Efesas 4:14 - Mian

¹⁴ Nibo Klaiste ulab anomobo nibo meme gwabi kukubo mo wafu nomabbiobabe. Meme gwabi i kukub ayamo klao mo tekein kebibba kesoa i kukub ayam osa misiam osa wafu blib otane nib ole kukub ayamo kla tekein kebob kesoa kukub misiamo mo wafu nomabbiobabe. Nibo inanoba sbalma bioba dim omin nakai funaniba Ni wengo i omkayemobo wenteniba Klaiste wengo deiboniba ni weng ota wafueine ge funaniba teniba dim omin wengo nibo omkayemibo mo wafu nomabbiobabe.

Efesas 4:14 ပူးပေါင်းရင်းမြစ်များ

Matyu 11:7

Yone okok aleyemin nakai deiba uniba Yesuse nakaia unangai Yone weng sango baabenea Sino ibuantemo mota nimin watemomo geta unibbue? Nakai bobol temo tekayebua bobol tem homon homon fumbinabibi i makob glole makalo oleb une tlebinabe inaminobe, Yone i ulaba? Yeye.

Matyu 24:11

eka naka homoni dim wengo omkeimalin nakai teniba i dim omin wengo omkeimansiba nakaia unangai homoni i wengo wenteniba bainobo gabiam nabiba

Matyu 24:24

Naka homoni Gode dlakanebio nakaia unangai bainobo galino misiam omfubenomo geniba teniba dim oye bianiba maki baaniba Ne Gode Dofakamin Naka Klaist netabo gesib eka maki baaniba Ne Gode weng omkeimalin naka netabo gesib bianiba i inamin namin okok sumo klabianiba funaniba Nakaia unangai ni okok sum olo klamobo watemaibo ni bainobo gebenomabiobo geniba inamomabib otane

Abosel 23:21

kobo i wengo mo wentaebe! Nakai 40 yei baaniba Moton abilim ewitobo, nibo Fole ayok waisanoba ananoba kaaneko! E sma afen biameo ni imena aayao mo dowonomabbiobabo ge baaniba waisa bliobe. Kobo debeb mo temaebo ananomabiobo ge baabasea

1 Kolin 12:2

Ibo tekein kebiobe, sino ibo Yesus Klaiste bainobo geim blim blib dimo Gululame ibo nganabenea teniba nakai aso weloniba smiko klaibbuo weng ominba o niniin ota omtouleb binibbiobe.

1 Kolin 14:20

Ne nekwal ibo ne weng olo kla wentine! Ibo mo meme gwabi ulab anibta wengo dabalim nakaia unangai mo obinabibbao obianibta o bobolo mo funimibe! Meme gwabi mo tekein kenibta kukubo yo nanomob ota nakaia unangai daabenamabobe gabibbabe. Otane naka gang ile bobol temo kla fumbianiba Kukubo yo nanomob ota nakaia unangai daabenamabobe eka yole i mo daabenamabobabe gabib kesoa ibo meme gwabi funino deiboniba naka gangi bobol temsaine! Inanomabib otane ib bobol temo kukub misiam namino o bobolo dokobenoa deiboniba makob meme gwabi bobol tem fumbib inaine!

1 Kolin 3:19

Nakaia unangai dabalim olo inamin namin homono tekein kebib ile Gode oye bianea I tekein kemino blimobo ge oyebebe. Gode buk temo baanoa Nakaia unangai bainobo gabibbai obianiba Ni tekein keminsa kesoa inamin namin olo nanomabbiobo gabib otane Gode baabenea Ibo inamin namin olo mo nanomabibbabo ge baanea i watwat dabenamabebo genobiobe.

2 Kolin 2:17

Naka homoni fumbianiba Ni Klaiste wengo omkeima bianoba o molo monio boka bianobte gabib otane nile mo inangge fumbobbabe. Ni kukubo inaminobe. Klaiste titilo dimo Gode ni dlanea bib mak bib mako haabianoba Klaiste wengo omkeimabobo Gode tekein kebebe ni kukubo molotobe.

2 Kolin 4:2

Naka maki kukub misiamo ayok nabib otane nile inamin kukub olo aal waisenoa deibonobbiobe. Ni mo dim baanobta weng afeto omkeimanobta Olo Gode wengobo ge obobbabe. Ni Gode wengo keim omkeimaboba naka mak unang maki wente bianiba baaniba Weng olo moton Gode wengobo ge obiba eka God esa ni wengo wente bianea yateme biam bie

Galesia 3:1

Galesia nakaia unanga ibo ib bobol tem funino misiamobe. Ibo naka maki i weng afeto ibo omkayebib ota wafuniba Klaiste weng ayamo deibueibobe. Ibo nimin kenibta i weng olo wentebibe? Sino ne wengo ibo keim baabenia Yesus Klaiste atdimo kaanebiobo ge baabeibiobe.

Efesas 6:11

Ibo Gode awa genalin youmo doyebuo dlusaine! Ibo youm olo dlusaib mole Gululame baabenea Ibo kukub misiam olo namine ge baabenemeo ibo Yeye geniba deibanomabiobe.

1 Timoti 3:6

Eka nakae Gode mema bainobo geneme e Gode bainobo galin nakaia unangai mo kimanemene! E inane mole e untak ngambianea funanea Ne kimanin naka sumobo genea Gode wengo omdibihamsea Gode baanea E kukubo misiamobo genamabeo makob sino Gululame e bobol temo funanea Ne niniino sum anano gansea Gode baanea Keb kukubo misiamobo genebio inabanamabebe.

2 Timoti 1:15

Kobo tekein kebeobe, Fiselas esa eka Hemosenis esa eka Esia betano bib mak bib mak sel isa i alukum ne daatnenamino deitne bliobe.

2 Timoti 3:13

Naka misiam isa eka nakai dim omin wengo isa i nakaia unangai dim weng olo alebeiba i wenteniba bainobo genomabiobe. Eka Gululam esak e dim omin wengo omeb tenea dim omin wengo aleyebib naka eli baabesea i wenteniba bainobo gebenomabiobe. Memalo i kukub misiamo nabib otane sinanomota i kukub misiamo dot sum namomabiobe.

2 Timoti 4:3

Niminbabe, sinanomo nakaia unangai weng motono mo wentomabibbabe. I weng afeto Gode wengbao kla gobo blibo bobolo fumbianiba nakaia unangai weng olo aleyebibi baabeniba Ibo teniba nisu ele tlaniba ib weng olo alebeine ge oyemomabiobe.

Hiblu 13:9

Naka maki weng afeto omkayemibo ibo i wengo mo wentaibe! Ibo i weng olo wenteniba Yesus Klaiste weng ayamo abuk waulib mole kukub olo misiam kesoa ibo i wengo mo wentaibe! Gode nibo daaye binabe olo nib bobol temo dosbalsam binabo kesoa nibo Gode kukubo kla wafunomo! Naka maki baabeniba Ibo imen olota doweine, eka imen mak olo mo dowonaibe! Ibo inaib mole ayam anomabiobo ge baabeibbio weng olo besabe. Ibo weng olo wenteniba inaib mole kukub olo Gode wengo kla wafunin kukubo mo daabenamabobabe.

Yems 1:6

Ibo inangge baabaib mole funaniba Gode bobol tem funin ayamo omyamabebo ge funaine! Ibo mo funanibta Gode bain omyamabe bleka deibenamabeso ge funanimibe! Ibo bobol tem asuo mo funanimibe! Ibo bobol tem asuo funaib mole ibo makob aso glole olasambea oleb une tlebuo ulabobe.

Yems 3:4

Eka weseme esa sumobe. Aayo menganoa obki unamabo otane nakai ful gwabo dloniba weseme bebe biamo aaye afan sin da waisa kweital sin da waisa bianiba weseme mukunge molot ofa ofa blibta une binabebe.

2 Fita 2:18

I ili untak ngambianiba wengo mitmakam blimo obiam bianiba taman kukub osa kukub misiamo afet osa o bobolo fumbianiba nakaia unangai kukub misiamo deibueibbuei men weng men weng oye bianiba kukub olo misiambabo, nibo namomo ge oye biam bliobe.

1 Yon 2:19

Naka eli Gode Dofakamin Nakae afin am binibbio mole i e bainobo galin naka unang nibo baka biomabib otane i nibo deibe unibbio kesoa nibo tekein kebuobe i Gode Dofakamin Nakae meletanbabe.

1 Yon 2:26

Naka eli ibo dim baabeniba ib bainobo galino watwat dabenom genabib kesoa ne i weng sango ibo futan olo dola omfubenamabibe.

1 Yon 4:1

Ne nekwal ibo hobe weng omkeimalin nakai homoni moniba bib mak bib mako haabianiba nakaia unangai baabeniba Hobe ni bekebe biebo gabianiba inamin namin wengo oyemibo ibo weng olo hebmamsabo mo bainobo genimibe! Ibo i wengo naateniba tekein keniba weng olo bain Gode Hobe weng bleka dim omin hobe weng eso geniba moton manibte!

Futan olo Yut eta dolanebiobe. 1:12

Ibo ib nekwali tenaniba imeno wembianiba Gode bobolo funom gaibo dim omin naka elisa teniba ib imeno baka wembinabiobe. I mo funanibta Ni kukubo misiamobo ge fumbibbabe. I inaniba ib imeno baka wembianiba kukub misiamo nabianiba aay misiam wembiam bianiba gabamon temo mimau bebua Gode weng dobo weng ohabib kesoa naka mak unang maki ibo yateniba baabeniba Bainobo galini kukubo misiamobo gabiobe. Naka maki imeno blim bibe biam otane dim omin naka eli i bobolo mo funanibta daabenimibbabe. I deibeniba imeno imaye mifin wembinabiobe. I makob abilim uto ayungo eing tomong genoa abil aamuke einea soko tenoa dabale daabanang genabua glole tenea fubonea iibo wa oleb onon tlanea soko tenamino denabo inaniba isa nakaia unangai mo daayebibbabe. I makob iwato hoon ansoa kimanino deibueibbua halal genoa mit baka gemelo blelanoa gatanoa abianabo inaniba i makob hami ulab kesoa i naka mak unang maki mo daayebibbabe.

Lebelesen 19:20

naka ele kulan haleb esa e dim wengo omkayemin naka esa i klabuto gebenea yatemibe. Sino kulan halebe dim wengo omkayemin naka ele okok homono kulan halebe kin dimo klabea nakaia unangai kulan halebe niniino i dimo bibe bio isa eka e smike niniino dobtouleb blib isa i kukub olo watemniba funaniba Kulan halebe sumobo ge funaibbio kesoa kulan haleb esa eka e weng dimo omkeimalin naka esa i mo kaaim blim bliba afen dolbiaiba daakniba dabal tem daake ase sume tom baka eimbianea atole blit blit gabe tem daak uniba yatemna bia