Abosel 8:30 - Mian

³⁰ Filibe blublu monea naka elesu unanea temea e Gode weng omkeimalin nakae Aisaiae wengo dolanebuo kibe kesoa baabanea Kobo weng olo kibebo o mitmakamo mo tekein kebebo? gesea

Abosel 8:30 ပူးပေါင်းရင်းမြစ်များ

Matyu 13:19

Wit sano dilbi daaknoa deib daak unobio yole o mitmakamo inaminobe. O makob nakaia unangai sinanomo Gode kimanamabeo wengo wentaib otane i klao mo funa omabbaim blim keiba Gululame tenea omketouye binabe otabe.

Matyu 13:23

Eka mako dilbi daaknoa dabal ayame dim daak unanoa bela ute damanoa yamo mako 100 balinoa eka mako 60 balinoa eka mako 30 bali nanobio yole o mitmakamo inaminobe. O makob nakaia unangai Gode wengo wenteniba wafuniba Gode daabenea e titilo omyenea maki e okoko sum okok kebib eka mak ile atosin ota okok kebib eka mak ile men okok kebiam blib itabo ge baabesebe.

Matyu 13:51

Yesuse baabenea Ne inamin namin saa wengo oyebio ibo o mitmakamo tekein kebibo? gesea i baabaniba Ae ni tekein kebuobo gesiba

Matyu 15:10

Yesuse nakaia unangai saa weng mako baabenang genea nganabesea tesiba baabenea Ibo ne wengo kla wenteniba funaine!

Matyu 24:15

(Nakaia unanga ibo buk olo kinimibo kla funaine!) Yesuse imin baabenea Sinanggwano Gode weng omkeimalin nakae niniino Daniele Gode buk temo dolanea baanea Sinanomo naka maki inamin namino mako bib amo watwat danamabo omeb teniba Gode biin awemo omfanomabiobo genebuo tam tloa ibo watemaibo

Dowan Weng Olo Make Dolanebuotabe. 13:14

(Nakaia unanga ibo buk olo kinimibo kla funaine!) Yesuse imin baabenea Ibo bliba naka maki inamin namin mako bibamo watwat danamabo omeb teniba Gode biin awemo omfaiba watemaibo nakaia unangai Yudia betano blibo deiboniba hebmamsab skila ulaniba amgolim unine!

Dowan Weng Olo Yone Dolanebuotabe. 4:34

Yesuse baabenea Ne nakae nemanea tlibue bobol tem ota wafu biania e baatnenemeo ne e weng ota wente biania okok bli kesoa ne okoko okok kebia blimansote genitabe. Imeno ayam otane ne Gode okoko okok kebio kukub olo dot ayamobe. Ne yo inanimi olo makob ne imenobe.

Dowan Weng Olo Yone Dolanebuotabe. 5:39

Ibo Gode buk temo afen smike mitmakame hembinabiobe. I Gode buk temo ne weng sango dolaibbu otane ibo sma ye tobtlim biobe.

Abosel 8:27

Filibe wentenea monea deib ele walanea deib tla bebianea Itiobia nakae atemsebe. Naka ele e niniin ohaminobe. E Itiobia seli komok sumo niniino Kandesio monio kimanin nakabe. E monea Yelusalem bib ye bianea Gode niniino dobtouleb binea Imin monia nene bib unano genea kalise tem tam toumbia til hosi tekda buba debeb bliba bebianea Gode weng omkeimalin nakae Aisaiae wengo dolanebuo kim bebea Filibe atenabea

Abosel 8:29

Gode Hobe baabanea Kobo moneba kalis esu one ge baabasea

Abosel 8:31

e baabanea Naka maki o mitmakamo mo aletneim blim kesoa ne o mitmakamo mo tekein kebibabo, kobo teneba ne kalis tem ele touneba aletnenale ge baabasebe.

Abosel 8:5

Filib esa inanea monea Samelia betan ye bianea Gode Dofakamin Nakae Klaiste wengo Samelia bib seli omkayebea

1 Kolin 14:19

Ina otane bainobo galin nakaia unangai mina bianiba lotu kebiba ne baka lotu kenang gamio ne kukub olo deibonia Gode wengo ili weng omkaye bia nakaia unangai weng olo wente bianiba i Gode kukubo kla tekein kebib kesoa ne kukub olo ayamobe. Ne funania Ne wengo dabalim nakaia unangai mo obinabibbao omi mole i ne weng olo mitmakamo mo tekein kenomabibba kesoa i wengo tekein kebib ota wengo i mo tekein kebibbao gaisonobiobo ge funaiobe. Nibo Gode wengo ili weng omkeimabobo i o mitmakamo tekein kebib kesoa o i bainobo galino daaye binabobe.

Efesas 5:17

Ibo Gode kukubo mo tobtlinimibe! Ibo Gode okoko gobo bianea namine gabeo kla tekein kebianiba namine!

Lebelesen 13:18

Nibo olo kla funanomo! Nakae waneta tekein keminsa bie mole kukub olo tam tlamo tekein kenea namba olo kulan halebe nambabe geneko! Namba olo naka make nambabe. Eka e namba ole 666 obe.