Abosel 9:31 - Mian

³¹ Sole inanea unea Yesuse bainobo galin nakaia unangai Yudia betano blib isa eka Galili betano blib isa Samelia betano blib isa i naka maki enino mo omkayemin blim kesoa i ayam bianiba naka homon unang homoni Yesuse bainobo geiba Gode Hobe daakenea titilo omya i Yesuse bainobo galino sbal masiobe.

Abosel 9:31 ပူးပေါင်းရင်းမြစ်များ

Fole Lom teni bainobo galini futano dola omfubesebe. 5:5

Nibo am olo waiso biobo am olo bain tlamabo kesoa nibo bobol ilumo mo omfubenamabobabe. Niminbabe, Gode e Hobe dabanea tenea nib bobol temo bibe bianea Gode nibo kla gobe bie kukubo nib bobol tem wato omabbu nayebebe.

Fole Lom teni bainobo galini futano dola omfubesebe. 15:13

Gode baabenea Ne ibo dletnia ne bibam unomo genebio kesoa ibo e waisa bliobe. Ne Gode baabania I kobo bainobo gabib kesoa kobo seinin sum osa bobol tem ayam osa omyene! Kobo i sino Hobe titilo omyebbua daayebo kesoa i Yesuse imin tlameo dletnea moniba keb bibam unomabibo waiso blibo seinine ge ohabibe.

Abosel 8:1

I inaniba Stibene anaiba kaansea Sole funanea ayam nata anaibobo gesea naka maki Gode bobolo fumbibi teniba Stibene debeb moniba dobbuniba mehabiba amo yo dim ota naka maki teniba Yesuse bainobo galin nakaia unangai Yelusalem bibo blibi enin kino omkayemiba maki skilaniba Yudia betano bib mak bib mak onon tlaiba eka mak ile skilaniba moniba Samelia betano bib mak bib mako onon tlanasib otane Yesuse okok dlasanin naka ita Yelusalem bib ye bliba

Efesas 4:12

E titilo bainobo galin nakaia unangai afet afet omkayebea i bainobo galin naka mak unang maki daayebiba isak Gode okoko ayam okok kebiobe. Klaiste bainobo galin nakaia unangai alukum Gode okok olo okok kebianiba i sinwalo daabesese bianiba i bainobo galino omsbal sambiobe.

2 Kolin 13:10

Sume ne nemakanea baatnenea Kobo Kolin bib seli bainobo galin nakaia unangai kla kimanale! Kobo i bainobo galino mo watwat dabenemebe! Kla daabenebta i bainobo galino sbal maine ge baatnenea e titilo ne omnebiobe. Ne skeim ele bli ele ye futan olo dola omfubenamabibe. Niminbabe, ne monia ibsu natlania ibo sbal weng baabenomo genita ne futan olo ibo sin dola omfubeia ibo hengmin kukubo deibonabibta ne natlano genita futan olo dola omfubenamabibe.

2 Kolin 10:8

Sume ne nemakanea baatnenea Kobo Kolin bib seli bainobo galin nakaia unangai kla kimanale! Kobo i mo watwat dabenemebe! I kla daayemale ge baatnenebio kesoa e titilo ne omnebu olo weng sango i amitie omkayebio ne aalo mo gembibabe. Ne olo kla seimbibe.

2 Kolin 7:1

Ne nekwal ibo ne ibo kla gobe blibe. Gode baabenea Ibo ne meme anomabiobo genebuo weng olo bain kesoa nibo Gode tolo tosiam bianoba sbal manoba nib damo hengmino namino deibonoba eka bobol tem misiam funino deibo nanoba Gode kin dimo kining anomo!

Abosel 16:5

bainobo galin nakaia unangai wenteniba i bainobo galino sbal maniba naka mak unang maki imin bainobo ge te watem te watem bianiba homon ansiobe.

Abosel 12:24

E inanea kaane kesoa nakaia unangai homoni Yesuse wengo wenteniba bainobo gesiobe.

Abosel 6:7

Naka homon unang homoni Yesuse wengo wente bianiba bainobo gabiba eka Yelusalem bib sel isa eka Gode amo kimanin nakai komokwal isa Yesuse bainobo gesiobe.

Futan olo Yut eta dolanebiobe. 1:20

Ina otane ne nekwal ibo i wengo mo wentaibe! Ibo Gode wengo bainobo geibbio kesoa ib bainobo galino sbal maniba ib sinwalo daabesese bianiba Gode Hobe e titilo ibo daayebea Gode nganhamine!

Hiblu 4:9

nibo tekein kebuobe, singkalim am olo mo tlim blim sma ye biobe. Am olo dimo Gode meletani e bekeba bianiba singkalomabibo makob sinanggwano Gode e okoko klanea blimanoa deibonea sinanebio inaniba singkalomabiobe.

1 Timoti 1:4

Kobo i baabeneba Ibo i faninwali weng sang afeto mo obianibta i inaminobo gabianibta i niniino mo dotouleb nimibe ge baabenale! I faninwali wengo wentaibo baase baase binabib otane weng olo i bobol temo mo daabenota i Gode bainobo genomabibbabe. Olo besa wengobe.

1 Tesalonaika 5:11

Inanomabbio kesoa ib sinwalo weng olo obianiba daabesese bianiba ib bainobo galino omsbal sambianiba makob memalo nabib inamine!

Kolosi 1:10

Ibo inanimibo Sume ibo baabenea Kukub olota namine gabe wengo kla wente bianiba e kukubo kla wafu bliba e ibo seinyemabebe. Ibo inamibo inamin namin kukub ayamo nabianiba Gode bobol tem funino tekein kenaniba ib tekein kemino sum anamabobe.

Filibai 2:1

Ibo Yesus Klaiste bainobo gabiba e ibo daabenea sbalma bliba bleka? E ibo daabenea sbalma bliobe. E ibo gobe bie kesoa ibo bobol ayam bliobe. Gode Hobe ibo bekebe bia ibo seinbiba bleka? Gode Hobe ibo bekebe bie kesoa ibo seinbiobe. Ibo ib sinwalo dohalila daabesese blib bleka? Ibo inabib kesoa

Efesas 5:21

Ibo Yesus Klaiste kla goba bianiba E ayamobo ge ohabib kesoa ibo ib sinwalo maki wengo kla wentubesese bianibtane!

Efesas 4:29

Ibo naka maki wengo misiamo mo oyemibe! Ibo weng ayamo olota obianiba naka mak unang maki i bainobo galino dosbal sambiba eka nakaia unangai ib wengo wentebibi bobol ayam fumbianiba kukub ayamo wafueine! Ibo kukub olo inaib mole i daabenomabiobe.

Efesas 4:16

E kimanin kesoa eta nib okoko afet afet omkayebebe. Nibo e okoko afet afet olo okok kehamobo nibo makob e damobe. E ele bobol tem funin ye funanea e okoko nibo omkayebebe. Nibo makob e dam kesoa nibo e okok olo okok kemob mole e damo ayam namabobe. Nibo e okok olo kla okok kemob mole nib sinwalo gobenoba daabesese bianoba nib bainobo galino omsbal manomabbiobe.

2 Kolin 12:19

Ibo mo funanibta Fole funanea Ne kukub ayam wafu biebo geine geneta futan olo dola omfubenebo genimibe! Nesa Klaist esa ni bobol temo makob bianobta Gode kin dimo ne weng olo ibo baabeiobe. Ne funania Ne nekwal ibo ne wengo ibo oye binabi yo fumbianiba ib bainobo galino sbal maine genita futan olo dola omfubenamabibe.

1 Kolin 14:26

Ne nekwal ibo wentine! Ibo miniba Gode niniino dobtouleb bianiba okoko namom gaibo kukub olota namine! Make anso kimanea eka make Gode kukubo alebenea eka mak ele Gode wengo e omalameo omkeimanea eka mak ele wengo dabalim nakaia unangai mo obinabibbao obea eka mak ele e weng olo deskinamin titilo Gode omalameo ili weng deskinea nakaia unangai omkaye biam nine! Ibo kukub olota ina bianiba bainobo galin naka mak unang maki i bainobo galino omsbal sanyemine! Ibo inamibo kukubo watemiba bainobo galin naka mak unang maki mo daabenamaboba bio mole kukub olo deibueine!

1 Kolin 14:12

Inamin kesoa ibo funaniba Gode bainobo galin naka mak unang maki i bobol tem funino daayemin titilo ni omyia e okoko okok kemomo ge fumbianibte!

Fole Lom teni bainobo galini futano dola omfubesebe. 14:19

Inamin kesoa nibo sbal manoba naka maki bainobo galino daabesese bianoba nib bobol temo makob anoba nib bainobo galino omsbal sanomo!

Fole Lom teni bainobo galini futano dola omfubesebe. 14:17

Niminbabe, Gode nibo kima bio nib imen unalin kukub osa aa unalin kukub osa e mo funaneta misiamobo ayamobo gabebabe. Gode kimanin kukub ole enaminobe. E Hobe dabanea daakenea nibo daayebe kesoa nibo inamin namin kukub ayamo wafu biobobe. E nibo bobol tem ayam osa eka seinin bobol tem osa omkayebebe.

Abosel 2:47

Gode niniino dobtouleb bliba Yuda naka mak unang maki fumbianiba Bainobo galin nakaia unangai kukubo klayamobo gabiba am obba ye bomanomo bomanomo yo dimo nakaia unangai Yesuse bainobo geniba te watem te watem bianiba homon anibta binibbiobe.

Abosel 5:11

bainobo galin naka unang isa eka naka mak unang maki weng olo wentib isa i tosian monsiobe.

Abosel 20:32

Ne memalo ibo dlonia Gode kweiban dim dlaiobe. Eta ibo kimanamabe kesoa ibo e wengo kla wente bianiba ib bainobo galino sbal maine! E nakaia unangai e bainobo gabibi daayebeo ibsa inanea daabenamabebe.