Efesas 5:21 - Mian

²¹ Ibo Yesus Klaiste kla goba bianiba E ayamobo ge ohabib kesoa ibo ib sinwalo maki wengo kla wentubesese bianibtane!

Efesas 5:21 ပူးပေါင်းရင်းမြစ်များ

1 Kolin 16:16

Ibo i wengo baabenimibo kla wente bianiba eka naka mak unang maki i tenaniba Gode okoko okok kebibi weng osa ibo baabenimibo kla wentine!

2 Kolin 5:11

Ni tekein kebuobe, Sume Gode inanea nib kukub misiamo yang kebenamabe kesoa ni tosiananoba ni bobol temo fumbianoba Ni nakaia unangai daayeboba i Gode wengo tekein keine genoba ni amitie Gode wengo i aleyeboba bainobo gabiobe. Gode ni kukubo tekein kebebe. Ne funania Kolin bib sel isa ni kukubo tekein keniba baaniba Gode kin dimo Folwali kukubo klayamobo geine gabibe.

2 Kolin 7:1

Ne nekwal ibo ne ibo kla gobe blibe. Gode baabenea Ibo ne meme anomabiobo genebuo weng olo bain kesoa nibo Gode tolo tosiam bianoba sbal manoba nib damo hengmino namino deibonoba eka bobol tem misiam funino deibo nanoba Gode kin dimo kining anomo!

Galesia 5:13

Ne nekwal ibo Gode dlakanea baabenea Mosese hekmel wengo ibo mo kimanomone ge baabenebio kesoa ibo mo funanibta Memalo nibo Mosese hekmel wengo mo wafu biobba kesoa ninib bobol tem funin ota wafu bianoba hengmino henga bianobte ge funanimibe! Ibo kukub ayamo olota wafu bianiba naka mak unang maki bobolo fumbianiba gobe bianiba daayemine!

Efesas 5:22

Unang ibo ib imakwali wengo kla wenteye bianiba makob ibo Sume wengo wentebib inaniba kla wenteyemine!

Efesas 5:24

Inamin kesoa alelwal ibo ib imakwali wengo kla wente bianiba makob bainobo galin naka unang nibo Yesus Klaiste wengo kla wentebob inaine!

Filibai 2:3

Ib okoko sbal okok kemibo mo funanibta Ni inanoba sbal okok kemoba naka mak unang maki yateniba ni niniino dotouleb nine ge funanimibe! Eka ib okok ayamo okok kemibo naka mak unang maki mo baabenibta Ni okoko ayam okok kebuobo genimibe! Eka ibo mo funanibta Naka maki ayam otane nita i gaisenobbiobo ge funanimibe! Ib bobol temo fumbianiba naka mak unang maki ni gaiseibbiobo ge funine!

1 Timoti 2:11

Ne unang ibo oye biania Ibo Gode wengo nakai mo aleye bianibta omkayemibe ge oyebibe. Ibo kimik gebianiba nakai Gode wengo ibo omkayebibo wente bianiba weng olo kla funine!

1 Timoti 3:4

E alel osa meme isa i kla kima bianea eka memei kukub ayamo aleyebea memei e wengo kla wafuniba funaniba Ni Aye naka ayamobo ge funine!

Hiblu 13:17

Bainobo galin nakaia unanga ibo ib kimanin nakai wengo wentine! I ibo kima bianiba daayebiobe. Sinanomo i Gode baabaniba Ni nakaia unanga eli inanobta kima binobbiobo ge baabanomabib kesoa ibo i wengo wente bianiba wafunine! Ibo i wengo wentemib mole i seimbianiba i okoko kla okok kemomabiobe. Ina otane ibo i wengo mo wentemin blim keib mole i bobolo ilum omfubenoa i ibo klao mo daayemin blim keiba ibo Klaiste bobolo klao mo funomabibbabe.

1 Fita 2:13

Ibo Sume bobolo kla fumbianiba eka dabalim olo kimanin nakai wengo kla wente biam bianiba wafu nine! Eka nib komoke gabmane weng osa kla wente bianiba wafunine!

1 Fita 2:17

Ibo nakaia unangai alukum weng ayamo oye bianiba eka ib nekwali bainobo gabibi kla gobe bianiba Gode tolo tosiam biam bianiba eka ib bibamo waneta komok sum anea kima biameo weng ayam oha biam bianibte!

1 Fita 5:5

Tembal ibsa naka gangi wengo kla wenteye bianiba ili weng baanimib iwat namine! Eka bainobo galin nakaia unanga ibo alukum untak nganin kukubo deiboniba naka mak unang maki daabesese nine! Niminbabe, Gode buk temo baanoa Gode untak nganin nakai wengo omdibiyebe otane nakaia unangai untak nganin blim ile kla daabenamabebo genobiobe.