ele nibo daabenea Gode meme anoba E ayo ge ohabuobe.

Efesas 6:18

Ibo inaniba Gode nganhamine! Gode Hobe ibo baabenea Ibo Gode nganhamine ge baabenemeo ibo amitie Gode nganhamine! Ibo sbal maniba inamin namin wengo Gode nganhamine! Ibo tengo mo yemone! Ibo Gode nakaia unangai beten keye bianiba daayemine!

Fole Lom teni bainobo galini futano dola omfubesebe. 1:9

Ne Gode bobolo amitie fumbiania e okoko amitie okok kebiania e miine dowan weng ayamo nakaia unangai omkaye binabibe. Ne Gode amitie oha biania Kobo Lom teni kla kimanale ge oha bia Gode tekein kebebe, ne weng olo bainobe.

Futan olo Yut eta dolanebiobe. 1:20

Ina otane ne nekwal ibo i wengo mo wentaibe! Ibo Gode wengo bainobo geibbio kesoa ib bainobo galino sbal maniba ib sinwalo daabesese bianiba Gode Hobe e titilo ibo daayebea Gode nganhamine!

Fole Lom teni bainobo galini futano dola omfubesebe. 15:17

Ne Yesus Klaiste ni dab ni bobol tem funino makob an bianoba Gode okok olo okok kebi kesoa ne okok olo seinwe biania weng olo ibo dola omfubenamabibe.

Fole Lom teni bainobo galini futano dola omfubesebe. 9:6

Ne nekwal ibo Isleli Yesuse mo bainobo gabibbao wengo ne baabeio ne mo baanita Gode wengo Islel ni fanine Eblahame baabanebio e memalo mo inanemebabo ge baabenimibabe. Eblahame molofeite Islele molobseli homon walibbu otane maki Gode mo bainobo geim blim kesoa i Islel motonbabe. Yesuse bainobo gabib ita Islele molobsel motonobe.

2 Kolin 11:18

Naka homon unang homoni dabalim olo kukub ota wafu bianiba i niniino omfufu bianiba Ni kukubo klayamobo gabib kesoa nesa inania ne niniino omfania baania Ne kukubo klayamobo gabibe.

Galesia 6:16

Nakaia unangai ne weng olo wente bianiba wafu blib ibsa eka Islel naka mak unang maki Gode wengo bainobo gabib isa ibo Gode dohalim bianea bobol ayam omkayemeko!

Filibai 1:1

Fol nesa Timoti esa ni dabo Yesus Klaiste okok nakabe. Ni Yesus Klaiste bainobo galin nakaia unanga ibsa eka ib kimanin naka isa eka ib komokwal isa Filibai bib ye blib ibo ni futan olo dola omfubenomabbiobe.

Filibai 3:12

Ne mo baanita Memalo ne Klaiste kukubo alukum tekein kebi kesoa ne hengmino blimobo, ne naka ayamobo genimibabe. Ina otane Yesus Klaiste ne hengmino temo blio nemtlanea ne emi aibio kesoa ne e wengo wafu biania makob Yesus Klaiste ulab anano genita Klaiste okoko okok kebibe.

Filibai 3:14

Ne dabalim ele biania ne okoko nabia ne kukubo nabia o makob nakaia unangai tlan hamom gaibo dimo naka mak unanga maki Blublu monoba inamin namino gaisonoba inamin namino dlomo geniba blublu moniba gaisoniba inamin namino dlonabib inabibe. Ne kukub olo nabio mitmakamo inaminobe. Yesus Klaiste atdimo kaanea nib hengmino walubenebio kesoa ne Gode okoko sbalma wafu blia sinanomo Gode nemeb utnea e bib ayam ut nemfanea nano genita o okok ota sbalma okok kebibe.