Efesas 1:15 - Mian

^15-16 Ibo sbalmaniba nib Sume Yesus Klaiste bainobo gabianiba Gode bainobo galin naka mak unang maki gobe blib weng osa ne wentenia ne Gode niniino amitie dobtouleb blibe. Ne Gode nganhamang gamio ibsa daaye binabibe.

Efesas 1:15 ပူးပေါင်းရင်းမြစ်များ

Abosel 20:21

Am homono dimo ne Yuda isa Yudaba isa baabenia Ib hengmino deiboniba ib bobol temo deskinaniba Gode omaniba Yesus Sume bainobo geine ge oye binibiobe.

Fole Lom teni bainobo galini futano dola omfubesebe. 1:8

Mikiktemo ne weng olo enangge baabenamabibe. Ibo Yesus Klaiste bainobo gabibo o weng sango alukum balianoa bib mak bib mak seli wentebib kesoa ne alukum ib bobolo funania Yesus Klaiste niniin dimo God Sume gangobo geiobe.

Galesia 5:6

Nib bobol tem funino makob Klaiste bobol tem funino ulab anomobo nibo aalo wetlanomob osa eka mo wetlaim blim kenomob osa besabe. Gode kukub olo watemameo mo funaneta I ne kin dimo naka molot unang molotobo ge funanemebabe. Ina otane nibo Yesus Klaiste bainobo genoba esa naka mak unang mak isa gobe bianoba daayemob mole Gode nibo baabenea Ibo ne kin dimo naka molot unang molotobo genamabebe.

Efesas 1:1

Fol ne Gode nemfakanea baatnenea Kobo Yesus Klaiste okok kamasanin nakabo ge baatnenebio kesoa ne Yesus Klaiste okoko okok kebianita futan olo dolanita Gode nakaia unangai Efesas bibo bianiba Yesus Klaiste wengo kla wafu blib ibo omfubenamabibe.

Efesas 3:18

Yesus Klaiste nibo kla gobe bie kesoa e gobenin kukub olo sumobe. O binano onon tlanoa ge dlakanobio kesoa ne Gode baabania Kobo bainobo galin nakaia unangai Efesas bib sel isa eka bainobo galin nakaia unangai bib mak bib mako blib isa alukum daabeneba i bainobo galino omsbal mabeneba i Yesus Klaiste kla gobe bie kukubo tekein keine! E gobenin kukubo sum kesoa nakaia unangai o klao mo tekein kenomabibbabo, kobo daabeneba i e gobenin kukubo kla tekein keine! I e gobenin kukubo kla tekein kenimibo i Klaiste kukub osa eka keb kukubo afet osa i alukum kla tekein keniba makob keb ulab aniba naka molot unang molot anomabiobo ge ohabibe.

1 Tesalonaika 1:3

Ni amitie Aye Gode oha bianoba Tesalonaika bib seli bainobo galino sbal maniba Yesus esa eka nakaia unangai e bainobo gabib isa gobe bianiba bainobo galin naka mak unang maki daaye bianiba i bobol temo fumbianiba Sume Yesus Klaiste imin tlamabebo ge fumbianiba waisa bliobo ge ohabuobe.

1 Tesalonaika 4:9

Ne ibo bainobo galin naka mak unang maki gobeine genamin wengo imino mo baanita dolanimibabe. Niminbabe, ibo tekein kebiobe, Gode emaye inangge baabenebiobe.

2 Tesalonaika 1:3

Am mak bomanomo am mak bomanomo ni Gode baabanoba Kobo Tesalonaika bib seli bainobo galin nakaia unangai daayebeba i bainobo galino sbalma blib kesoa God kobo ayamobo gabobo, kukub olo ayamobe. Niminbabe, ibo bainobo galino sbal maniba naka mak unang maki kla gobe blib kesoa ib gobenin kukub olo sum anyebobe.

1 Timoti 1:14

Eka Sume Yesus Klaiste kukub ayamo omnenea daatnene kesoa ne e bainobo genia e kla gobania ne bobol temo omam blibe.

1 Timoti 1:5

Ina otane ne funania I kukubo afet ota nabianiba i bobol temo kining aniba fiab bianiba Gode bobolo fumbianiba bainobo geine! I inamib mole i Gode goba bianiba eka i nakaia unanga isa gobeniba daayemomabiobo ge funaiobe.

Hiblu 6:10

Gode kukubo misiamba kesoa e ib kukub ayamo nabibo mo dokobanomobabe. E kukubo ayamobe. E ib kukub ayamo nabibo bobolo fumbebe. Ibo sino Yesuse nakaia unangai gobe bianiba daaye binibbu osa eka memalo gobe bianiba daayebib osa Gode tekein kebianea olo bobolo fumbebe.

1 Fita 1:22

Ibo Gode bain wengo wenteniba bainobo geniba ib bobol temo kining am blib kesoa ibo bainobo galin naka maki besa sitalo mo baabenibta ni ibo gobe biobobo genimibe! Ibo ib bobol temo bain omyenibta kla gobeine!

1 Yon 3:17

Naka make inamin namino homon otane e bainobo galin naka make inamin namino blime mo dobhalila daabaim blim keneme naka ele e Gode mo goba biebabe.

1 Yon 4:21

Klaiste hekmel weng olo nibo baabenea Nakae waneta Gode goba bie mole e bainobo galin nakaia unangai mak isa gobeneko genebiobe.