Abosel 7:8 - Mian

⁸ eka imin baabanea Ne kobo daabkeia keb molobseli walaibo ibo nemiobo, ibo aalo waketoumin kukubo wafuniba ne wengo bainobo geine ge baabanebio kesoa Eblahame Aisake awoko debeb tlobua amo 8 blimanota e aalo watlabanebua eka Aisak esak Yekobe dofanea aalo watlabanebua eka Yekob esak e memei naka teni 12 dlanea aalo waketoufabenasebe.

Abosel 7:8 ပူးပေါင်းရင်းမြစ်များ

Matyu 1:2

Eblaham ele Aisake dofanebiobe. Eka Aisak ele Yekobe dofanebiobe. Eka Yekob ele Yuda esa eka e nekel isa dlanebiobe.

Dowan Weng Olo Yone Dolanebuotabe. 7:22

Ibo Mosese hekmel wengo wafu bianiba makob ilib faninwali naniba aalo waketou binibbio inaniba ib meme isa waketouye binabiobe. Ibo Gode singkalin amo dimo memei aalo weketouye binabib olo okok otane ibo mo funanibta Olo Gode singkalin am kesoa memei aalo watlabenamin amo ye tlo otane deibenob sakabta bomasota wetlabenomo ge funa nabibbabe. Yeye ibo Gode singkalin amo dimo funaniba Mosese hekmel wengo olo baanobio iwat nanoba memei aalo wetlabenomo geniba waketouye binabibo osa okok kesoa ne naka ele Gode singkalin amo dimo klaubaia ayam aneo ibo mo nemsuanimibe!

Abosel 2:29

nekwal ibo ne weng olo ibo baabenamabibe. Nib fanine Debite kaanea nakaia unangai tom tem wat dofaibbuo e gloutemo sma bua nibo watemobbuo Debite ele weng sango mo dolaim blimobe. Naka afete weng sang ota e dolanebiobe.

Fole Lom teni bainobo galini futano dola omfubesebe. 4:10

Eblahame aalo sin watlaneta Gode baabaneta Kobo ne kin dimo naka molotobo ge baabanebua bleka? Yeye e aalo mo watlaim blim bieta Gode sin baabanea Kobo ne kin dimo naka molotobo ge baabanebiobe.

Galesia 3:15

Ne nekwal ibo ne saa weng mako dabalim nakai dim tounia baabenamabibe. Ne weng olo ibo daabenamabo kesoa ibo funaine! Nakai asu keniba baaniba Nibo weng olo wafu bianoba inamomo ge baaniba weng olo dolaniba eka i niniin osa dolaib biamo naka afete tenea weng olo watlanea weng afet dolanamino blimobe.

Galesia 3:17

Ne saa weng olo mitmakamo inaminobe. Sinanggwano Gode moton wengo Eblahame omanea baabanea Ne weng olo kobo baabkei biamo bain inanamabibo ge baabanebua sinanoa bifolo 430 o blimanoa Mosese dofaiba damanea Gode hekmel wengo omalebiobe. Inanebu otane Mosese hekmel weng olo mo inanota makob naka make wengo dolanebua naka make tenea e wengo welubanea weng afet dolanamabe inanota sino Gode moton wengo Eblahame baabanebuo mo otlanomobabe.

Hiblu 7:4

Sinanggwano e dot komok sum binebio kesoa ibo e bobolo funaine! Nib fanine Eblahame funanea Melkisedeke komok sumobe. E ne gaitnenebo ge funane kesoa i makaai yaloniba inamin namino doise dleb tleo miola miola binea 10 olminea Melkisedeke olokiem olanea e 9 o oleb unebiobe.