Abosel 8:5 - Mian

⁵ Filib esa inanea monea Samelia betan ye bianea Gode Dofakamin Nakae Klaiste wengo Samelia bib seli omkayebea

Abosel 8:5 ပူးပေါင်းရင်းမြစ်များ

Abosel 1:8

Ina otane Ne Gode Hobe dabai tenea ibo bekebe bianea e titilo omkayebea ibo moniba Yelusalem bib sel isa Yudia betano bib mak bib mak sel isa eka Samelia bib sel isa eka bib mak betan mako blib isa alukum ne wengo omkayemomabiobo ge baabenea

Abosel 21:8

boman ole deibenoba siibe imin obetnoba monoba Sisalia bib ye unanoba siibe ye deibanoba monoba Gode dowan weng omkeimalin nakae Filibe am tam tenoba ye baka aaunobbiobe. E sino Yelusalem bibo bainobo galin nakaia unangai imeno kikiyemine geniba nakai sebeni dlakaibbuei mak etabe.

Abosel 5:42

I inaniba bianiba Gode am sumo tem osa eka am afet osa o temo moniba nakaia unangai Yesuse wengo aleye bianiba baabeniba Yesus ele Gode Dofakamin Nakabo ge oye monsiobe.

Abosel 6:5

bainobo galin nakai Yesuse okok dlasanin nakai wengo wenteniba funaniba Weng olo ayam ye baaibobo geniba i nakai dlasibi niniino elitabe. Stibene bainobo galino sbal mabia Gode Hobe e bobol temo biba bie esa eka Filib esa Blokolas esa Naikena esa Taimon esa Famenas esa Nikolase Antiok naka esa ita dlasiobe. Sino Nikolas ele Yudai kukubo watemnea gobo bianea wafu binebiotabe.

Abosel 8:1

I inaniba Stibene anaiba kaansea Sole funanea ayam nata anaibobo gesea naka maki Gode bobolo fumbibi teniba Stibene debeb moniba dobbuniba mehabiba amo yo dim ota naka maki teniba Yesuse bainobo galin nakaia unangai Yelusalem bibo blibi enin kino omkayemiba maki skilaniba Yudia betano bib mak bib mak onon tlaiba eka mak ile skilaniba moniba Samelia betano bib mak bib mako onon tlanasib otane Yesuse okok dlasanin naka ita Yelusalem bib ye bliba

Abosel 8:26

Gode abisake Filibe baabanea Kobo moneba Saut da ye temebta deib make Yelusalem bib daniba ke tlaniba Gesa bib une binabib deibe sine ye biebo gesea

Abosel 8:30

Filibe blublu monea naka elesu unanea temea e Gode weng omkeimalin nakae Aisaiae wengo dolanebuo kibe kesoa baabanea Kobo weng olo kibebo o mitmakamo mo tekein kebebo? gesea

Abosel 8:40

Filib ele tenea Asdot betan ye helanea tebianea bib mak bib mako Yesuse weng ayamo omkayem omkayemnea tenea Sisalia bib ele tesebe.

Abosel 8:6

nakaia unangai Filibe wengo wente bianiba eka inamin namin okoko sumo klabeo wateme bianiba e wengo kla wente monsiobe.

Abosel 9:20

monea meb meb yo Gode amo tem tamo Gode wengo omkaye bianea baabenea Yesuse Gode miinobo ge oyem haasea

1 Kolin 1:23

I inangge obib otane ni Yesuse atdimo kaanebio wengo nakaia unangai omkayebobo Yuda ile baaniba Gode Dofakamin Nakae Klaiste atdimo mo kaanemebabo, naka misiam ita atdimo kaanabib kesoa ni weng olo mo gobo biobbabo gesib eka Yudaba ile obianiba I weng obba halebo ye obiobo ge baasib bliobe.

1 Kolin 2:2

Niminbabe, ne sino Kolin bibo natlio ne mo funanita Inamin namin weng sango afet afeto omkayemano ge funaim blimobe. Ne Yesus Klaiste bobolo olota fumbiania ne funania Yesus Klaiste atdimo kaanebuo weng olota omkayemano ge funaibiobe.

1 Kolin 3:11

Nibo tekein kebuobe, Gode Yesus Klaiste baabanea Kobo makob sbal amuno isak daako bikieibbua geiowanoa am damo sbalma binabo ulabobo ge baabanebio kesoa naka maki sbal amune afete haleb teniba bikinamino blimobe. Olo makob inaminobe. Ne Yesus Klaiste wengo ibo sin omia wentibbio kesoa naka maki imin teniba naka afeti wengo ibo imin omkayemib mole ibo weng olo mo wentaibe!