Efesas 6:18 - Mian

¹⁸ Ibo inaniba Gode nganhamine! Gode Hobe ibo baabenea Ibo Gode nganhamine ge baabenemeo ibo amitie Gode nganhamine! Ibo sbal maniba inamin namin wengo Gode nganhamine! Ibo tengo mo yemone! Ibo Gode nakaia unangai beten keye bianiba daayemine!

Efesas 6:18 ပူးပေါင်းရင်းမြစ်များ

Matyu 17:21

[Inamin namin afeto naneba hob misiami fotebenamino blimobe. Beten osa eka imen halamin osa kukubo asu yo olotabo ge baabesebe.]

Matyu 26:41

Ibo kin wayemino deiboniba afen bianiba Gode nganhabib mole Gululame dlamanemeo sbal manomabiobe. Ib bobol tem funin oko ye inanomo gabib otane naka dam ibta beitalo bliobo ge baabenea

Dowan Weng Olo Make Dolanebuotabe. 13:33

Inamin namino am olo dimo tam tlamabo ibo mo tekein kebibba kesoa ibo klaniba waitne bianiba hembibte!

Dowan Weng Olo Make Dolanebuotabe. 14:38

Ibo kin wao yemino deiboniba afen bianiba Gode nganhabib mole Gululame dlamanemeo sbal manomabiobe. Ib bobol tem funin oko ye inanomo gabib otane naka dam ibta beitalo bliobo ge baabenea

Dowan Weng Olo Luke Dolanebuotabe. 21:36

Ibo klabianiba Gode nganhabiba titilo omkayebeta inamin namin kukubo gaiso gaiso bianibte! Ibo inabiba Abilim Da Tlemin Naka ne imin tlia ne kin dimo manimibo ibo aalo mo genalomabibbabo ge baabesebe.

Dowan Weng Olo Luke Dolanebuotabe. 22:46

baabenea Ibo aala blibo hananiba Gode nganhamine! Ibo Gode nganhabib mole Gululame dlamanemeo sbal manomabiobo ge baabesebe.

Dowan Weng Olo Luke Dolanebuotabe. 3:26

Eka Nagai ele Meate miinobe. Eka Meat ele Matataiase miinobe. Eka Matataias ele Semene miinobe. Eka Semen ele Yoseke miinobe. Eka Yosek ele Yodae miinobe.

Dowan Weng Olo Luke Dolanebuotabe. 3:37

Eka Lemek ele Metusalae miinobe. Eka Metusala ele Inoke miinobe. Eka Inok ele Yelete miinobe. Eka Yelet ele Mahalalile miinobe. Eka Mahalalil ele Kenane miinobe.

Abosel 1:14

Maliao Yesuse biem osa eka unang mak isa eka Yesuse ningwal isa i tetemnaniba mibianiba Gode amitie nganha binibbiobe.

Abosel 10:2

Konilias ele e alelo ikam osa eka e meletan isa i Yuda nakaba otane i Gode bainobo gabianiba e niniino dobtouleb bianiba Yuda nakaia unangai inamin namin blimi daaye bianea monio okaye bianea Gode amitie nganha binabebua

Abosel 12:5

Fitae klabutam tam bia Gode bainobo galin nakaia unangai Gode nganhabibta

Abosel 6:4

Nile Gode nganha bianoba e wengo omkeimamin okoko olota okok kemomabbiobo gesiba

Fole Lom teni bainobo galini futano dola omfubesebe. 12:12

Gode ibo baabenea Yesus Klaiste imin tenea ibo dletnea moniba ne bibam ye unaniba amit nomabiobo genebio kesoa ibo e weng olo kla fumbianiba seinine! Enino ib dimo tam tlamo ibo sbal maniba amitie Gode nganhamine!

Fole Lom teni bainobo galini futano dola omfubesebe. 8:15

Sino tosianin kukub ota ibo kima binobi otane memalo Gode Hobe ib bobol temo bibe bie kesoa tosianin kukubo ibo imino mo kima biobabe. Hobe nib bobol temo bie ele nibo daabenea Gode meme anoba E ayo ge ohabuobe.

Galesia 4:6

Memalo ibo e meme kesoa Hobe e miine bobol temo bie ele dabanea tenea nib bobol tem osa bianea daayebea nibo Gode oha bianoba Ay kobo ni ayobo ge ohabuobe.

Efesas 2:22

Yesus Klaiste bainobo galin naka unang ibsa eka bainobo galin naka mak unang mak isa ibo makob am olo tlakala taliba amana o ulab kesoa ibo makob nakai amo genabib inaminobe. Gode Hobe am olo tem tam biebe.

Efesas 3:18

Yesus Klaiste nibo kla gobe bie kesoa e gobenin kukub olo sumobe. O binano onon tlanoa ge dlakanobio kesoa ne Gode baabania Kobo bainobo galin nakaia unangai Efesas bib sel isa eka bainobo galin nakaia unangai bib mak bib mako blib isa alukum daabeneba i bainobo galino omsbal mabeneba i Yesus Klaiste kla gobe bie kukubo tekein keine! E gobenin kukubo sum kesoa nakaia unangai o klao mo tekein kenomabibbabo, kobo daabeneba i e gobenin kukubo kla tekein keine! I e gobenin kukubo kla tekein kenimibo i Klaiste kukub osa eka keb kukubo afet osa i alukum kla tekein keniba makob keb ulab aniba naka molot unang molot anomabiobo ge ohabibe.

Efesas 3:8

Ne Gode okok dlasanin nakai maki i tabab tem daak bli otane Gode ele bobol tem funin ye nemfakanea baatnenea Kobo Yudabai Yesus Klaiste wengo omkaye bianeba baabeneba E sinanomo inamin namin ayamo dokayemabebo ge baabenale ge baatnenebiobe.

Efesas 6:19

Eka ibo nesa beten kene bianiba daanemine! Ibo Gode oha bianiba Kobo Fole daabaneba e keb dowan weng ayamo sino ayok binabo otane e memalo omkeimabe kesoa kobo keb wengo e omaleba e nakaia unangai weng olo omkayemang gameo e tosianino deibonea keim omkayemeko ge ohamine!

Filibai 1:4

Ne Gode baabania Kobo i daabenale ge oha biania seinbibe.

Filibai 4:6

Ibo inamin namino talo mo wamibe! Ibo funaniba Ni inamin namino dlomo geib mole God eta baabaine! Eka ibo funaniba Ni inamin namin olo mo tekein kebobbabo geib mole osa God eta baabaibta alebeneko! Ibo inanimibo gangobo geine!

Kolosi 1:3

Ni ibo beteno daayemobo nib Sume Yesus Klaiste Aye Gode Gangobo ge ohabuobe.

Kolosi 1:4

Niminbabe, ni wentoba naka maki baabeniba Bainobo galin nakaia unangai Kolosi bibo blibi Yesus Klaiste bainobo gabianiba bainobo galin naka mak unang maki alukum kla gobesese bliobo gesiba wentenobta inabuobe.

Kolosi 4:2

Ibo amitie Gode nganha bianibte! Ibo Gode nganhamibo bobol tem afeto mo funimibe! Gode bobolo olota fumbianiba gangobo ge ohamine!

1 Tesalonaika 5:17

amitie Gode nganhamine!

1 Timoti 2:1

Ne wengo mikiktemo kobo baabkenamabi ole kobo naka mak unang maki baabeneba i nakaia unangai alukum beteno daaye bianiba Gode baabaniba Kobo nakaia unanga isa komok sum isa eka komokwali mak isa alukum daayemale ge oha bianiba Gode gangobo galine! Nibo inamob mole ayam bianoba Gode kukubo wafu bioba naka mak unang maki nib kukubo yateniba funaniba I kukubo ayamobo ge funanomabiobe.

2 Timoti 1:3

Ne faninwali Gode kukubo wafu binibbio kesoa nesa wafu blibe. Ne funania Kukub olo nabio molotobo gabibe. Ne kwin tebo dim osa boman tebo dim osa Gode amitie beten keha biania Kobo Timotie daabanale ge ohabibe. Ne keb bobolo fumbi kesoa Gode gangobo gabibe.

Hiblu 5:7

Sino Yesuse dabalim ele bie dimo e kaanamin bobolo funanea Gode sbal weng nganha bianea mebiam bianea e funanea Ne Aye daatnenamabebo ge funane kesoa Gode e wengo wentenea daabanebiobe.

1 Fita 4:7

Mubiang amo meb tebio kesoa ibo bobol temo klayam fumbianiba kukub ayam nabiam bianibte! Ibo inanimibo Gode kla beten kehamomabiobe.

Futan olo Yut eta dolanebiobe. 1:20

Ina otane ne nekwal ibo i wengo mo wentaibe! Ibo Gode wengo bainobo geibbio kesoa ib bainobo galino sbal maniba ib sinwalo daabesese bianiba Gode Hobe e titilo ibo daayebea Gode nganhamine!