Abosel 6:1 - Mian

¹ Am olo dim ota Yesuse bainobo galin nakaia unangai homon aniba Glik wengo obibi Hiblu wengo obibi dosuananiba baabeniba Am obba ye bomanomo bomanomo Yesuse okok dlasanin nakai imeno oloniba bainobo galin nakaia unangai imen blimi kikiyemom gaibo Hiblu wanggeli soson ita homon okaye bianiba eka Glik wanggeli soson ile gwab okayebia nabiobo gesiba

Abosel 6:1 ပူးပေါင်းရင်းမြစ်များ

Matyu 23:13

Yesuse baabenea Hekmel weng tekein kemin naka ibsa eka Felisi ibsa kukub misiamo ib dimo tam tlamabo kesoa klaine! Ibo dim omin sitalsabe. Naka maki Gode nakaia unangai kimanin bibo unom genabib otane ibo watabiobe. Ibmalo mo tam unomabibba kesoa ibo naka maki deib osa waise bliobe.

Abosel 11:20

otane Saiblas bib sel isa Sailini bib sel isa i bainobo galin nakai maki moniba Antiok bib ye bianiba Yuda isa eka nakaia unangai Yudaba isa Yesus Sume dowan weng ayamo omkayebiba

Abosel 11:26

imin moniba Antiok bib ye bianiba bifol olokiemo dimo i Yesuse bainobo galin naka mak unang maki tenaniba mibianiba Sole Banabase i dabo Gode wengo aleye monsiobe. Antiok bib seli bainobo galin nakaia unangai mema niniino dlaniba I Klistenobo ge nganabesiobe.

Abosel 11:29

Yesuse bainobo galin nakaia unangai Antiok bib ye blibi Agabase wengo wenteniba funaniba Nibo bainobo galin nakaia unangai Yudia betan ye blibi daabenomo! geniba i monio atosino ima oleb unaniba atosin ota oloniba

Abosel 2:41

naka homon unang homoni Fitae wengo wenteniba bainobo geniba aaye fuelasibi 3,000 obe. I inaniba aaye fuelaniba sin bainobo geibbuei tenaniba mi haabisiobe.

Abosel 2:45

eka inamin namino oleb moniba naka maki waloniba monio oise tlebianiba eka i dabal osa naka maki deibeiba waliba monio oise tlebiam bianiba olmina bianiba oloniba bainobo galin naka mak unang maki inamin namin blimi okaye binibbiobe.

Abosel 2:47

Gode niniino dobtouleb bliba Yuda naka mak unang maki fumbianiba Bainobo galin nakaia unangai kukubo klayamobo gabiba am obba ye bomanomo bomanomo yo dimo nakaia unangai Yesuse bainobo geniba te watem te watem bianiba homon anibta binibbiobe.

Abosel 4:4

Ina bisib olo dimo naka homon unang homoni Fitae wengo wenteniba nakai bainobo genabiba eka sin bainobo gabib nakai tenaniba misibo 5,000 ese makobe.

Abosel 5:14

Ina otane nakaia unangai namin ye bainobo ge tewat sin bainobo gabibi tena kweko kweko bliba eka

Abosel 5:28

Ni sino baabenoba Ibo Yesuse wengo mo omkemanimibe ge baabenobbu otane ibo ni wengo mo wentim blimobe. Ibo Yelusalem bib seli nakaia unangai alukum weng olo baabeniba Isleli komokwal isa naka gang isa ita Yesuse anaiba kaanebiobo ge oyebiobo gesea

Abosel 6:2

Yesuse okok dlasanin nakai 12 i wenteniba bainobo galin nakaia unangai nganabeiba tliba baabeniba Ni Gode weng omkeimamin okoko deibonoba imen kikimin okok ota okok kemob yole dot ayambabo,

Abosel 6:7

Naka homon unang homoni Yesuse wengo wente bianiba bainobo gabiba eka Yelusalem bib sel isa eka Gode amo kimanin nakai komokwal isa Yesuse bainobo gesiobe.

Abosel 9:29

E inabea Yuda nakai Glik weng obibi tetemsiba e Yesuse wengo baabesea i wenteniba halen tlaniba weng ombiabasiba e baase i baasib biniba atliaubesoa ananom genamsiba

Abosel 9:39

baka monea Dokaso niniino mako Tabitao am tam unanea utnea biin asal uto tem ut temea sosoni alukum teniba Fita esu ele miniba mebianiba Dokaso youmo bikibenobuo Fitae alebasiba

Abosel 9:41

o kino bomanoa Fitae atemnoa hana ute tounsoa e kweilone tobwensea alefunoa omfaanea hana ute masoa deibonea unang soson isa bainobo galin nakaia unangai mak isa nganabenea imin tam temiba o mo alebenea ele omfaiobo ge baabenea

Fole Lom teni bainobo galini futano dola omfubesebe. 12:7

Eka Gode naka make nakaia unangai daayemin okoko omale mole e nakaia unangai kla daayemeko! Eka Gode naka make aleyemin okok omale mole e aleyemin okoko kla okok kemeko!

1 Kolin 10:10

Eka mak ile funaniba Gode kukubo nabeo ayambabo ge funaniba e alo tliyemo kesoa Gode abisake naka yemine dabanea daakenea yalea kulilaibbio kesoa ibo mo inanibta i kukubo nabinibbuo mo wafu bianibta Gode alo mo tliyemone!

2 Kolin 11:22

Naka eli ili niniino omfufu bianiba baaniba Ni Hiblu tenobo gabibo nesa Hiblu tenobe. Eka i baaniba Ni Islel esa Eblaham esa i molobselobo gabibo nesa Islel esa Eblaham esa i molofeitobe. Inamin kesoa ibo fatnanibta baanibta Naka eli titilsabo Fole titil blimobo gabibe?

Filibai 3:5

Ne biemo nemikinobua Sande elekiem blimanea i ne aalo watlatneib kesoa nakaia unangai funaniba E God emiobo geibbiobe. Ne Islel esa e miine Bensamin esa i molofeitobe. Ne faninwali Hiblu ten kesoa nesa Hiblu tenobe. Ne Yudai hekmel wengo alukum wentenia kla wafu bli kesoa ne Felisi nakabe.

1 Timoti 5:3

Unang maki bainobo gabibi imakwali kaabeibbua ilikiem blib mole bainobo galin nakaia unangai i daaye bianiba kla kimaine!

1 Timoti 5:9

Kobo unang sosoni daayemang gaebo i niniino homono mo dolabenebta daayemebe! Unangi bifolo homono 60 o blimubenobuei i niniin ota dolabeneba daabenale! I imakwali makob ilita dlo bliba naka mak unang maki baaniba I kukubo ayam nabiobo gabiba i memei kla kima bianiba eka bib mak nakaia unangai imeno okaye bianiba eka bainobo galin nakaia unangai bib mak da tlaibi i skilono fubaye bianiba daaye bianiba eka nakaia unangai gembib biamuei daaye bianiba kukub afet osa ayam nabiba i imakwali kaabeib biamuei niniin ota dolabeneba daabenale!

Hiblu 13:1

Klaiste bainobo galin nakaia unanga ibo ib sinwalo kla gobesese nine!

Yems 1:27

Nibo kukub ayamo nanoba nib Aye Gode funanea I kukubo ayamobo genamabeo inaminobe. Nibo meme maki awok aaloki kulilubeibbua aban biaib isa eka unangi imakwali kaabeibbua soson biaib isa kla kima bianoba kukub misiamo takabonoba Gode niniino dobtouleb nomob ota Gode funaneta Ib kukubo molotobo genamabebe.

Yems 4:5

Weng olo dim biamo Gode buk tem wengo mo baanota Gode e Hobe dobyebue e nib bobol temo bianea fumbianea I nemi kesoa i ne mo deitnenibta dabalim okoko bobolo mo funimibe ge fumbebo genomobabe. Ibo funaine! Weng olo besa wengbabe.

Yems 5:9

Ibo ib nekwali wengo mo omdibiye bianibta weng dobo weng oye biam nimibe! Ibo inanimibo Sume baabenea Ib kukubo misiamobo ge baabenamabebe. Nib kukub klamin nakae tlamabeo mebanobe.