Efesas 3:21 - Mian

²¹ Yesus Klaiste nibo daabenebio kesoa e bainobo gabob nibo Gode niniino memalosa sinanomosa amitie dobtouleb nomo! Bainobe.

Efesas 3:21 ပူးပေါင်းရင်းမြစ်များ

Matyu 6:13

Gululame tenea menganea baabenea Ibo inamin namin kukub olo naine genemeo kobo e mo deibanebta ni dlamanemene! Kobo ni kla daabeneba ni mo henganomobe ge baaniba beten keine!

Dowan Weng Olo Luke Dolanebuotabe. 2:14

Ni abilim ut bianoba Gode niniino kla dobtouleb nomabbiobo, eka dabalim olo naka mak unang maki Gode gobe biei bobol tem ayam omyebo gesiobe.

Fole Lom teni bainobo galini futano dola omfubesebe. 11:36

Gode ele bobol tem funanea Ne inamin namino alukum klanano gene kesoa e inamin namino weng baanea tam te te tlanobiobe. Gode Sumobe. E inamin namino alukum kima bie kesoa o e niniino dobtouleb biobe. Nibsa e niniino amitie dobtouleb nomo! Bainobe.

Fole Lom teni bainobo galini futano dola omfubesebe. 16:27

Gode elekiem eleta inamin namino alukum tekein kebebe. E Yesus Klaiste dabanea tenea atdimo kaanea nibo dleb metenea God esu ele danebio kesoa nibo Gode niniino dobtouleb nomo! Bainobe. Ne wengo bayotabe. Fol neta ib futano dola omfubenamabibe.

Galesia 1:5

Nibo Gode niniino amitie dobtouleb nomo! Bainobe.

Efesas 1:6

Gode e miine e kla goba bie dabanea daakenea kaanea nibo hengmino temo biobo dotlanebiobe. Gode inanea nibo daabenebio kesoa e kukub olo dot ayamobe. Nibo e niniino dobtouleb nomo!

Efesas 2:7

Gode fatnaneta nibo inabenebue? E Yesus Klaiste dabanea daakenea nibo hengmino temo biobo dotlanebio kesoa nakaia unangai memalo blib isa eka sinanoa walo unomabib isa e kukub olo wateniba funaniba Gode kla gobe bianeta daabenebiobo ge funomabiobe.

Efesas 4:1

Ne Sume okoko okok kebi o dafa ota naka maki klabuto ge nemeb teniba klabut am ele daibbua bianita weng olo baabenamabi kesoa ibo wentine! Gode ibo dlakanea hengmino temo blibo dotlanea baabenea Ibo ne kukubo kla wafueine genebio kesoa ibo e wengo kla wenteniba e kukubo wafueine!

Filibai 1:11

Ibo Yesus Klaiste bainobo gabiba e ibo daayebe kesoa ibo inamin namin kukub ayam ota wafunomabiobe. Ibo amitie kukubo ayam ota wafu bliba nakaia unangai ib kukubo ayamo nabibo yateniba baaniba Gode niniino dot sumobo geniba e niniino dobtouleb nine getabe.

Filibai 2:11

baaniba Yesus Klaiste Sumobo ge baanomabiobe. I inangge baanimibo naka mak unang maki i wengo wenteniba baaniba Aye God esa e niniino Sumobo geniba e niniino dobtouleb nomabiobe.

Filibai 4:20

Nibo amitie nib Aye Gode oha bianoba Keb niniino Sumobo ge ohamomo! Bainobe.

2 Timoti 4:18

I kukub misiamo nanemibo Sume ne daatnenea nemeb utnea e kimanin bib ut danamabebe. Nibo amitie e niniino dobtouleb nomo! Bainobe.

1 Fita 2:5

Ibsa makob sbal amune ulabobe. Gode dleb utnea am ayamo genamabebe. Ibo makob sinanggwano Gode amo kimanin nakai kining kesoa eil sibsibi yenaniba Gode amo heitdahamin biino dim ut dlaniba funiba Gode dokaha binibbio inaniba ib dam osa ib bobol tem funin osa Gode omaline! Niminbabe, Yesus Klaiste atdimo kaanea nib hengmino walubenebio kesoa Gode obianea Nakaia unangai hengmino deiboniba i bobol tem funin osa i dam osa ne omnem blib kesoa i kukub olo ayamobo gabinabebe.

1 Fita 5:11

E titil sum olo amit namabobe. Bainobe.

2 Fita 3:18

Ibo Sume Yesus Klaiste nibo hengmino temo biobo dotlanebio nakae tekein kebib kesoa ib tekein kemino sum anoko! E ibo daaye binebio kesoa ibo e kukubo bobol ota amitie funine! Ibo amitie memalosa sinanomosa E niniino sumobo ge ohamine! Bainobe. Ne wengo bayotabe. Fita neta ib futan olo dola omfubenamabibe.