Efesas 1:17 - Mian

¹⁷ Ne nib Sume Yesus Klaiste e Aye Gode baabania Kobo Efesas bib seli bainobo gabibi bobol tem funin ayamo omyeba i keb kukubo kla tekein kebianiba eka keb wengo mitmakam osa kla tekein kenaine ge oha binabibe.

Efesas 1:17 ပူးပေါင်းရင်းမြစ်များ

Matyu 11:25

Am olo dim ota Yesuse Gode baabanea Ay kobo abilimo Sum eka dabalimo Sum na kesoa ne Klayamobo ge baabkenamabibe. Niminbabe, naka maki funaniba Ni tekein kemino sumobo gabibi kobo keb inamin namin okok ayamo mitmakamo mo alebeim blimobe. Otane naka maki tekein kemino sumba makob men gwabi bobol tem funino ulab aibi kobo kukub olo mito alebenebobe.

Matyu 11:27

eka omito nakaia unangai baabenea Ne Aye inamin namino alukum omnenea Kimanale ge baatnenebiobe. Nakai Gode miin ne bobol tem funino mo tekein kebibbabe. Aye elekiem eleta ne bobol tem funino tekein kebebe. Eka nakai Ay Gode bobol tem funino mo tekein kebibba otane ne tekein kebibe. Nakai wanita ne dlakanimie isa Aye bobol tem funino tekein kenomabiobe.

Matyu 16:17

Yesuse baabanea Saimono, Yonae miin kobo ne seinkebibe. Dabalim nakai ne weng sang olo mo alebkeim blimobe. Ne Aye abilim ut bieta weng olo alebkenebe.

Matyu 20:33

i baabaniba Sum kobo ni dabo kino klaubenale genobtabo gesiba

Matyu 6:13

Gululame tenea menganea baabenea Ibo inamin namin kukub olo naine genemeo kobo e mo deibanebta ni dlamanemene! Kobo ni kla daabeneba ni mo henganomobe ge baaniba beten keine!

Dowan Weng Olo Luke Dolanebuotabe. 12:12

Am olo dimo Gode Hobe alebenea Ibo wengo enangge baabeine ge alebenamabebo ge baabesebe.

Dowan Weng Olo Luke Dolanebuotabe. 2:14

Ni abilim ut bianoba Gode niniino kla dobtouleb nomabbiobo, eka dabalim olo naka mak unang maki Gode gobe biei bobol tem ayam omyebo gesiobe.

Dowan Weng Olo Luke Dolanebuotabe. 21:15

Nemaye wengo ib sitalimo omfube nabiania tekein kemino omye nanamabibe. Wasi nakai ib wengo mo ombiabenibta ne wengo omyamio omabbube nomabibbabe.

Dowan Weng Olo Yone Dolanebuotabe. 14:17

Nakaia unangai dabalim kukubo wafu blib ile Hob ele mo atem tekein kebibba kesoa e isuo mo biamabebabe. Otane ibole e tekein kebiobe. Niminbabe, etem ibtem nabianiba e ib bobol temo namabebe.

Dowan Weng Olo Yone Dolanebuotabe. 14:26

Sinanoa ne deibe unamio Ay Gode e Hob Ayame dabanea tenea ne alango dokonamabe eta inamin namino alukum alebeneta watem nabianiba eka ne sino inamin namino baabei biamo osa e imin oyebea funomabiobe.

Dowan Weng Olo Yone Dolanebuotabe. 16:3

I inamomabibo Aye ni dumo i mo tekein kebibba kesota namomabiobe.

Dowan Weng Olo Yone Dolanebuotabe. 17:3

Afen smike amit nin ele mitmakamo inaminobe. Nakaia unangai nemie ile kobo bain kla tekein keniba Ae klebkiem klebta God motonobo geniba eka kobo Yesuse Klaist ne nemaneba tlibio nesa kla tekein kenaine getabe.

Dowan Weng Olo Yone Dolanebuotabe. 20:17

Yesuse baabonea Ne Ay esuo mo unim blim bli kesoa obo ne mo nafunemebe! Deitneneba moneba ne nekwali baabeneba Yesuse baanea Ne monia Aye God esu unamabibe. E ibsa ib Ay Godobo genebo ge baabenale ge baabonea

Abosel 6:10

Gode Hobe Stibene titilo omalea e i wengo omabbubene kesoa

Abosel 7:2

Stibene baabenea Ne nekwal ibsa aywal ibsa wentine! Gode titilo sumobe. Sinanggwano nib fanine Eblahame Helan bibo mo unim blim sma Mesobotemia betan ye bieta God ele tenea Eblahame baabanea

Fole Lom teni bainobo galini futano dola omfubesebe. 1:28

I Gode wengo tekein kebib otane ina bianiba funaniba Ni Gode bobolo mo funomobbabo ge funaniba Gode deiba blib kesoa esak i deibenea ili bobol tem funin misiam ota wafu bianiba kukub misiamo nabiobe.

Fole Lom teni bainobo galini futano dola omfubesebe. 15:6

Ibo inanimibo ib bobol tem osa ib sital osa makob aniba Gode niniino dobtouleb nomabiobe. E nib Sume Yesus Klaiste Ayobe.

1 Kolin 12:8

Gode Hobe e titilo nibo alukum afet afet omye biobe. Maki Gode wengo naka mak unang maki kla omkayemin titilo omkaye bianea eka mak ile Gode wengo mitmakamo naka mak unang maki alebeiba tekein kenamin titil omkaye bianea

1 Kolin 14:6

Ne nekwal ibo wentine! Sinanoa ne ibsuo natlamabio wengo dabalim nakaia unangai mo obinabibbao baabei mole ibo o mitmakamo mo tekein kenibta o ib bobol tem funino mo daabenamabobabe. Otane ne Gode wengo ninib weng omkeimania omyami ota ibo kla wentenibta o ib bobol tem funino daabenamabobe. Ne Gode wengo e inamin namino nanamabeo wengo ninib weng omkeima biania ibo aleyemi ota ibo kla wentenibta weng olo ib bobol tem funino daabenamabobe.

1 Kolin 2:10

Inamin namin olo ayok bu otane Gode e Hobe baabanea Kobo ne weng ayok olo ne bainobo galin nakaia unangai aleyemale ge baabanea e Hobe e weng ayok olo nibo alebenebiobe. Gode Hobe inamin namino alukum tekein kebianea Gode bobol tem funin osa eka e wengo sino ayok binobu osa e alukum tekein kebebe.

1 Kolin 2:8

Komokwali dabalim olo blibi Gode weng ayok olo mo tekein keim blimobe. I weng olo tekein kebib biamo nib Sume Gode miine atdimo mo dabasaniba silo biki ananimibbabe. Otane i weng olo mo tekein keim blim kenibta anaibbiobe.

2 Kolin 12:1

Ne nene niniino omfufumio kukub olo ne mo daatnenamaboba otane ne funania Kolin bib seli tekein keniba Fole Yesuse okok dabasanin nakabo geine genita weng olo baabenamabibe. Deib afeto blimobe. Ne Sume Gode inamin namin kukubo dam deib aletne nabianea eka inamin namino mako sino ayok binobio osa aletnenebio kesoa ne o weng sango ibo baabenamabibe.

Efesas 1:3

Nibo Yesus Klaiste bainobo genobbuo dimo Gode nibo inamin namin ayamo omyebiobe. Nibte Yesus ete nanoba nib bobol tem funino makob anob kesoa Gode inamin namin ayamo esu buo omyebiobe. E inanebio kesoa nibo nib Sume Yesus Klaiste e Aye Gode niniino dobtouleb nomo!

Efesas 3:5

Sinanggwano Gode e weng ayok olo nakaia unangai dabalim olo binibbuei mo alebeim blimobe. Otane memalo e Hobe Yesuse okok dlasanin naka nisa eka Gode weng omkeimalin naka isa ni alebenebio kesoa ni Gode weng ayok olo tekein kebuobe.

Efesas 4:13

Inamin kesoa Klaiste bainobo gabob naka unang nibo alukum nib bobol tem funino makob Klaiste bobol tem funino ulab kesoa nibo Gode miine kukubo kla tekein kenomabbiobe. Nibo Klaiste kukubo kla tekein kenomob dimo nibo naka molot anoba makob Klaiste ulab anomabbiobe.

Filibai 3:15

Bainobo galino sbalma blib naka unang ibo ne weng ele baai olo kla wenteniba ib bobol temo makob ne bobol tem funino ulab aine! Ina otane mak ibo ib bobol temo afet fumbib mole God eta ibo bobol tem funin ayamo omyeko!

2 Timoti 2:25

E nakaia unangai e wengo omdibimibi weng fiab omkaye bianea funanea Gululame nakaia unanga eli makob eil halebi imiko yafunabo inanea yafu bie kesoa i e okok ota okok kebib otane Gode daabenemeo i hengmino deiboniba i bobol temo deskiniba omoniba Gode omaniba imaye Gululame kweiban dimo deibaniba meteniba Gode weng motono wentemomabiobo ge fumbianea nakaia unanga eli Gode wengo fiab aleyemeko!

Taitas 1:1

Ae Taitas kobo ne Fol neta keb futan olo dola omfubkenamabibe. Nib dabo Yesus Klaiste bainobo gabuobe. Sino ne Yesus Klaiste wengo kobo omkake bia bainobo genebbio kesoa kobo makob ne miinobe. Ne keb futan olo dola omfubkenamabibe. Ne Gode okok naka eka Klaiste okok namasanin naka na netabe. Ne Yesus Klaiste wengo nakaia unangai omkayebi kesoa nakaia unangai Gode dlakanebuei e weng olo wente bianiba bainobo geniba Gode moton wengo kla tekein keniba sbalma wafunomabiobe. Sinanggwano Gode dabal ele mo klaim blim bio dimo e moton wengo baanea Ne nakaia unangai ne bainobo genimibi dleb ut daya amit nomabiobo genebio e wengo dimbabe. E wengo amitie bain weng obinabebe. Ne weng olo nakaia unangai aleyebi kesoa i weng olo tekein keniba Yesuse imin tenea dleb utnea abilim ut danea amit nomabibo waiso bliobe. Sinanggwano Gode amo kinea yo dim ota ne moton wengo omyano genebuo amo yo tlo kesoa yo dimo e moton wengo naka maki omkayebea i omeb moniba naka mak unang maki omkayebiba wente binibbiobe. Eka Gode nibo hengmino temo biobo dotlanebio nakae e weng olo nesa omnenea baatnenea Kobo ne weng olo naka mak unang maki omkayemale ge baatnene biobe. Nib Aye God esa eka nibo hengmino temo biobo dotlanebio nakae Yesus Klaist esa kobo daake bianiba bobol ayam omkakemine!

Yems 2:1

Ne nekwal ibo Sume Yesus Klaiste bainobo gebaibbue e Sumobe. E titilo ayal inamin einebio kesoa ibo naka maki unaal kino mo yatenibta baanibta Nakae inamine ayamobo, eka inamin ele misiamobo genimibe!

2 Fita 1:3

Gode titilo sum eka e kukub osa ayam nabe. E nibo dlakanea nibo e bainobo genoba e tekein kenobbiobe. E funanea I makob Yesus Klaiste kukub ayamo wafune inaniba isa kukub ayamo wafueine gene kesoa e titil sumo nibo omyebuo titil olo nibo daayebua nibo Klaiste kukub ayamo kla wafu biobobe.

2 Fita 3:18

Ibo Sume Yesus Klaiste nibo hengmino temo biobo dotlanebio nakae tekein kebib kesoa ib tekein kemino sum anoko! E ibo daaye binebio kesoa ibo e kukubo bobol ota amitie funine! Ibo amitie memalosa sinanomosa E niniino sumobo ge ohamine! Bainobe. Ne wengo bayotabe. Fita neta ib futan olo dola omfubenamabibe.

Lebelesen 7:12

baaniba Bainobo, nib Gode kla seinha bianobte! E titilo sumobo, e bobol tem funino ayam kesoa nibo ayamobo ge baanoba e niniino dobtouleb nomo! Titil sbalo e dim wat biobo, olo alukum elemi amit ninobo ge ngambiba yatemibe.