Efesas 4:15 - Mian

¹⁵ I ina binabib otane nibo i kukubo mo omeisenobta naka mak unang maki dimo mo oyemobe! Nibo i kla gobe bianoba bain wengo olota oyemomo! Nibo kukub misiamo deibonoba Klaiste kukubo olota wafu bianoba makob Klaiste ele ulab anomo! E nib kimanin nakabe.

Efesas 4:15 ပူးပေါင်းရင်းမြစ်များ

Dowan Weng Olo Yone Dolanebuotabe. 1:47

Yesuse temea Nataniele esu tlang genea tebe kesoa Yesuse baanea Naka ele Islel ten motonobe. E bobol temo dim omin kukubo blimobo gesea

Fole Lom teni bainobo galini futano dola omfubesebe. 12:9

Ibo Ni bobol temo ni nekwali omyenoba gobenomo geib mole bain omyeniba gobeine! Ibo mo omyobobo genibta dim baanimibe! Ibo kukub misiamo ib nekwali omkayemin kukubo deibueine, o mo gobo nimibe! Ibo kukub olo deiboniba kukub ayam osa eka daayemin kukub osa ota kla wafueine!

1 Kolin 11:3

Ne weng mako baabenamabio ibo kla wentine! Naka maki obianiba Gode elekiem eleta nib kimaninobo, eka naka mak ile nibo mo kima blibba kesoa nibo nib gabam otabbumino detlanomobo naka mak unang maki yatem tekein keniba naka make i mo kima biebabo, Gode elekiem eleta i kima biebo genomabiobo ge obianiba i Gode wengo naka mak unang maki omkayemom gaibo i gabam otabbumino detla bianiba omkayebib kesoa i kukubo ayamobe. Imakwali inabibo i alelwal isa obianiba Nib imakwali nib kimanin kesoa nibo gabam otabbumino otabbanomobo naka mak unang maki yateniba funaniba Nakai nib kimaninobo genomabiobo ge obianiba i Gode niniino dobtouleb nom gaibo i gabam otabbumino otabbaniba e niniino dobtouleb bliobe. Naka homon unang homoni kukub olo wafu blibo kukub olo ayamobe. God ele Yesus Klaiste kimaninobe. Eka Yesus Klaist ele nakai kimaninobe. Eka naka ile unangi kimaninobe.

2 Kolin 4:2

Naka maki kukub misiamo ayok nabib otane nile inamin kukub olo aal waisenoa deibonobbiobe. Ni mo dim baanobta weng afeto omkeimanobta Olo Gode wengobo ge obobbabe. Ni Gode wengo keim omkeimaboba naka mak unang maki wente bianiba baaniba Weng olo moton Gode wengobo ge obiba eka God esa ni wengo wente bianea yateme biam bie

2 Kolin 8:8

Ne ibo mo baabenita Ibo nakaia unangai maki monio oyine gabibabe. Ne funania Masedonia seli monio oloniba naka mak unang maki okaye binibbuo weng sango ne Kolin bib seli baabeia isak inaniba monio nakaia unangai inamin namin blimi okayemib mole ne tekein kenia i nakaia unangai gobe biobobo gabibo i besa sitalo mo obibbabo, i bobol temo bain nakaia unangai omyenibta gobe bliobo genano genitabe.

Efesas 1:4

Sinanggwano Gode dabale mo klaim blim bianea nibo dlakanea funanea Sinanomo i Klaiste bainobo geniba e meletan animibo ne kin dimo i hengmin blimanomabiobo ge funane kesoa nibo dlakanebiobe.

Efesas 2:21

Klaiste isak amunobe. E nekek genea amo alukum omakibila bie kesoa o mo dobo blelanomobabe. E nekek genea omakibila bie kesoa Gode am olo tem tam biebe.

Efesas 4:25

Ibo makob Klaiste meletan kesoa dim omin wengo deiboniba bain wengo olota omine!

Efesas 5:23

Yesus Klaiste bainobo galin nakaia unangai makob e damobe. E atdimo kaanea i hengmino temo blibo dotlanebio kesoa memalo e i kima bie inaniba imakwali alelwali kla kimaine!

1 Fita 1:22

Ibo Gode bain wengo wenteniba bainobo geniba ib bobol temo kining am blib kesoa ibo bainobo galin naka maki besa sitalo mo baabenibta ni ibo gobe biobobo genimibe! Ibo ib bobol temo bain omyenibta kla gobeine!

1 Fita 2:2

Ibo meme gwabi awokwali moo dafao meye binabib inaniba ibsa Gode wengo bobolo wayebua kibianiba Gode nib hengmino temo biobo dotlanebio kukubo kla tekein keine!

2 Fita 3:18

Ibo Sume Yesus Klaiste nibo hengmino temo biobo dotlanebio nakae tekein kebib kesoa ib tekein kemino sum anoko! E ibo daaye binebio kesoa ibo e kukubo bobol ota amitie funine! Ibo amitie memalosa sinanomosa E niniino sumobo ge ohamine! Bainobe. Ne wengo bayotabe. Fita neta ib futan olo dola omfubenamabibe.

1 Yon 3:18

Ne meme ibo nibo nib nekwali kla gobe bianoba daayemino mo deibonobta besa sital ota obianobta ni gobe biobobo galaobe! Nibo kla gobe bianoba daayemomo!